♥ Kellyly ♥

2015年2月17日星期二

新穗高 > 高山

六點半就起身 ~ yeah ... 今日終於浸到最入果個溫泉 ~

佢望個雪景多d ... well ~ 其實不算是太靚 ~
不過今日係一路落雪一路浸 ~ 別有一番風味 ...

就係呢個 ... 話見到有動物就搖下 ~

浸完讓俾友人浸 ~
呢度o既溫泉好明顯係真的 ~ 浸完皮膚真係滑d ~
換完衫就去食早餐了 ~ 好飽 ...

支茄汁話係100% 成份 ~ 是買的 ...

食飽飽 ... 俾埋錢 ~ 旅館就車我地去中尾高原口 ~

其實呢度只有車 ... 而一個人都沒有 ~

如果只有我自己一個人 ~ 可能我會有d驚 ~

等巴士去福地溫泉朝市啦 ~

0858 ~ 0913 中尾高原口 > 福地溫泉口 ~

落到車就見到一個人造樹冰同一架雪砌出黎o既火車 ~ 好靚 ..

然後有對老夫婦經過 ~ 好主動咁話幫我地影相 ~ 好好人 ~
然後友人就用佢流利o既日文同佢地傾計 ...
就係咁樣 .... 我地居然可以坐順風車了 ~
夫婦話佢地住係岐阜 ~ 間唔時過黎呢邊玩下 ~
佢話佢地有時間就車我地上山吧 .. 好感動呀 !!
因為等下一班車要等多一個鐘 ...

佢地先同我地行一行福地溫泉朝市 ~

但原來呢個朝市係無野行 ~ 只係得一間雜貨鋪 ~

好啦 ... 開始出發遊車河了 ~

夫婦好好人 ... 帶我地去好多唔同景點 ~ 真係好好彩 ~
旅行遇到好人呢 ~~

首先同我地去睇山洞 ~ 然後再睇人造樹冰 ...
然後仲搵到個地方俾我地攤雪 ~ 好開心 ..

每個地方都係充滿住雪的 ~ 好開心 ...

呢度係行去睇瀑布 ~

由個洞口望返上去 ~

我覺得日本人好勁 ~
係一個咁偏僻o既地方都可以整到咁靚 ~

望出去個瀑布 ~

呢d人造冰周圍都都有 ...
夜晚其實有燈展的 ~ 不過時間就唔岩 ... 好似已經完左 ~

呢個吊飾係老伯伯做的 ~
佢話有次自己無聊整完 ... 之後跌左係山上 ~
後來有個好心人執返俾佢 ~
於是佢就決定做一大堆出黎 ~ 黎送俾d巧遇o既人 ~
希望佢地係旅程中都有好運 ~~
好有心思o既一個老人家 ~
佢仲將每隻都寫上no. ~~
但可惜遇到我呢d無心肝o既人 ...
因為佢送左俾我唔夠半日我就跌左啦 !!!!!!! 好唔開心 !!!!!!

幾厚d雪 !!

我終於做左一件我好想做o既事 ~
但我起身之後成手都硬晒 !! 好凍 !!

好打耳呀 !!! 呢個係冰洞 ? 雪洞 ?

呢d係夜晚會放d "立足" 係入面架 !~

跟住就車我地去搭ロープウエイ ~ 因為第1條線封左 ~ 要轉巴士 ...
所以佢直接車我地去第2條線 ...

去到 ~ 我地就要分別了 ...
因為佢地唔上山 ~ 再見啦 ~ 多謝你地俾我地有一個更精彩o既旅程 ~

我地等左一陣 ~ 1145 左右就有纜車上山了 ~

有暖爐 ~~ 好正 ... pass 是包埋呢程的 ~ 所以換飛即可 ~

可惜今日又落雪 ... 天公不造美 ~

白蒙蒙一片 ~

呢片野係用黎掃走車箱入面D水氣 ~
不過由於水氣太強勁 ~ 作用不大 ~

上到山 ~要買D暖野飲下 ...
仲買左塊木片俾自己添 ~

等返纜車落去 ~ 又有暖爐 ... 但暖爐旁有D水都結冰了 ~
可想言之係幾咁凍 !!

