名古屋站 ~ 周邊HEA ...

因為事前根本沒有PLAN 定 ~ 

而且17XX 就上機走 ... 所以根本唔知去邊度好 ~

10 點準時地CHECK OUT ~ 然後就係名古屋站周邊HEA ...

今日係真心覺得好悶 ... 時間很長 ~

同埋吃了很多的一天 ... 諗起都飽 =.=

早餐 ... 求其係名古屋站入面一間小餐廳坐低左 ~

又係試名物的時間 ~

小倉紅豆 多屎 ..

個包超軟熟 ~~ 加埋紅豆同CREAM ~ 紅豆不是太甜 ~ 所以不錯 ...
但塊多屎真的很好吃 ~ 杯奶就一般 ~  

食飽左第一餐之後 ... 我就周圍行 ~
時間仲早 ... 所以好多野都未開 ...
我完全無方向地周圍行 ~~

好彩 ... 發現高島屋有間TOKYU HANDs ~

最後成功係呢度買到好多手信 ~
然後打算上去食埋個豐富LUNCH 先去機場 ~
但很可惜 ... 唔知點解今日係平日 ~ 仲要12點都未夠 ...
間間餐廳都排長龍 ... 很奇怪 ...!!

最後落左車站地底 ~ 同D サラリーマン 一餐食快餐壽司 ~

well ... 我第一次係呢d快餐食壽司 ~
以價錢黎講 ... 其實都算好食 ~
但我當然希望食到更好食架啦 ... 

其實食完有d後悔 ~ 唔係佢唔好食 ... 只係 ~ 我想食更好的 ~

回酒店拎行李去機場lu ~~ 就這樣過了5天 ... 

發了一個美夢 ~

去到機場check in ~ 未夠鐘 ... 排隊排第一日 ~
然後行李超重了 4.x kgs ~ 被罰了JPY 1,700 ~

喂 ... 抵到爛啦 !!
諗返當年搭CX ... 我都唔記得超重幾多 ~ 淨係記得罰左2萬幾YEN ...

慘痛o既經歷 !

check 完in ... 又去食野 ~ 除左食 ... 我真係唔知可以做d咩 !!!!

今次旅程用淨左萬幾yen ... 最後入晒落ufj ...
然後又去食 .... 其實我好很飽 !!! 

NGO > HKG  1725 ~ 2115 (HK EXPRESS - JPY 10,340 連行李~)

再見 ~ 2月再見 ...

名古屋去 ~~~

因為搭 0835 機 ~ 所以我6點就起身了 ~

梳洗完先去食個飽早餐 ~

食飽飽就check out 行過 jetstar 度check in ~

不幸地未回港已 超重1kg =.= 唯有拎返果堆書出黎 ~ 

我決定放棄 .. 繼續買野 ~雖然個喼已經無位 ~ 但無法 ...

CTS > NGO  0835 ~ 1030 (JPY 9,670 連行李 HKD 636.27)

好開心 ~ 無咩人搭 .. 大多數都係嵐粉絲 ~

然後 我自己一個霸晒一行 ~ 好感動 ...

又訓左一程飛機了 ~~

落機之後搭鐡路落名古屋 ~~

中部空港 > 名古屋 (名鉄空港特急) JPY  870

落到去之後就搵酒店 ~~ well 我兜左一大個圈先搵到 =.=

ビジネスホテル　カーム JPY 777 ~ 

無錯 !! 只係777 就住到一晚酒店了 ~
因為生日優惠 ~ 其實好多名古屋o既酒店都有 ~
唔知係得名古屋係咁 ~定其他地方都係咁 ...

雖然話間係吸煙房~ 但入到去 ... 佢消臭左 ~ 又ok wor ...
777 一晚 ~ 就算一開門係張床 ~ 都抵啦 ~

放低行李之後 ~ 就落左johnnys 買相 ~
買完之後就慢慢行過榮 搵名物 食啦 ~

一早上網搵定 邊間 味噌カツ最好食 ~
well ... 其實我麻麻味噌 ~ 不過一場黎到 ~ 點都要試下名物的 ~

黎到門口有幾個人排緊隊 ~ 我估等左2~3個字就入得啦 ~
好幸運 ~ 如果我遲小小黎就食唔到lu ~
因為入多幾個人就已經截人lu ~

前菜 ~

坐係bar 台 ... 睇住 料理人煮 ~

見到都飽o既一碗味噌カツ ~
中間係有一隻蛋的 ~
嘩 ... !! 幾好味wor ~
佢個味又唔會好似平時食開果d味噌咁咸 ~ d豬又幾好食 ~

佢呢個蜆汁先好飲呀 ~ 好清甜 ... 

食飽飽就返酒店 ~ 因為約左個朋友 ~ 又唔記得拎份手信俾佢 ~
所以先放酒店放低d野 ~ 拎埋份野出黎俾佢 ~

見面後 ~ 佢帶左我去車站附近一間酒店o既餐廳食tea ..
well ... 我無諗過 會係咁 ~

其實我唔鐘意食栗子蛋糕 ~
不過因為自己教班有教 ~ 所以想試下酒店的會是怎樣 ~

d 栗子cream 很滑 ~ 濃濃o既栗子味道 ~ 又不會太甜 ~
但係佢個餅底 ~ 我就食唔出係咩 ... 好差 !

