河口湖めぐり

早餐時間係0800 ... 所以我大約07xx起身 ~
尋晚訓訓下都有醒過 ... 好舒服呀都 ~

今日終於好天了 ... 但依然望唔到富士山 ... 好差 !

早餐有咩食呢 ~ 貼左係個broad 度 ~

早餐包左一籃包 ... 係一籃 ~ 有5款 ... well ... 我食淨2款 ...
好好味 ~

自家製藍莓醬 ~



每樣都小小 ... 好豐富 ~

檸檬蜂蜜乳酪 ~

雜菜湯 ~

有蘋果汁 ~ 橙汁 ... 佢d牛奶好好飲 ...

旅館女主人其實尋晚已經問我諗住搭幾點車走 ~
之後我話猜埋包12點果班車啦 ...
跟住佢今朝同我講 ... 話既然我想去睇薰衣草 ~ 不如就車我去大石公園 ~

咁我就唔使特登等咁耐先去 ...

(其實我有一個好衰o既諗法 ... 係因為我12點先走會阻住佢地工作 嘩哈哈 !)
食飽之後我就上去執埋野落黎猜包 ~

首先影下地下一樓o既環境 ~
係食飯隔離有個好大地方俾小朋友玩 ~
同一齊住的兩家人個小朋友就係呢度玩 ~ 好開心 ...

 
 

呢度係出面門口 ...

我覺得呢度環境真係好舒服 ~ 但其實呢度係收唔到電話 ...
我一直都係用WIFI 上網 ~~
如果第時有機會 ... 嫁得出 ~ 可能都會同小朋友黎呢度 ~ 好開心呢 ~

well ... 佢猜包好hea囉 ... 要JPY 2,000 ~ 好唔抵 ~
因為我落黎果時 ... 係一個無見過的婆婆教我 ~
佢已經將所有材料混合埋一齊 ~
我一粒粉都無見到 ... 唔開心 ~
之後呀婆仲同我講呢款包係唔使發酵 ~
well ... 我只係將舊粉團猜左幾下 ~ 佢就話ok ...
然後麵團抖陣就做型 ...

well ... 好流 ~ 其實有d唔開心 ...

不過算啦 ... 呢度環境係令人不會躁底的 ~

 

 

係焗包果時周圍影下相 ... 天氣好 ~ 心情都好d ...

似麻 ?

焗完之後 ... 女主人就拿拿聲咁車左我去大石公園lu ~

到左大石公園 ... 佢果個information centre 唔肯收留我個喼 ...

不過係隔離自然館果度 ... 果個人肯收留 ~
不過佢話 ... 你買多d野就得架啦 ...

 

最後我無買野 ... 不過我幫襯左佢摘車厘子 ...

我遊覽完呢個薰衣草園之後 ~ 就俾去左摘車厘子 (JPY 2,000) ~

有車o既就會叫你自己渣車過去果邊 ~
無車佢都會有送迎車 ~ 不過就要等一陣 ...
 

大約5分鐘都唔使o既車程就到了 ~

我依家先知車厘子原來係樹上面 =.=

其實我個早餐仲未消化晒 ... 不過一場黎到唔好晒 ~

首先就係港女上身不停自拍先 ~
然後就不停食食食 ... 佢有個杯俾你放返粒核係度 ~
仲有d梯俾你用黎摘高果d車厘子用 ... 好方便 ~

不停食呀食 ... 最後我食左半杯核 ... =.=

跟住就搭返車過自然館果邊 ... 然後等多陣有巴士就離開了 ~

 

呢個小市集d野好平 ~~ 買左把JPY 500 遮俾娘親 ~

我上左果架 レトロバス ~ 窄到呀媽都唔認得 ~
但我個喼好肥仔 ... 阻Q住晒 ...
最後我又去左另一個公園睇薰衣草 ... 八木崎公園 ...
但因為呢度太大 ... 同埋無地方放喼 ~ 加上又好似想落雨 ~

品種其實應該係唔同 ... ~

我兜左個圈 ~ 就搭下一班巴士去返河口湖了 ~

去到河口湖 ~我今日聰明了 ~ 放左個喼係對面無料士多 ...

之後又再搭車去 音樂盒博物館了 ~

本來行程係搭纜車上山 ... 由於天氣不好 ~ 上到去都睇唔到d 咩 ~
於是就改行程了 ~

嘩 !! 原來入場要JPY 1,500 好貴 ... 有搭車果張PASS 平 JPY 100 =.=

一場黎到都會照入啦 ~

入到去有一個玫瑰園 .. 都好靚 ~
咁岩今日有人係度結婚 ... 不過我見唔到個新娘 ~

然後一路行 ... cup 晒3個印就會有明信片 ~ hahaha ...

之後我就一路行 .. 去到音樂盒果個館 ... 佢有得整音樂盒 ...

