京都鞍馬 郊遊 + 梅田 看映畫 + 難波 唱k ... 大滿足的一天

今天集合時間為0800 ... 由於早餐不是太吸引 ~ 加上又好眼訓 ... 最後無食 ~ 

差不多0810 出發 ... 今日係郊遊 ~

在便利店買了茶同飯團 ... ! 忘了影飯團 >.<

有同事尋日去左鞍馬 ... 佢話行到死左 ~

初先以為係好hea 好普通 ~ 俾佢咁講完其實都有d驚 !!

不過既然都安排左 ~ 就去啦 ... 旅行呀麻 !

なんば --- 大阪市営御堂筋線(千里中央行) --- 淀屋橋  6min  ￥200

出閘轉

淀屋橋 --- 京阪本線特急(出町柳行) --- 出町柳 56 min ￥460

再出閘轉

出町柳 --- 叡山電鉄本線(鞍馬行) --- 鞍馬 30 min ￥410

轉左好多次車 ... 大約過左 2 個鐘 ~ 終於黎到鞍馬啦 ~

由於今日係星期日~所以都算多人 ...

不過我地去埋廁所先出發o既關係 ~ d人都好快咁走得七七八八 ...

有人會係貴船口 (早一個站) 落車行去鞍馬 ~ 其實我諗都無咩所謂啦 ...

我地今次就由鞍馬行去貴船 ...

一出車站就見到呢個 ... 好恐怖 !! 好彩係日光日白 ~

或者佢應該係僻邪之物 ...

 

出發前我係佢個網度編左個大約行程出黎~

所以基本上都係跟住行的 ...

佢個行程寫住要試 呢個 牛餅 ~ 所以買左一個試 ￥120

其實好似一個普通o既 紅豆餅 ~ 有小小咸味 ~ 無咩特別 ...

然後沿小斜路上 ... 咁就見到鞍馬寺啦 ~

 

原來行呢個山要俾 ￥300 愛山費 ... 真係黎到先知 !

咁黎到又無理由唔俾 ~ 俾完就開始我地o既郊遊啦 ~

嘩 ... 一黎就有樓梯啦 ~ 雖然唔係好長 ... 但呢個先係開始咋~

然後一路行其實都有不同的廟 ~ 形形式式 ~ 大大細細 ... 基本上係一樣的 ~

而沿路都係 一D一模一樣o既燈塔 ... 只係贊助人個名唔同 ~

有好多呢D 類似供奉o既地方 ~ 好多唔同零食飲品係前面 ~

行到某個位 ~ 其實可以搭一搭cable car 兜個圈 ~ 但其實係原點上原點落~

無咩意思 ... 所以我地無搭 ...

呢棵係歷史悠久o既大樹 ~ 有800 年架啦 ... 勁粗 ~

所以神稱為神木吧 ~ ha

呢個樹幹勁結實 ... 唔知有幾多年 ...

幾勁 ... 指碼都企到係度 ! yeah ~

行到其中一個位 ... 應該係重要景點 ~ "木の根道" ...

然後突然發現有個樹幹生得好神奇 ... 向外伸展 ...

然後一行就行左2個鐘 ... 不停都係樓梯樓梯同樓梯 ~

落山果時腳都震 ... 都叫平時做多d運動架啦~

呢度每個廁所都用唔同動物配合一齊 ~ 好得意 ...
我後期先發現 ... 應該影小左一兩個 ~

今日係星期日 ... 勁多人囉 ~ 塞人+塞車 ...

本身諗住落山後食 流水麵 ~ 可惜又係因為上星期打完風~流水麵無得食 ...

不過見到d 川床 仲有 ~ 想試下 ... 但又好貴 ..

最後入左間豆腐料理 ~ 不過我地借用完人地個廁所 ~

呢d就係川床 ... 其實都幾得意 ~ 不過堅貴 ... 最平都￥7,000 ...

我又諗諗下好似趕唔切睇戲 ... 於是就走了 ~ 淨係買左杯抹茶雪糕食 ~

然後就行去貴船口 啦 ~ 點知 ... 好後悔無搭車 ~

原來行去車站都要差唔多30分鐘 ... 好差呢件事 ~

對於一個已經趕時間 同無咩力 o既人黎講 ~ 我真係好後悔無搭車 ~

沿途都係呢d 樹木 ...

