松阪士多啤梨園 + 瘋狂購物 @ AEON + 溫泉 @ 湯の山

今日離開住了3天的酒店 ~ 出發去溫泉 ...

最後一天的早餐 ~ 也不錯哦 ~

去溫泉之前就會去附近的士多啤梨園 摘士多啤梨 ...

個士多啤梨園其實都幾遠 ... 要搭差唔多半個鐘巴士先到 ~

架巴士仲要一日得4班 ...

0845 松阪駅前 ---- 三重バス ---- 0915ぐらい 浜口農園前 (PASS 利用　￥420)

黎到落車呢個位 ... 又係時候依靠偉大o既GPS ...

唔係真係完全搵唔到囉 ~ 佢係中間有一條小路行入去 ....

四周都無野 ... 連人都無 ~

之後見到有個研修 中心o既物體 ... 問左人 ~ 終於搵到啦 ...

初先以為係好大 ... 原來只係細細個 園 ~ 不過都已經夠我地食啦 !

￥1,600 いちご狩り食べ放題 ~

    

然後就開始不停又摘又食 ~ 又摘又食啦 ~

大家都好勁 ... 食左勁多 ~ 又甜又好味 ...

不過反而好似越細粒越好味咁 ...

食到飽飽的 ... 本身話去對面個松阪農業公園 ~

但大家都好似無咩興趣咁 ... 所以就改變行程 ~

去岩先搭巴士經過的POWER CENTRE SHOPPING ~ 有好大間AEON ...

叫左士多啤梨園o既 職員幫我地call 的士 ~

大約 ￥1,600 ... 5人 坐一轉 ~ 咁都幾抵呀 !

跟住就開始4小時瘋狂大購物 ...

呢度有超市 ~ 衫 ~ 化妝品 ~ 電器買 ...

我估其實係俾居民黎多 ...

d 衫 勁平 ... 好抵 ~ 無新 ... 但真係好抵 ~ 所以無所謂 ...

其實成4個鐘係度行 ... 真係好多時間 ~

我地行到12點幾已經係超市買晒魚生咁坐係門口食 ~

跟住等巴士返去松阪車站 ...

1415 パワーセンター松阪 --- 三重バス --- 1425 松阪駅前

返到去 ... 就返酒店拎返行李 ~ 然後就出發去溫泉了 ~

1458 松阪 --- 近鉄山田線急行(近鉄名古屋行) --- 1552 近鉄四日市

轉

1608 近鉄四日市 --- 近鉄湯の山線(湯の山温泉行) --- 1634 湯の山温泉

(PASS 利用 ￥1,100)

因為約左旅館o既車 1700 ... 所以到左之後就要捱陣冷等車黎 ~

原來路程都起碼要十分鐘 ... 好彩有叫旅館送咋 ...

到左之後 ... 就安排入房 ~

因為今次都係一齊堆係一間房 ~ 所以間房都係無敵大間 ~

由於旅館o既露天溫泉 同 室內係唔同位置 ~

我趁天光就拿拿聲去 露天凍一凍先 ~

嘩 .... 呢個位可以望到名古屋o既夜景 ~ 好舒服 ...

18xx 左右 旅館就準備好晚餐俾我地 ~ 我地就係隔離房食啦 ~

我望住個mean 覺得 好怪 ... 我明明訂龍蝦餐 ... 點解無寫有龍蝦 ~

之後食到咁上下 ... 我就問d 職員 ...

佢就咁答我 ... 因為買唔到所以轉左蟹 ...

下 ...... 我勁問 ~ 又唔係太聽得明 ~

之後叫左拎一個高級日本妹黎解釋 ... 我問左佢勁多次終於叫做明小小~

話因為上年好多外國龍蝦入口 ~ 真正係日本產o既唔多 ~

令到市面d 龍蝦價格上升 ... 所以唔再賣俾店鋪 ~

淨係賣俾街客 ... 於是佢地就入唔到龍蝦 ~

不過最奇怪係佢話有send email 俾我 ~ 但我無收過囉 ...

唉 ... 令人好傷心 ~ 無龍蝦食 ~ 仲要黎隻蟹係唔好食 ~

上次去宇奈月好食好多囉 ...

食飽飽 ... 又沖多次涼 ~

呢度有卡拉ok 唱 ... 但好可惜 ~ 係好似舞廳果d ... 要輪住唱 ~ 好差 ...

之後我放棄了 ... 就上房 ~

夜晚 突然間好大雪 ~  好驚聽日走唔到 ...

很 hea 地 遊 伊 勢 ~

今日集合時間係10點半 ...

點解咁晏 ? 其實因為各團友身體都唔多舒服 ~

加上天氣好凍 ~ 尋日又夜返 ... 於是俾大家多d時間休息 ~

係咪好貼心呢 ?

