♥ Kellyly ♥

2014年12月13日星期六

札幌遊蕩 > 小樽

因為要CHECK OUT ... 所以我都係要早D 起身 ~

望出出面o既景象 ~ 已經係咁大雪 ...

check out 後出到去 ~ 雖然沒有很厚的積雪 ... 不過都很凍了 ~

係車站發現有一日地下鐡乘車劵 ~ 當然買左啦 ... JPY 600 ~

中島公園 > 札幌 JPY 250 ~

拖住個喼 ... 諗住落到札幌放係LOCKER 之後去小樽 !!
點知 ...... 全個札幌車站一個LOCKER 都無 !!
全部都俾人用晒 !!!!
我行左成個鐘一個都無 !! 我就黎痴線 !!
深信一定係因為嵐黎左 ~ D 粉絲用晒D LOCKER !!!!

好啦 ... 唉 ~ 其實我先去食左個小早餐先 ~ 很一般 ...

食完搵LOCKER ... 然後又去左買熊 ~ 噢 !! 咩雞竟然無晒 !!
呢個世界都不喜歡我麻 ? ... locker 無 ! 咩雞都無 !
跟住 ... 我唯有去左魚市場先 ~

札幌 > 二十四軒 JPY 250 ~

去到二十四軒 ~ 呢個無人o既車站 ~ 我終於有locker 用 ~
唔理3721 ... 放左先算 ~ 一陣都好 ~
咁我就可以輕輕鬆鬆鄧梓風 ~

慢慢行去魚市場 ~ 札幌市中央卸売場外市場 ....

一路行一路落住雪 ~ 都係第一次感受 ... 好凍好凍 ~

到左呢個魚市場 ~ 其實好多野都想買 ...
但我諗起個喼已經他媽的重 ~ 真係要好好咁考慮下先 ~

兜完一個圈 ~ 諗緊食咩 ... 就求其上左一間餐廳 ~ 海鮮食堂北のグルメ亭
呢間應該係2號店 ... 然後叫左個即燒帆立具 ~ 魚生飯 ~ 蟹湯 ..

其實佢即燒 ... 係我面前自燒 ~ 我真心唔知幾時食得 ~

其實係咪我唔識食 ~ 每次我食魚生飯都覺得很一般 ~ 好差 ...
蟹湯也是很一般 ~

吃飽飽 ... 我又做了一些很安九的事情 ~ 買了薯仔 & 湯咖哩 x 4 ... =.=

增加喼的重量 ~

返到車站拎返個喼 ... 然後就落返札幌搭JR 去小樽了 ~

札幌 > 小樽 JR = JPY 640

嘩 !!!!!!!!!! 架車會經過一個海岸 ~ 有雪景 ~ 有海 ... 好靚 ..
但由於我完全無心機影相 ~ 所以 .. 無真相 !

到左小樽 ~ 又係第一時間去搵locker ..
就係我感到咀喪o既時候 ... 好感動 ! 人生係有希望架 !!
不過個喼實在太重 ... 我搬唔起上第2層locker ...
於是叫d後生女幫我 ... 我老了 ~ 全靠佢地o既幫忙 !! 感恩 !

之後我又可以輕輕鬆鬆咁行啦 ~
雪越來越大 ... 好開心 ~ 啦啦啦 ~~~~

跟住行到去運河 ~~ well ... 其實有咩咁特別呢 ~ ha ...

影下相 ~ 兜個圈 ...
初先打算搭1600 班船遊覽條河 ~ 但可惜因為天氣唔好 ~ 所以無得搭 ~
咁就去對面o既地方做下小手工啦 ~
我個人咁有藝術天份 ~~~

係度又可以hea 下時間 ~ 最後整左一條頸鏈同頭飾 ~

整完之後影埋個夜景就慢慢行去車站

好凍 ~ 呢個時候當然要飲熱朱啦 ~

見仲有時間 ... 就去左唱k ..

趕最尾一班直去機場o既車去機場 ~

班車原先係1904 開 ... 但應該因為大雪 ~ 所以遲左黎 ...
然後我差唔多 9點先到機場 ~ 都訓醒幾覺啦 ~

去到機場 ... 很悲哀 ~ 先去機場酒店check in ..

