新幹線之旅 ...

今日約左友人0730 係旅館等 ~ 一齊去食埋早餐 ~ 行朝市 ...

然後就要說聲再見了 ~

雪景的高山也很美 ~

呢度環境清幽 ~ 野食又好味 ~  人又友善 ~

難怪友人咁喜愛呢個地方 ~ 唔捨得離開 ~

去左陣屋朝市對邊其中一間食店 ~ 友人話佢經常幫襯的 ...

好飽 ... 好豐富 ~ 我真係好鐘意食呢度D菜 !!

點解我上次黎唔覺得D菜咁好食o既 ?!

上次係行另一邊朝市 ~ 感覺上比呢邊豐富 ~

因為果邊有鋪頭 ... 呢邊就只有 "小販" 檔 ~

行行下仲落雪添 ~

好佩服d公公婆婆咁早起身就出黎擺檔 ~ 仲要咁凍天氣 ~

到底佢地一個早上可以賺到幾多錢呢 ~?

行完之後就返旅館拎返行李去搭JR 啦 ~

去到車站 !!! 完全估唔到有咁多人囉 !!!!!!!!!!!!

我諗住排隊換指定席都趕唔切啦 ~~

因為我搭0938 特急出名古屋 ~ 0900 去排隊換飛 ~ 但條隊好慢 ...

0938 高山 --- （ワイドビュー）ひだ6号(名古屋行) --- 1202 名古屋 (JR全國PASS利用)

呢程都要JPY 3,350 了 (因為無坐指定席)

其實張PASS真係好抵 ~

準時到達名古屋 ~

然後我去左換飛 ... 因為今次想坐指定席 ~

同埋其實用PASS 係唔可以搭NOZOMI 呢架車 ~

所以時間就要等一等啦 ~

1227 名古屋 ---  ひかり518号 (東京行) --- 1410 東京 (PASS利用 / 實際價格 JPY 10,880)

好啦 ... 係車站買了小小東西吃 ~

落到東京車站 ... 梗係行陣街先去山形啦 !!

呢度有個期間限定o既funassyi land ~

跟住又有肥熊館 ... 又有好多好多好多無聊精品店呀 !!!!!!!!!!

行到根本唔想離開 =.=

 

食左呢間做午餐 ? 下午茶 ?

去到時lunch set 已無 ... 唯有單品 ~

雞好滑 ~ 但膽固醇很高 ... haha ~

行到大約1600 先捨得去換新幹線飛 ~ 因為又唔想太夜到山形~

1700 東京 --- つばさ149号 --- 1945 山形 (PASS 利用 / 實際價格 JPY 11,340)

張PASS 淨係今日都用左2萬5千幾YEN ... 真係抵到爛呀 !!

不過其實我就真係浪費左一日黎搭車囉 ~

買左甜品上車食 ~ 佢最底果個脆脆好好好好味 !!!

終於 ... 經過左總車程 6個幾鐘 ... 終於到我o既目的地啦 !!

  

我淨係想講句 ! 好撚凍呀 !!!!!!!!!!!!

因為之前買左櫻花杯 ~ 有張飲品卷送 ~ 拿拿聲換杯野飲先 ~

soy milk 佢會俾個牌你 ~ 以防混淆 ~

其實酒店直行就係 ... 但係落住雪定雨 ~ 唔記得 ...

越行越凍 ~ 越行越凍 ... 忍唔住問下途人仲有幾耐到 ~

ホテルキャッスル（山形)  --- 一泊 JPY 3,400 

原來呢間酒店係11點先CHECK OUT ... 好開心 ~ 咁我聽日就可以訓晏D 啦 ~

為左食D 好似好特別o既野 ... 我入左去一間好似居酒屋o既鋪頭 ~

而呢間野 ... 其實全國都有好多分店的 =.=　浜焼き太郎 山形駅前店

呢d 餐牌真係好地道囉 ... 

先叫左杯果汁酒飲 ~

呢個係餐廳送的 ... 吞拿魚沙律 ~~ 

呢個就係地道山形鄉土料理啦 ~

係煮芋頭 ~ 有d 肉 同茹係入面 ~~ 食完已經好飽 ... =.=

店內其中一邊環境 ~

最後叫多隻壽司船食 ~ 就無了 ...

但說真的 ... 這個味道一般 ~

食店入面大家都好奇 我一個女仔黎 ~ 都有同我傾下計 ... hahaha ~

基本上係得後生同女人我先聽得明佢地講咩 ~ 

d 大叔果d 腔調 ~ 真係勁難聽到 ~

食飽飽 ... 回酒店 ~ 

呢度係我今日o既收穫 ~

我都唔知點解我會買隻雞 ~
但我一見到佢 ... 佢好肥 ~ 好可愛 ~ 就抱左佢去俾錢 lu ~

新穗高 > 高山

六點半就起身 ~ yeah ... 今日終於浸到最入果個溫泉 ~



佢望個雪景多d ... well ~ 其實不算是太靚 ~
不過今日係一路落雪一路浸 ~ 別有一番風味 ...

就係呢個 ... 話見到有動物就搖下 ~

 

浸完 讓俾友人浸 ~
呢度o既溫泉好明顯係真的 ~ 浸完皮膚真係滑d ~
換完衫 就去食早餐了 ~ 好飽 ...

支茄汁話係100% 成份 ~ 是買的 ...