係呢個時候 ~ 友人收到MSG ~ 然後佢問我係咪漏左手套係旅館 ~

係呀 !! 連我自己也不知道 !

因為佢朋友識旅館打工果個女仔 ~

就同友人朋友講 ... 問下係咪我地去左漏低左 !!

嘩 ... 呢個地方真係充滿人情味呀 !!

仲要看似好大O既地方咁都可以搵得返手套 ~~~ 好神奇 !!

落山後 ... 先去拎手套 ~ 之後再落左平湯 ...

黎到梗係食野啦 !! 已經2點幾啦 !!

好味道呀 !!!!!!!!!!!

為什麼日本的牛奶可以這麼好飲 ?

食飽飽 ... 等下一班車就回青年旅館 ~ 即友人工作的地方 ~

房間雖小 ... 但夠用就得了 ~

但是這裡很大 ~ 沒有電視 ... 這點不太好 ~ 沒有聲音 ~ 有d悶 ...

一泊 JPY 3,500 ~

跟住執下野 ~ 然後就去食晚餐了 ~

算是高級餐廳 ...

之前黎果時都已經想試 ... 不過同屋企人揀左另一間 ~

有好多唔同款式 !! 會令人有選擇困難症 ~

田螺 ~ 好味道 !!!

呢個嘔左白泡咁o既湯 ~ 好特別 ...
我比較欣賞佢旁邊果d 燒乾蕃薯片 ~

餐包 ~ 很軟熟 ~

好正呀 !! 入口即溶 ... 好淋的 ~
佢個燒蘿蔔好甜 !! 到底點解呢度d蔬菜可以咁甜 ???

甜品雪芭 ~

食飽飽之後 ... 我地就去唱左2個鐘k ...

然後都11點幾了 ~ 街上一個人都沒有了 ~

回去沖涼 ... 執下野 ~

明天又離開了 ~

2015年2月16日星期一

高山 > 中尾平旅館

夜行巴士是一個痛苦的經歷 ..
又迫 ... 好窄 ... 訓得一D都唔舒服 ~ 仲衰過凌晨機搭PEACH ..

然後架車又不停停站 ~ 每次停站雖然都好靜 ... 但每次都會醒一醒 ~
然後好快 ... 4點幾已經開始有人落車 ~ 所以就開晒燈 ...
其實根本就訓唔到覺的 ~ 好痛苦 ...
如果可以 ... 我諗我以後都唔會搭夜行巴士 !

準時到達名古屋 ... 車站已有好多人 ~ 我問職員可不可以提早一班車 ~ DAME !!

好啦 ... 我唯有等 ~ 今次真係要開喼執行李了 ~

執完 ... 未夠鐘 ~ 食個飯團 ... 未夠鐘 ~ 去個廁所 ... 都未夠 !!!

等待是令人多麼痛苦的 ~

0830 ~ 1100 名古屋 > 高山 (JPY 2,980)

好彩 ... 我呢程車都可以訓到死左咁 ~ 不過就曬左D囉 ...
同埋每次搭親巴士由名古屋過黎 ~ 都不會準時的 ... 哈 !

落車後 ... 可能有陽光 ~ 所以都不算太凍 ~
不過因為地下有好多冰 ... 唔係雪 ~ 所以推住個喼真係好難行 ~

黎呢度目的係搵朋友 ~ 朋友係旅館打工 ... 先去搵佢先 ~

佢係度清潔緊浴室 ... 好感動 ~ 佢洗完我就可以用了 ~ 哈哈哈 !!