貴船口 --- 叡山電鉄鞍馬線(出町柳行) --- 出町柳  28min ￥410 (PASS)

出町柳 --- 京阪本線特急(淀屋橋行) --- 淀屋橋 58min ￥460 (PASS)

淀屋橋 --- 大阪市営御堂筋線(千里中央行) --- 梅田 2min ￥200 (PASS)

其實搭咁耐車好應該訓一訓  ... 不過我實在太擔心睇唔到戲啦 ~

所以根本都訓唔到 ~ 淨係不停check 住d 時間 ~

睇下趕唔趕到d 車 ~ 幾點可以到梅田 ~

去到梅田 ... 我望住 TOHO シネマズ個牌一路行 ...

唉 ... 梅田真係好很大 ~ 我行到去某個位 ~ 無左個牌 ... 果時得返10分鐘 ~

之後問人 ~ 戲院好似係 阪急MENS百貨樓上 ~ 我入到去再問人 ..

呢個職員叔叔好好 ~ 我同佢講想去戲院 ... 佢帶我上一層再出去~

原來戲院架LIFT 係 街 ~ 但就要出左呢間百貨先見到 ...

好彩我問人 ... 如果我自己搵 ~ 應該睇唔到 ~

點知上到去勁多人買飛 ~ 買飛係自助 ... 令我好緊張 ~

仲要我見到套戲話FULL HOUSE >.< 嚇到我即刻問個職員~

佢就幫我禁 ... 得返2個位 ~ 我照睇 ... 終於 ...都趕得切 ~ 得返2分鐘 ...

買埋爆谷入場 ~ 蘋果味 ... 好古怪 ~
佢好似shake shake 薯條咁~搵d粉shake 佢~早知食返普通味啦 ~

其實我今次要睇呢套戲係香港已經睇左 ~

不過係有我最愛的櫻井翔先生 ... 所以黎到都要睇多次 ~ 就係 ...

謎解けディナーのあとで　~ yeah !!!

到呢一刻 ... 我今日淨係食左一個飯團 ~ 一杯雪糕 ~ 一份爆谷 ... 行左2個鐘山~

好勁呀 ... 我估唔到我可以係日本都食咁小野架 !!

戲院都是jun 下月上的電影宣傳 ...

睇完戲會合返同事 ~ 去rilakkuma store ... 唉 ... 我再一次迷路了 ~

係梅田三番街兜左個圈 ... 我地就返難波 ~

梅田 --- 御堂筋線 --- 難波  ￥200 (PASS)

今個晚上收穫很豐富 ~ 依舊有買蛋糕吃 ~ 很餓 !!

先返酒店放低d 戰利品 ~ 吃埋個蛋糕 就再吃 大阪燒 ~

味乃家 ... 係食べロク見到分數都幾好 ~ 於是就試下 ...

都要等一陣位 ...我地叫左2個 ~ 一個係廣島燒 ~ 一個係海鮮mix 大阪燒 ~

對於3個人食 ... 真的很飽肚 ~ 都幾好味 ...

叫多3杯野飲 ~ 埋單每人 約 ￥1,400

食飽了 ~ 我就相約了另一位同事去唱 k ...

由於怕今日係星期日加上聽日係日本公眾假期會無房 ~

於是我地係出發前已經book定位 ... 好有計劃呢 ~

同事話唔好一次過唱2個鐘 ... 於是我地就先唱1個鐘 ~

之後再加上去 ... 不過最後我地都係唱左個半鐘 ~

同事話太夜 ~ 又要去ドンキ ... 又要返去食蟹 同 執行李 ~

心齋橋都有nino 同jun ..：)

之後我地去行多轉ドンキ 就回酒店了 ... 很好：)

由於酒店附近都係無料案內所 ~ 差唔多1點也很熱鬧呢 ~

D 蟹其實係我地黎第一日已經到左 ~ 直到今日先食 ..

已經唔好味了 ~ 好差 ~ 最後我地沒有吃完就掉了 ~ 很浪費 ..

沖完涼 ~ 執埋野 大約 2點幾3點左右就訓啦 ~

因為香港打風了 ~ 高層很擔心我們沒有機位回港 ~

於是明天要1350 集合去機場 ~ 我o既shopping 時間減小了 ~

晚安 !