 

食飽飽 ... 俾埋錢 ~ 旅館就車我地去中尾高原口 ~

 

其實呢度只有車 ... 而一個人都沒有 ~

如果只有我自己一個人 ~ 可能我會有d驚 ~

等巴士去福地溫泉朝市啦 ~

0858 ~ 0913 中尾高原口 > 福地溫泉口 ~

落到車就見到一個人造樹冰同一架雪砌出黎o既火車 ~ 好靚 ..

然後有對老夫婦經過 ~ 好主動咁話幫我地影相 ~ 好好人 ~
然後友人就用佢流利o既日文同佢地傾計 ...
就係咁樣 .... 我地居然可以坐順風車了 ~
夫婦話佢地住係岐阜 ~ 間唔時過黎呢邊玩下 ~
佢話佢地有時間就車我地上山吧 .. 好感動呀 !!
因為等下一班車要等多一個鐘 ...

佢地先同我地行一行福地溫泉朝市 ~

但原來呢個朝市係無野行 ~ 只係得一間雜貨鋪 ~

好啦 ... 開始出發遊車河了 ~

夫婦好好人 ... 帶我地去好多唔同景點 ~ 真係好好彩 ~
旅行遇到好人呢 ~~

首先同我地去睇 山洞 ~ 然後再睇人造樹冰 ...
然後仲搵到個地方俾我地攤雪 ~ 好開心 .. 

每個地方都係充滿住雪的 ~ 好開心 ...

呢度係行去睇瀑布 ~



由個洞口望返上去 ~

我覺得日本人好勁 ~
係一個咁偏僻o既地方都可以整到咁靚 ~

望出去個瀑布 ~

呢d人造冰周圍都都有 ...
夜晚其實有燈展的 ~ 不過時間就唔岩 ... 好似已經完左 ~

呢個吊飾係老伯伯做的 ~
佢話有次自己無聊整完 ... 之後跌左係山上 ~
後來有個好心人執返俾佢 ~
於是佢就決定做一大堆出黎 ~ 黎送俾d巧遇o既人 ~
希望佢地係旅程中都有好運 ~~
好有心思o既一個老人家 ~
佢仲將每隻都寫上no. ~~
但可惜遇到我呢d無心肝o既人 ...
因為佢送左俾我唔夠半日我就跌左啦 !!!!!!! 好唔開心 !!!!!!

幾厚d雪 !!

我終於做左一件我好想做o既事 ~
但我起身之後成手都硬晒 !! 好凍 !!

好打耳呀 !!! 呢個係冰洞 ? 雪洞 ?



呢d係夜晚會放d "立足" 係入面架 !~

跟住就車我地去搭ロープウエイ ~ 因為第1條線封左 ~ 要轉巴士 ...
所以佢直接車我地去第2條線 ...

去到 ~ 我地就要分別了 ...
因為佢地唔上山 ~ 再見啦 ~ 多謝你地俾我地有一個更精彩o既旅程 ~

 

我地等左一陣 ~ 1145 左右就有纜車上山了 ~

有暖爐 ~~ 好正  ... pass 是包埋呢程的 ~ 所以換飛即可 ~

 

可惜今日又落雪 ... 天公不造美 ~

白蒙蒙一片 ~

呢片野係用黎掃走車箱入面D水氣 ~
不過由於水氣太強勁 ~ 作用不大 ~

上到山 ~要買D暖野飲下 ...
仲買左塊木片俾自己添 ~

等返纜車落去 ~ 又有暖爐 ... 但暖爐旁有D水都結冰了 ~
可想言之係幾咁凍 !!

 

係呢個時候 ~ 友人收到MSG ~ 然後佢問我係咪漏左手套係旅館 ~

係呀 !! 連我自己也不知道 !

因為佢朋友識旅館打工果個女仔 ~

就同友人朋友講 ... 問下係咪我地去左漏低左 !!

嘩 ... 呢個地方真係充滿人情味呀 !!

仲要看似好大O既地方咁都可以搵得返手套 ~~~ 好神奇 !!

落山後 ... 先去拎手套 ~ 之後再落左平湯 ...

黎到梗係食野啦 !! 已經2點幾啦 !!

好味道呀 !!!!!!!!!!! 

為什麼日本的牛奶可以這麼好飲 ?

食飽飽 ... 等下一班車就回青年旅館 ~ 即友人工作的地方 ~

房間雖小 ... 但夠用就得了 ~

但是這裡很大 ~ 沒有電視 ... 這點不太好 ~ 沒有聲音 ~ 有d悶 ...

一泊 JPY 3,500 ~

跟住執下野 ~ 然後就去食晚餐了 ~

算是高級餐廳 ... 

之前黎果時都已經想試 ... 不過同屋企人揀左另一間 ~

有好多唔同款式 !! 會令人有選擇困難症 ~



田螺 ~ 好味道 !!!

呢個嘔左白泡咁o既湯 ~ 好特別 ...
我比較欣賞佢旁邊果d 燒乾蕃薯片 ~

餐包 ~ 很軟熟 ~

好正呀 !! 入口即溶 ... 好淋的 ~
佢個燒蘿蔔好甜 !! 到底點解呢度d蔬菜可以咁甜 ???

甜品雪芭 ~

食飽飽之後 ... 我地就去唱左2個鐘k ...

然後都11點幾了 ~ 街上一個人都沒有了 ~

回去沖涼 ... 執下野 ~

明天又離開了 ~