好啦 ... 佢未洗完 ~ 所以我去食個LUNCH 先 ~
佢介紹左間咖哩飯我食 ~ 就去試下啦 ~
好攰 ... 我都不想行太遠 ~

JACKSON 弱尊

叫左個咖哩 ~ 飛騨豚カレー再加多杯啡 ...

個咖哩果然好味道 ... 本人其實不太喜歡太日式的 ~ 因為好甜 ~
呢個就不日式 ... 辣度剛剛好 ~ 然後佢D 配菜 ... 個蘿蔔超甜 ~ 超好食 ..

個豚都炸得不錯 ... 好開心 ~ 食到好味野 ...

呢度o既裝飾都很特別的哦 ~~~

食飽飽 ... 就返旅館搵朋友了 ~
朋友仲未洗完浴室 ... 我繼續等 ~ 好感動 ... 佢洗完 ... 我用了 ~
沖完個涼 ... 真係舒服晒 ~ 換埋3 ...
等到2點朋友收工就出發了 ~ 放左行李係旅館先 ~ 因為我聽晚都係住呢度 ~

出發去新穗高了 ...

我地去到高山巴士站對面o既JTB 買兩日卷 ... 平過係濃飛站入面買 ~

JPY 高山 > 新穂高ロープウェイ任坐 2日卷

1440 ~ 1612 高山 > 新穂高温泉

呢程車感覺搭左好耐 ... 朋友話今日天氣好好 ~ 我好好彩 ...
因為話之前日日都好天陰的 ~
好啦 ... 到左溫泉口 ~ 旅館車亦都剛到了 ~
車我地上去旅館啦 ~

中尾平 2人1泊2食 - JPY 21,000 / 1人

首先有點心食 ... 呢個蘋果芋羊羹 ... 好好味呀 ~ 好清甜 ~

之後旅館姐姐就介紹各個溫泉 ~ 食飯時間 ~ 等等啦 ...
之後同友人上房先 ~ 然後我地再各自溫泉 ~

首先望下呢間旅館先 ~~

門口 ~

接待大堂 ...

大堂偏廳 ?

飯堂 ...

隨便飲 ~

望出去都只有雪 ~

二樓 ~

公共空間 ...

小遊戲 ~ 隨便玩 ...

我們的房間 ~

已經很亂了 ~

好啦 ~~~ 溫泉方面 ...

室內的全部都有沖涼 ~ 但室外就無 ...
入面全部都已經有沖涼洗頭用品 ~
不過如果你想揀你喜歡o既牌子 ~ 係呢度都可以揀 ... 勁正 !!
連洗面都有得揀 ... 不過用完要記得拎返出黎 ~

當你要用o既時候就要反轉呢個牌啦 ~

室內3個基本上都可以望到出面雪景浸溫泉 ~

一人獨佔一整個溫泉 ... 真的很爽 ~
浸完室內 ~ 剛好室外沒有人了 ~ 於是即刻拿拿聲去浸多次 ...

旅館有雪鞋俾你換 ~ 著住行去浸溫泉就唔怕扇親啦 ~

呢個係行上盡頭的溫泉 ~ 因為有人用緊 ... 所以無入到去 ~

呢個係前頭o既溫泉 ... 無人用 ~ 我用 ... yeah ..

的確 ... 每個溫泉都有d浮遊物係度 ... 感覺其實真係真溫泉 ~ 好舒服 ~

對住雪景真係一流呢 ~~

不過因為可能係室外 ~ 同埋其實只係用D 木圍住周圍 ...
所以都驚有D小動物會走入黎 ~
所以個溫泉KEY 同溫泉入面都有得搖鈴嚇走佢地 ~

好啦 ... 都天黑了 ~ 返房等食飯 ...

上菜速度不算太快 ~ 但每樣野都好好食 ..
唔知點解呢邊D 菜係特別甜 ~ 唔怪之得友人咁鐘意呢個地方 ~
初先覺得好似咁小野食 ~ 會食唔飽咁 ... 但係最後個肚就漲晒lu ~