エアターミナルホテル JPY 12,700 連早餐 ~

如果我唔住呢度 ~ 聽朝就會趕唔切搭返落名古屋 ~

但好可惜 ~ 9點鐘 ... 機場所有食店都已經收晒皮 ~
點解 !!!!!!!!!!!!!!!!!!

最後我又要食便利店 ... 好可憐 ~

買完返酒店食 ~ 食飽睇埋しやがれ就沖涼 ~~

又完左一日啦 ~~~~

2014年12月12日星期五

ARASHI LIVE TOUR 2014 THE DIGITALIAN

今日9點便起身了 ~ 因為今天是嵐日 ~

本身諗住如果起唔到身 ~ 就直接去會場 ~
依家起到 ... 就去睇AIBA 套電影啦 ~

出門口都已經差不多10點 ~ 落札幌睇 ~

中島公園 > さっぽろ (札幌地下鉄南北線(麻生行)) JPY 200

去到基本上所有野都未開的 ~ 然後我就直接上去戲院果層買飛 ~

早場 ~ MIRACLE デビクロくん @ 札幌シネマフロン - JPY 1,300

呢度D 暖氣真係好暖 ~ 我全程都在出汗 =.=

睇戲食熱狗是常識吧：)

基本上睇戲定番 ... 不過都係UA 果隻好食D ~

well ...其實套戲都幾悶 ~ 唔知定我太攰 ...

我差d 訓著左 =.=

睇完之後 ~ 其實1點都未夠 ~
LIVE 4點先入得場 ~ 我咁早去徘徊都無用 ~
於是就周圍行陣 ~ 再食埋飯先 ...

係睇戲o既商場入面 ~ 食左呢間十勝豚丼いっぴん ~

每次要等位 ~ 我都寫自己係サクライ ~ hahahaha ... 我真的很無聊 =.=

呢個豬肉飯 ~ 好滯好滯 ... 我還是喜歡吃牛多d ~
而且 ... 都不是這麼好吃哦 ~

反而個豚汁就不錯 ~

其實整個商場周圍o既人都用緊嵐的袋 ~ 全個城市 ... 就好似周圍都係嵐的粉絲一樣 ~
真係好擔心一陣會入唔到場 !!!!!!!!!! 會痴線 !!!!!!

食到飽晒 ~ 又差唔多夠鐘 ... 就慢慢去搭車 ~ 入會場 ~

さっぽろ > 福住 (札幌地下鉄東豊線(福住行)) JPY 250

當一步一步行近會場 ~ 就越來越緊張 ~

排入場都等左一陣 ~ 因為我未夠4點就到左 ~
好緊張 ... 望住側邊D 人 ~ 其實都有人單拖 ...
然後到4點開始入場 ... 嘩 !!!!!! 無驚無險呀 !!! 感謝主 !!

(其實之後睇返WEIBO ... 有人係入左場坐低左先被趕離場 ~ 好慘 ~)

呢張本來只值 JPY 8,500 o既飛 ~ 我竟然用左差唔多4.5 倍o既價錢買返黎 `
我依家諗返 ... 其實我應該係癲撚左 =.=
如果唔係yen 平 .. 我估我真係接受唔到 ~

係會場坐低左 ~ 其實個位都算係咁 ... 唔太後 ~~ 未到山頂 ..然後前面又對正升起o既位置 ~
搵左個位 ~ 無聊 ... 就出去行下 ~
但其實又好攰 .. 最後去左兩次屎坑 ~坐低飲左一次野 ~
跟住就入場恰陣啦 ..

坐我隔離個女人 ... 一定係韓國人 ~
佢仲要用個背心膠袋放份韓國報紙 ... 很特別 ~
佢仲睇埋聽日後日場 !!! 好羡慕呀 !!!

好啦 ... 接近開場 ~ 我隔離兩個人先到 ~

我聽到佢地講野 ... 竟然係香港人 ... !!!
屎忽痕之下就同佢地吹下水 ~
好感動 ... 唔係撞到佢地 ~ 我都唔敢high ..

去之前其實我仲整左應援扇 ~ 兩個香港人好好 ... 幫我拎住 ~ 很感動 !

開場啦 ~ 好感動 ... 我真係可以睇多次live 啦 ~ 我o既人生 ... 係咪就完啦 !!