我就想整一個嵐歌的 ... 佢又有one love 喎 !
所以就坐低整左lu ~

要先買一個木盒 ... 將佢用水彩畫好 ... 之後就叫哥哥放個音樂落個盒度 ~

well ... 我藝術真係0分 ... 所以完全唔知畫成日好 ~

最後 ... 我求其填滿嵐色就算了 ~

咁都玩左差唔多大半個鐘 .... 好啦 ~
事後我先發現有Love so sweet ... 不過都係one love 比較好聽d ...

然後我見差唔多時間有車就返河口湖了~

入黎呢度除了整左音樂盒 ~ 都無咩特別了 ... 

有d似箱根果個玻璃之森 ...

去到河口湖 ~ 係士多拎返個喼 ... 買左小小零食 ~
然後叫佢幫我打去旅館叫車黎接我 ...

好少旅館會咁樣寫我個名 ... 哈哈哈 !



湖風の宿　あさふじ (JPY 17,200 + 入湯稅 JPY 150) 
係Jalan book ... 扣埋 1,400 point ~ 
最後係JPY 15,950 ~ 一泊兩食 ~

去到旅館大約 1700 .... 時間岩岩好 ~
1830 食飯 ~ 咁我就可以浸個溫泉先 ...

今晚得3組客 ... 我係房食野 ~
所以佢會拎野食入黎房 .... 其實咁樣真係好正呢 ~
不過成日都係咁好似好過份 !~

佢有粒螺 ~ 但即使我用牙籤吉 ~ 都吉唔到佢出黎 ~ 唔開心 ~

我真的不喜歡吃這種魚 ~ 不懂吃 ~

  

 呢個布丁超好味 !!

食飽飽 ... 有人黎幫我鋪埋床 ~

之後一路睇電視 ... 再去浸多次溫泉 ... 依然見唔到一個人 ~

跟住就回返 ... 睇埋NEWS ZERO 就訓了 ~~ 超好味呢個布丁 ~

看不到富士山的河口湖 ~

原定0505 到達o既機 ... 機師都應該趕住收工 ~
佢044x 已經抵達羽口國際空港 ...
連埋入境拎行李 ~ 我諗我052x左右已經出左去 ~
估唔到車飛counter 咁早開 ~ 立即去買左張落河口湖o既車飛 ~
然後就去lawson 食早餐了 ~

おにぎり x2  + 茶 x 1 + 朱古力奶 x1

朱古力奶係大野智代言果隻朱古力變身做飲品 ... 幾特別 ~

由於仲有大半個鐘時間 ~ 所以周圍行左陣 ...
其實無野睇 ... 因為都無野行 ~ 同埋好多野都未開 ~ 

之後我發現原來機場有得沖涼 ..
咁我回程就好好多啦 ... 至少可以沖個涼先上機 ~
仲有得差電添 ~~

0655 羽田國際空港 > 富士急行巴士 0935  河口湖 (JPY 2,470)

早左15分鐘落去車站等 ... 嘩 ~ 好凍呀 ~ 得20度咋撞鬼 ~
我都唔明點解可以咁凍 ... 而我係帶唔夠衫的 ...

\
好啦 ~ 無咩人搭呢架車 ~ 不過全車都係香港人 ! 哈哈哈 ! 

上到車都唔係好訓到 ~ 佢停過幾個站都有D日本人上車 ~
之後恰下醒下 ... 咁就要落車了 ~

因為BOOK左要去搭KABA BUS (水陸兩用車) ~
所以就拿拿聲去買PASS 同埋 放低個喼 ...
個喼放係車站室要JPY 700 ... 但事後發現原來對面有間士多係無料 !!!!!!

富士山。富士五湖パスポート 2日間 (JPY 2,550) 

用住呢張PASS 就可以搭足兩日了 ~

第一程係由河口湖 > 旭日丘 ~ 大約4X 分鐘 ...

其實河口湖呢邊得17度 ... 仲要係落住雨 ~ 真係冷得我騰騰震呀 ~

去到旭日丘果度 ... 對面有個好似遊客中心 ~其實係搭KABA BUS 果度 ...

行入去就同佢講我BOOK左1100 ...

KABA BUS (JPY 2,200)

其實我覺得有D貴 ... 同埋天氣唔好 ~ 睇咩都唔好 ...

同埋可能因為今日係星期日 ~ 除了我 ... 全部都是日本人 ~

係度無咩影相 ... 因為天氣唔好 ~ 搭呢架野o既時候又落雨 ~

上到去 ... 有ガイドさん講解 ~ 講下河口湖歷史 ~ 叫我地幻想下富士山係邊 ~

跟住架車會有個聲音 ~ 又可以揀男/女答我地問題果d咁 ...
幾有趣 ... 好岩同細路黎 =.=

之後架野 要落水了 ~ 大家都好似好興奮 ...
其實我眼訓到要死了 ~ 因為凌晨機真的很攰 ...

