呆呆滯滯 @ 和歌山

2013 年 9月19 日 ... 中秋 的晚上 ~ 出發 !

今次公司旅行 ... 唔使搭PEACH 咁慘 ~ 搭CX ...

屋企樓下的巴士 ... 一見到我就走了 ~

唯有改搭E 車 去到 青嶼幹線口再轉 E 車 ...

經過左一個半小時後 ~ 終於係11點45 分到達機場 ~

去到機場 ... 買杯星巴克 先寄行李 ~

慢步地行向閘口 ~ 係閘口HEA左好耐 ...

終於上得機LU ~

0145 HKG ----- CX566 ----- 0625 KIX

飛機餐 ... 多左個月餅 =.= 很應節 !

其實我不喜歡搭凌晨機 ~ 晚上的機場巴士很難預計 ...

加上係機上 ... 根本唔會訓得到 ~ 坐也坐得不舒服 !

PAMA 今次旅行識左新朋友 ：)

終於落機啦 ... 拎完行李 ~ 導遊小姐在等我們 ...

我們第一天會是團體活動遊和歌山 ...

之後3天都是自由活動 ...

放低行李入旅遊巴 ... 我地就有30分鐘時間去食早餐 ...

我 ... 第一時間 ~ 去過屎坑先啦 ...

可惜 ... 未食野 ~ 又太早了 ：P

之後就去我最愛的LAWSON 買左個 飯團同提子汁 ~

0730 出發 往 和歌山有田巨峰村 森園 ... 約個半小時車程

其實我之前去過山梨果邊 ...  巨峰 呢d多數都係俾你 小小咁摘 ~

所謂o既摘其實都係搵較剪 剪 ...

不過黎到呢度就有小小分別 ...

佢先有一d 梨俾我地食 ~ 如果要另外摘梨就要 俾錢 ~ 可拎走 ...

提子就係佢都有d 摘好俾我地食 ~

我地都可以再摘 ... 不過一摘就要 成秋咁摘 ...

佢每秋都會有個紙袋包好左 ... 一早流流 ~ 根本唔可能食咁多 ...

於是就& 同事分享 ... 大家似乎都好喜愛 ...

但沒有繼續狂摘 ~ 而係選擇購買送貨 去機場拎 ...

就咁樣 ... 我地係呢個景點都逗留左 好很耐 了 ...

大約 1030 ... 我地就出發 去另一個景點 marina city ...

其實早於今年3月已經黎過 ... 沒有什麼特別 ...

我 & 同事一落旅遊巴 ... 就衝去呢個溫泉方向 ...

我需要一個 沐浴 唔 更衣 的時間 ~

溫泉 + 岩盤浴 SET ￥1,300 ... (不包毛巾)

因為本身我有毛巾 同 玩埋岩盤浴 已經有一大一細毛巾~

所以如果係買SET 的 就可以唔使加 ￥200 要多條毛巾 ...

(有餐廳 ~ 有按摩椅 ~ 有得揼骨 ... 係呢度都幾舒服)

我地黎到時間係1130 ... 1330 就要集合啦 ...

所以要快快快 ... 拿拿聲 拎野上去沖個涼 ~

浸左個溫泉 ~ 好爽 ... 好舒服 ~ 成個人精神晒 ...

然後就 換返佢 俾果套 衫 落去 玩岩盤浴 ...

其實係第一次玩 ... 只係知道訓係度 ... 夠鐘就要反轉個身 咁樣 ~

我覺得好熱 ... 同桑拿無咩分別 ... 只係訓 同坐 ...

然後 佢係 另一間房 ... 係俾人休息o既 ...

因為佢果度寫 要訓一陣就出去休息~再訓再休息 咁重覆幾次 ...

不過我真係頂唔到 ... 太熱了 ~ 玩左陣就走 ~ 同埋又趕趕地 ...

之後沖多次身 ~ 換3 就過去黑潮市場食野 ...

上次食左egl 跟團食的放題 ... 好白痴 =.=

不過都食返d 好味o既燒 海鮮 ... 都抵返小小 ...

然後今次就試下食魚生飯啦 ... 不過佢個外表一點都不吸引 ~

味道 ... 我只能說 ~ 我不喜歡吃熱的飯配魚生 ...
這個味道令我諗起係上野街邊食的那個￥1000 都唔使的魚生飯~
呢個 ... 要 ￥1900 囉 ... 佢d海膽唔算苦o既 ... 不過都唔係新鮮 ~ 其他都係 ... 好差 ：(

仲有一串燒帶子同燒牛肉 ... 牛肉￥700 ... 佢到底憑咩 ? 全部都係肥膏 ~
帶子 ... 同事話有d似乾瑤柱 ~ 成件事感覺 好差：( 吃不到好東西 ...

大約1345 再出發 ... 去Rinku Premium Outlets ... 其實我對於outlet 沒太大興趣 ~

去到 係olive 買左一件衫咁大把 ~ 然後周圍行 ...
吃了 クレープ ... 好難食 ~ 佢舊雪糕都唔係雪糕 ~ 係冰黎o既 ... 唔開心 ~

 

然後又周圍hea 下 ... 係family mart 坐左一陣 ~ 食左舊雞 ：)

 

然後1630 集合 ... 終於可以返酒店啦 ~

Hotel Vista Grande Osaka  3泊連早餐 ... 唔知幾多錢：P

大約1800 先返到去 ... 一入到去 ~ 已經有一車野預備左俾我地~
就係我一早網購的貨 ~ 好誇張 ... 我第一次有咁多 ... 好可怕 ! 根本拎唔到 ...
最後放低左行李 ~ 再落去 ... 問職員 ~ 連埋架車推上房 ... 很好：)

1845 出發 同 大老闆食飯 ... 餐廳距離酒店10分鐘都唔使o既路程 ~

法善寺横丁 炉ばた焼 水かけ茶屋 ... 本身旅行前聽講好似係叫course 食 ~

不過黎到又好似變左第d 野 ... 唔緊要 ~ 唔使錢就無所謂啦：P

一路我只係負責食同飲o既角色 ... 上上下菜又突然之間無 ...
可能老闆們都在暢飲當中 ~ 所以就唔上菜 ~
野食一般 ... 唔算好好味 ~
我覺得最好味係粒帶子 ... 果然唔係呃人 ~ 因為佢個網都係寫話帶子係最有名的 ...

食飽飽 ... 都已經10點 ~ 最後就 去埋ドンキ就回酒店了 ...
好彩今日車程時間夾夾埋埋都有4~5個鐘 ... 先可以訓返夠本 ~
唔係應該係攰到媽媽也不認得了 ...

然後同事請我食左半個佢係網上訂的蛋糕 ... 又飽又肥仔地訓lu ~