但因為 0930 早餐時間就完結 ... 於是我 都好早起身 ~
每日早餐都唔同款 ~ 不錯 ... 不會厭 ~

因為團友們都在無聊 ... 但因為車時間唔夾 ~

所以都係1030 出發 ... 這就是松阪站了 ~

1039 松阪 --- 山田線(普通)  賢島行 --- 1110 宇治山田  (Pass 利用 ￥390)

其實本身諗住搭參宮bus ... 可以去到我地第一個目的地 夫婦岩 ~

不過因為另一隻CAN BUS 都可以到 ~ 所以我地就搭左 ...

因為始終係街吹風等車都比較辛苦麻 ...

1124 宇治山田駅 --- CAN BUS --- 1217 夫婦岩東口・二見シーパラダイス前 (Pass 利用 如無記錯 ￥380)

唔知點解佢個 收費好奇怪 ... 去遠D 又突然平返 ...

其實搭呢架車大部份人都會係 伊勢神宮 內宮落車 ~

但係一心帶父母去呢個夫婦岩睇o既我 ... 就無落 ~

去左一d 好遠好荒蕪o既地方 ... 不過黎到落車見到有人 就輕鬆返晒 ~

夫婦岩隔離係二見水族館 ... 到底係日本有幾多個水族館呢 ?

我地先入左個商場入面 ~ 然後跟指示行 ..

就可以行到出去啦 ~

行出去海邊 ... 就會見到夫婦岩 ...
um ~~~ 其實 唔係好靚 XD 可能日落時間黎會比較好 ? 

係岸邊有個神社 ~

一嘗燒海膽 ~ 但一點也不好吃 ~

其實佢地好想係呢度食埋野咁 ~ 但由於 車班次唔密 ~加上如果我地再去伊勢神宮太晏D 野會收 ...所以我反對左 ... 我地無係度食龍蝦刺身餐啦 !!! >.<

1337 夫婦岩東口・二見シーパラダイス前 --- CAN BUS --- 1402 内宮前 (PASS 利用 ￥650)

好啦 ... 係內宮落車之後 ~ 因為都 兩點幾 ... 大家都餓 ~於是就入左一間食松阪牛o既餐廳 ...初先父親唔肯 ~ 因為佢話 無人 ... 似唔好食 ~

鰻魚玉子燒  ~

不過事實並唔係咁 ... 都幾好味wor ...食飽飽 ... 我地就去伊勢神宮啦 ~ 

其實初先話行小小 ... 但最後 我地就行到最入睇個內宮 ~不過只有我 媽 &  E 行 ... UM ... 只可以話呢個地方對日本人黎講真係好神聖 ~行左勁遠勁耐先到 ... 周圍都係森林咁 ~ 雖然好舒服 又乾淨 ...不過入到黎 原來淨係係宮外參拜 ... UM ~ 都幾特別 ...
呢度真係鳥語花香 ~ 水清沙幼 ~

內宮 周邊都有其他宮 ... 不過我地無再行 ~ 出返去搵家姐 & 爸 ...之後就再行おかけ横 ~
 果時都差不多 1530 ... 好彩D鋪都未收 ...但我地行完一個圈之後就開始陸續咁收 ...

差唔多時間有車返 車站 ~ 要離開了 ...

咁我地就行返去 岩先落車個位 ... 搭返巴士走啦 ~

1600 内宮前 --- 路線バス --- 1621 伊勢市駅前  (PASS 利用 ￥420)

其實點解係伊勢落 ... 因為母親不停說要行￥100 店 ~ 話岩先經過見到有 ...

所以就係呢度落車 ... 但係附近咩都無 ~ 於是都係一早打道回酒店吧 ...

1657 伊勢市 --- 近鉄山田線快速急行(大阪上本町行) 1713 松阪 (PASS 利用 ￥390)

我 ... 媽 ... E .... 一齊係酒店附近行下先 ~ 之後先叫返爸落黎食野 ...

行到好遠 ~ E 話要買D 碗返 香港俾表哥做手信 ~

佢咩都無買 ... 最後我媽買左 ~

每次黎到日本 ... 其實老人家都會發生好多攪笑o既野 ~

例如今次媽要講價 ~ 不停對住個日本婆婆 講廣東話 ~ 平d 啦 ~ 平d 得唔得呀 ?

行完之後就返酒店 同爸爸一齊落黎 食返第一晚食的居酒屋 ~

又係食返差不多的東西 ~

食飽飽 ... 我就獨自一人去唱k ...

呢間似係家庭模式的卡啦ok ... 我一入到去 ~

有個客 ... 返返 ~ 流住鼻涕咁問職員拎紙巾 ~

自己一個唱k 好開心呢 ~~ ... 仲有個小舞台添 ~

回去 ... 沖涼執野 ~ 明天繼續行程 ~