酒店大堂的聖誕樹 ~

分別後 ~ 我又去左唱k ...
其實我開始有d唔舒服 ~ 可能係arashi fever ...XD

諗緊到底應該返酒店好 定 再去食野好 ~

但話晒今日都係生日 ~ 無理由又食便利店姐 ~
於是我就去松阪屋 食鰻魚飯 ~

食鰻魚飯之前 ~ 因為都7點幾 ~
夜左D蛋糕鋪一定收 ~ 所以先買個生日蛋糕俾自己先：)

然後就上去松阪屋樓上等位 ~ あつた蓬莱軒

嘩 !!! 其實見到都好飽了 ~ =.=

3種食法 ...

第一種 ~ 就咁食 ... 

第二種 ... 加配料 ~

第三種 ... 放湯 ~
放左之後覺得碗野好油 ~ 不太好 ...

還是最喜歡第一種食法 ~ 最原汁原味 ...
不過係咪真係咁好食呢 ~~ 就見仁見智 了~~

吃飽飽就真的回酒店了 ~~

呢幾日飲過的樽 ~ 不算太多 ...

我訂一本書佢就俾咁大個盒我 ~ 嚇死我 !

札幌遊蕩 > 小樽

因為要CHECK OUT ... 所以我都係要早D 起身 ~

望出出面o既景象 ~ 已經係咁大雪 ...

check out 後出到去 ~ 雖然沒有很厚的積雪 ... 不過都很凍了 ~

 

係車站發現有一日地下鐡乘車劵 ~ 當然買左啦 ... JPY 600 ~

中島公園 > 札幌 JPY 250 ~

拖住個喼 ... 諗住落到札幌 放係LOCKER 之後去小樽 !!
點知 ...... 全個札幌車站一個LOCKER 都無 !!
全部都俾人用晒 !!!!
我行左成個鐘 一個都無 !! 我就黎痴線 !!
深信一定係因為嵐黎左 ~ D 粉絲用晒D LOCKER !!!! 

好啦 ... 唉 ~ 其實我先去食左個小早餐先 ~ 很一般 ...



食完搵LOCKER ... 然後又去左買熊 ~ 噢 !! 咩雞竟然無晒 !!
呢個世界都不喜歡我麻 ? ... locker 無 ! 咩雞都無 !
跟住 ... 我唯有去左魚市場先 ~

札幌 > 二十四軒 JPY 250 ~

去到二十四軒 ~ 呢個無人o既車站 ~ 我終於有locker 用 ~
唔理3721 ... 放左先算 ~ 一陣都好 ~
咁我就可以輕輕鬆鬆鄧梓風 ~

慢慢行去魚市場 ~ 札幌市中央卸売場外市場 ....

 一路行一路落住雪 ~ 都係第一次感受 ... 好凍好凍 ~

到左呢個魚市場 ~ 其實好多野都想買 ...
但我諗起個喼已經他媽的重 ~ 真係要好好咁考慮下先 ~

兜完一個圈 ~ 諗緊食咩 ... 就求其上左一間餐廳 ~ 海鮮食堂 北のグルメ亭
呢間應該係2號店 ... 然後叫左個即燒帆立具 ~ 魚生飯 ~ 蟹湯 ..

其實佢即燒 ... 係我面前自燒 ~ 我真心唔知幾時食得 ~

其實係咪我唔識食 ~ 每次我食魚生飯都覺得很一般 ~ 好差 ...
蟹湯也是很一般 ~ 

吃飽飽 ... 我又做了一些很安九的事情 ~ 買了薯仔 & 湯咖哩 x 4 ... =.=

增加喼的重量 ~ 

返到車站拎返個喼 ... 然後就落返札幌 搭JR 去小樽了 ~

札幌 > 小樽 JR = JPY 640

嘩 !!!!!!!!!! 架車會經過一個海岸 ~ 有雪景 ~ 有海 ... 好靚 ..
但由於我完全無心機影相 ~ 所以 .. 無真相 !

到左小樽 ~ 又係第一時間去搵locker ..
就係我感到咀喪o既時候 ... 好感動 ! 人生係有希望架 !!
不過個喼實在太重 ... 我搬唔起上第2層locker ...
於是叫d後生女幫我 ... 我老了 ~ 全靠佢地o既幫忙 !! 感恩 !

之後我又可以輕輕鬆鬆咁行啦 ~
雪越來越大 ... 好開心 ~ 啦啦啦 ~~~~

跟住行到去運河 ~~ well ... 其實有咩咁特別呢 ~ ha ...

影下相 ~ 兜個圈 ...
初先打算搭1600 班船 遊覽 條河 ~ 但可惜因為天氣唔好 ~ 所以無得搭 ~
咁就去對面o既地方做下小手工啦 ~
我個人咁有藝術天份 ~~~

係度又可以hea 下時間 ~ 最後整左一條頸鏈同頭飾 ~

整完之後影埋個夜景就慢慢行去車站

好凍 ~ 呢個時候當然要飲 熱朱啦 ~ 

 見仲有時間 ... 就去左唱k ..

趕最尾一班 直去機場o既車 去機場 ~

班車原先係1904 開 ... 但應該因為大雪 ~ 所以遲左黎 ...
然後我差唔多 9點先到機場 ~ 都訓醒幾覺啦 ~

去到機場 ... 很悲哀 ~ 先去機場酒店check in ..

エアターミナルホテル  JPY 12,700 連早餐 ~

如果我唔住呢度 ~ 聽朝就會趕唔切搭返落名古屋 ~ 

但好可惜 ~ 9點鐘 ... 機場所有食店都已經收晒皮 ~
點解 !!!!!!!!!!!!!!!!!!

最後我又要食便利店 ... 好可憐 ~

買完返酒店食 ~ 食飽睇埋しやがれ就沖涼 ~~

又完左一日啦 ~~~~