一開始第一首歌 .. .well ~ 我已忘了 ~

離好遠好遠 ... 望住佢地 ~我真係係現場啦 ~
其實大部份情節我都不是太記得個次序 ~

大概記錄一下吧 ~

跟住佢地唱完bittersweet 就換衫 ~
然後就aiba solo ... 全場爆笑 ~ d 舞好好笑 ..
跟住就到sho solo ... 一開始用英文問大家問題 ~ 靜左 ...
跟住就唱歌了 ... 好似唱完之後5個唱多幾首歌就開始講野 ...

佢地都係大約講下自己近排有咩活動 ~叫大家睇 ...

然後nino 話見到aiba 係唱bittersweet o既時候唔專心 ~ 係度跳自己solo o既舞 ~

之後jun 問aiba 係咪好唔鐘意佢 ~

呢個講野時間都講左好耐下 ~
leader 同jun 又去左換3 ... 比我想像中講得耐 ~

然後 jun 就開始教大家用應援扇做wave o既效果 ~
佢好想整到成個場都好靚 ... hahha ~ 但太複雜 ~
連d日本人都聽唔明佢想點 ~~
之後就開始試下 ... 試完之後就起歌 ... 係wish ~

唱完一首 ... 玩完wave 就無lu ~

跟住到nino solo ... 可以見到生人彈結他 ~ 好感動 ~
如果可以近d會更感動 ..

最後聖誕樹o既燈光好靚 ...

有悶場o既位置應該係佢地唱新碟歌o既時候 ~ 因為我仲未聽晒 ..

跟住到佢地坐氣球出黎 ~ 原以為可以好近 ~~
不過佢地今次升到好高好高 ... 所以都係望唔清 ~
其實佢地坐車埋黎果時 ... 都見到 ~

不過d 射燈長期都好光照住佢地 ~ 唔係次次都望得清 ...

氣球出黎果時係唱arashi ... 由出道歌唱到依家新歌 ~
然後　唱多幾就完LU !! 9點未夠就完 !! 3個鐘都未有 !!

我個夢醒左啦 !! 發完啦 !!! 呀 !!!!!!!!!!!!!!!!!!!!!!!!!!

離場要聽廣播 ~ 分批走 ... 跟住會場很熱 ~

然後出到會場 ... 有種很凍很寂寞的感覺 !

慢慢的回酒店 ~ 慢慢的去羅森買野食 ~ 慢慢的回酒店一個人的痴線 ~

完左啦 ... 我今次o既旅程完結了 !!

2014年12月11日星期四

出發 ~~~~ 遙遠o既北海道 ~

曾經同自己講過 ~ 去北海道一定唔可以自己一個去 ~

因為覺得呢個地方好浪漫 ~ 應該同一個男人去先岩 ~

很可惜 ... 到呢一刻都未搵到呢個男人 ~

加上我今次係突然為左5個男人而去 ~ 算吧啦 ...

"其實毒撚一個更開心 ... "

22xx 左右出發去機場 ~ 原以為自己好好彩5分鐘架巴士就出現 ~

落到佐敦 ~ 等左兩架E 車都無一架 A 車 ~

好啦 ... 我俾個機會E 車 ~ 上左 ...

未夠11點半就到左機場 ~ 好早 ...

行去PEACH CHECK 完IN 之後就入閘LU ~ 先做一D無聊o既事 ~

今次搵左個去蘇黎世o既閘口 ~ 好啦 ... up 完就搵返屬於自己的閘口 ~

等左成粒鐘都未上得機 ~ 本身0115 ... 但好可惜差唔多010x 先上得機 ~

大約好似遲左30~45分鐘先起飛 ~

其實 ... peach 真係唔好坐 ~ 好唔舒服 ~ d 椅背好直 ~ 根本唔會訓到覺 ...

0115 ~ 0540 HKG > KIX (HKD 763 + 行李 HKD 260 = HKD 1,023)

基本上我係無訓過覺 ~~ 好痛苦 ... 隔離個後生仔都無訓 ~
都唔明點解呢架機咁嘈 ~
到底同屋企人係咪唔應該搭呢架機呢 ?

好啦 ~ 差不多0600 落機 ~ 我真係勁HEA ... 因為我大把時間 ...
我坐係度 ... 等到差唔多D人入晒境 ~ 我先慢慢咁行去排隊 ~
然後再好慢地行去拎行李 ~ 繼而慢慢去搭巴士過T1 ~

跟住我就好好咁享用我o既老麥早餐 ~

(其實我都唔知點解佢會掉唔到轉囉 !)