然後 ... 坐左大約30分鐘就完了 ~
天氣好的... 坐下也不錯 ~ 不過天氣差 ... 不坐比較好 ~
坐完係果個遊客中心行左陣 + 等巴士離開 ...
之後就係度食左小小野 咁囉 ... 出返河口湖 ~

話呢個炸雞係NO.1 ... 佢有一陣酒味 ~ 麻麻 ~

 好桃味的桃汁 ~

其實今日行程就完結了 ... 一直都在下雨 ~
想再行遠小小都唔得 ...

大約 4x 分鐘車程就出返河口湖車站 ~ 然後我要坐果架巴士去森林 ~
但要等多個半鐘左右先有車 ... 所以我又食左個鄉土烏冬 ~

食野 ... 一來因為無野做 ~ 二來因為好凍 !!

大約15xx ... 就上車去森林了 ~ 架車 ... 無人坐 =.=

唔怪之得一日得4~5班 ... 

我要去果個站叫プチペンション村 ~ 大約40分鐘左右就到 ~

落車之後 ... 無人 ~ 只有樹 ... 又有點寒 ~ 其實都有d驚 ~

唯有行快兩步 ... 全靠谷歌map 我先可以搵到路 ~

 

好開心 ... 呢d係森林盡頭 ~ 猶如世外桃源 ~

因為呢度係家庭民宿 ... 所以我住o既兩晚有兩家人一齊入住 ~
兩家都有一個2~3歲左右o既小朋友 ~ 好可愛 ...

Zozan ... 我住間ペンション名 ~ 我揀佢 ... 因為佢有得猜包 ... hahaha ~

一泊兩食 --- JPY 9,700 ~

入到去 ... 佢同我講解一下大約事項 ~
重點問我幾點沖涼 ... 就上房了 ~
男主人係呢個時候已經幫我搬左個喼上去 ... 佢話佢有肌肉 ~ OK 的 ...

之後我就選擇左立即沖涼 .... 因為我頂唔順了 ~

沖完涼 ... 雖然佢無溫泉 ... 不過有風呂都已經好好了 ~

我間房 ~

 有洗面台 ~

 有兩張床 .. 不過得一張鋪左 ~

 呢個牌係MARK底邊間房幾點沖涼 ~

呢個位係俾小朋友玩的 ~ 

風呂 ~ 

沖完涼 ... 睇埋相葉マナブ ~ 執下野 .... 1900 就落去DINNER ..

雖然只係好簡單O既料理 ... 但已經好好味同好飽了 ...

好滿足o既一餐 ... 好飽好飽 ...

首先係可以係飲品櫃拎一支野飲 ~ 我就揀左一番搾り ~　

飯 ~ 湯 ~ 野飲 自由斟 ~

前菜 ~

漢堡扒 ~

上面有個蛋沙律的燒三文魚 ~ 好好味 !!!
 

 這是旅館製的杯墊 ~ 

 甜品 ~ 橙味姐李 ~ ? 忘了 ... 但好滑的..

跟住食飽左 ... 上去執下野 ... 2100 就訓了 ... 晚安 !

出發 ~~ 東京

今次機票已經係上年10月時候買 ~

點解會買 ? 因為出1蚊機票囉 ..
我本身禁到去福岡 ~ 點知自己又白痴 ... 最後無買到 ~
又覺得好唔抵 ... 第日再禁東京 ~
見公司又有假 ... 又有機會撞到嵐學時間 ... 咪揀呢段日子囉 ~
點知真係俾我撞到 ... 好感動呀 !!!

2350 ~ 0505 HKG > HND

(HKD 969 + 行李 HKD 450 = HKD 1,419 ** 仲平過嵐學張黃牛 =.=)

EXPRESS 本身3個鐘前先CHECK IN到 ~
不過我2030 左右就到左機場 ~ 佢都俾我照CHECK ... 很好：)

不過我又剛剛吃飽飯先黎到 ... 唔想又食 ...

唯有第一次行晒呢個香港國際機場啦 ...

我發現 ... 係書局買一支水要HKD 17 ~

但原來呢度有萬寧架 ... 只係要HKD 3.2 咋 ~ 梗係黎萬寧買啦 ...

好啦 ... 2230 左右就坐左係度 ~ 等上機 ...
我仲發現係5XX 閘口果層原來係有得斟水架 !!

well ... 可能好多人都已經知道 ~

佢本身話2320會關閘口 ... 因為EXPRESS一向都坐巴士出去 ~
但係今次勁快就入得 差唔多2310 已經入晒所有人 ~
架機亦都好準時咁起飛 ... 好開心 ~

不過全程機D燈都無熄過 ~ 又訓得唔好 ...

(6月21日 ~ 河口湖 ... 待續 ~)