其實無訓過覺 ~ 我覺得自己係油光滿面 ~ 個頭又樣衰 ... 又臭 ~~ 唉 ~
仲有 ... 等待呢個過程係超級無敵勁痛苦 !!
繼續等 ... 等到1035 先上得機 ~
我食飽 ~ 屎又柯埋 ... 8點都未夠 !!!!! 好痛苦 ...
等轉機原來係咁痛苦 !!! 仲要捱住眼訓等轉機 ~~!!!
我好蠢 ! 點解要搭peach 去札幌 ~ 我應該揀jetstar .. 早一粒鐘囉班機 !!!

好啦 ... 我唯有慢慢咁行返去T2 .... 之後不理儀態咁係度訓 ~
訓到大約9點左右 ~ 我拎個喼去寄 ~ 然後入閘 ...
入到閘 ... 我完全無理身邊有無人 (*** 基本上係無人 ~ 無人咁早入閘 =.=)

訓左係D 長椅度 ...
然後到差唔多10點 ~ 開始被好多人嘈醒左 ~ 起身去著返多條leggings (合共3條) ~

1035 ~ 1225 KIX > CTS (JPY 8,680 連行李 HKD 571.13)

上機 ... 繼續訓覺 ~ 基本上我同發緊夢無咩分別 ~
好準時落機 ~ 拎行李 ... 去搭車 ~

我覺得 ... 好多人都係去睇嵐的 ~ 我覺得 ... 一定係 !!

基本上呢次旅程我無咩影相 ~ 連無聊相都無咩影 ~
因為實在太多野拎住 ~又凍 ... 連拎個相機出黎o既心情都無 ~

直接行去搭車去酒店 ~

1303 ~ 1340 新千歲空港 > 札幌 (JPY 1,380 指定席)

其實我可以唔買指定席 ~ 又傻仔左 ...

係呢個時候我已經好肚餓啦 ...
去到札幌仲要轉多次線先到酒店 ~

札幌 > 中島公園 (札幌地下鉄南北線(真駒内行)) JPY 200

好啦 ~ 通常住到咁偏僻應該都要搬喼的 ~ 加油呀kellyly ~~~

其實雖然呢度得3度 ~ 但我成身出緊汗 ... 因為d 暖氣很有用 ~
去到酒店~好彩佢俾我check in 先 ~ 然後我就上房 ~
BOOK 個PLAN 有呢SET 野送 ...

ホテルビスタ札幌　中島公園 - 2晚 / JPY 14,256 (好貴囉其實 !!!)

放低行李 ~ 食埋lawson ~ 梳洗完就出發札幌ドーム買goods ~

中島公園 > 大通 (札幌地下鉄南北線(麻生行)) > 福住 (札幌地下鉄東豊線(福住行)) JPY 290

由南北線行去東豐線 ... 係一個悲劇 ~ 他媽的遠 ~
基本上訓唔夠 3個鐘 ~ 疲憊o既身軀 ~ 為了嵐 ... 到底可以去到幾盡呢 ?
一出閘 ~ 其實已經見到好多飯拎住佢地o既戰利品 ~
一出去果間7仔超市 ~ 個門口 ... 全都是嵐 ~~

係呢個時候 ... 仲落埋雪 ~ 要買把遮lu ~
買完後 ... 就慢慢行過去 ... 都係跟住其他人行 ~
真心地 ... 我真係好怕行雪地 ~ 厚雪還好 ~
最怕係果d 就黎溶晒 ~ 變成冰的 ~ 一定扇死人 ...
所以行去ドームo既路程 ~ 我好似行左好耐好耐好耐好耐 ....

去到ドーム ... 仲要行到最入先係買goods o既地方 ~
好緊張呀 ~ 說好的查票呢 ? 沒有 ..
以為有很長o既人龍 ... 也沒有 ~
點解d人要晨早流流去排隊 ? 我都唔知 ...

goods 分開左幾個位 ~ 分別賣唔同o既野 ~
大約4個啦 ... 唉 ... 我本身都唔打算買咁多 ~
雖然最後都唔係全部買晒 ~ 不過都買左大部分啦 ~~