宮燒肉居酒屋

這餐飯算是慶祝友人生日麻 ?

因為佢只係講自己想食咩 ~ 同另一友人都無講請佢食~

不過埋單都係請 ... haha ~ 應該算係慶祝掛 ~

生日友人以為係放題 ... 不過好可惜 ~ 佢誤會了 ...

經過商討 .. 決定散叫 ~ 雖然個2人餐望落好似咩都有 ~ 加埋都係500幾蚊 ~
但我覺得3個人食2人餐~好多野都分享不到 ~ 所以散叫比較好 ~

首先叫左一個燒牛拼盤 ~ 有西冷 ... 肋骨 ... 好似有4款 ~
西冷係最好食 ... 燒過火都好淋 ...

食牛 ... 其實我真係覺得 要生生地先好食 ~

凱撒沙律 ... 好大粒芝士 ~ D 菜不是太新鮮 ...

炸雞 ... 原來以為係一舊舊 ~ 不是雞搥 ~ 仲要無味架囉 ~
好乾 ... 無味 ~ 好細舊 ~ 唔好食 ...

呢個係泡菜石頭飯 ~ HA ... 因為撈完隻蛋先影相 ~ 要加返 ...
無咩特別 ~ 唔算難食 ... 可以接受 ~ 辣D 會開心D ...

這間燒肉居酒屋勝在選擇種類比較多 ~ 不過味道就一般 ...
可以唔使再試：P

三重縣 機票 + 酒店 確認 ~

早在9月19日晚上 ... 即係我去公司旅行當晚 ~
出發前同父母講 ...HK EXPRESS 機票好平 ...新年去囉 ~
之後上網睇 ... 平均HKD 3,xxx 一個人 ~
媽媽一句話 ... 咁買啦 ~ 就買了 ...
果晚我仲覺得自己發緊夢 ... 因為當晚就出發去日本 ~
又即刻確認下個旅行係幾時 ... 好可怕 !!!
其實我人工不高 ... 但沒有儲蓄的習慣 ~ 都用晒黎旅行 lu ...

2014 年 2月4日 出發
HKG 0930  ---- UO686 ---- KIX 1355

2014 年2月9日 回港
KIX 1450 ---- UO687 ---- HKG 1815

6天之旅 ... 好緊張 !!
對於EXPRESS 黎講 ... 去大阪時間比東京好 ~ 至少係正常時間 ...
東京去到係夜晚1230 ... 要訓機場 ~ 走又係凌晨機走 ... 都唔知第朝落機返唔返工好 ~

由於 係新年關係 ... 廉航價錢都比平時o既貴 ... 但都合理 ~
因為係廉航 ~ 飛機餐 ... 無 ~ 寄行李 ... 另外俾錢 ~
我地揀左每人寄15kgs 行李 ... 揀完我覺得好白痴 ~!
HKD 80 寄15 kgs ... + 多HKD 20 就可以寄20kgs ... 點解我唔俾多20蚊 ???
我好後悔 ... 後來更得知櫻井翔3月 會有電影上 ~
呀 ... 2月一定好多電影雜誌 !!! 好差呢件事 !!! 算吧 ...

最後加加埋埋 機票 + 稅 + 寄行李費 15kgs = HKD 3,647 一人 ~

係新年黎講 ... 呢個價錢都算平 ? 不過我地去果幾日其實都唔係紅日 ...

然後我就諗 ... 到底 落關西去邊好 ~
初先有諗過去鳥取 ... 但係因為冬天 ~ 砂丘好似會落雪 ~ 不太好 ...
我明明睇 沙漠 ... 見到個沙漠落雪 ~ 好奇怪 ...
有諗過去廣島 ... 不過我自己去過 ~ 又唔想再去多次 (自私) ~

最後決定去三重縣 ~ 未去過 ... 加上都好似有唔少野睇 ~
冬天行程不能太緊密 ~ 快天黑 又凍 ... 唔可以太趕行程 ~

然後到book 酒店 ... 因為係我book 完機票之後一星期再幫我呀e book ...
已經 變左 HKD 3,700 了 ~ 貴左小小 ... 到今日再CHECK ... 已經 HKD 6,xxx ~

express 亦好奇怪 ... 隔左好耐先send 一份Itinerary 俾我 ~ 仲要得我呀e 個booking ...
佢份野仲要寫回程日早左一日 ~ 嚇死我 ...
之後我send email 去問 佢先話 攪錯左 ~ 又話會send返份岩o既俾我 ~
但係我到依家都無收到 =.=

今次一共有5個人 ... 所以 要book 一間3人房 ~
要符合我搵酒店原則 ... 平 ~ 近車站 ~ 有小小難度 ... 因為有加床3人房比較少 ~

最後 ...
3晚 ... 松阪 + 1晚 ... 湯の山温泉 + 1晚 ... 難波

松阪シティホテル (連早餐) (酒店網book)
2人房 : ￥3,000   3人房 : ￥4,500

ホテル湯の本 (1汨2食 ) (jalan book 用point 2,500)
伊勢松阪膳プラン☆伊勢エビと柔らか和牛の人気料理
5人一室 : ￥15,225 + 入湯稅 ￥150

フローラルイン難波 (酒店網book)
2人房 : ￥4,800  3人房 : ￥5,600

酒店 同機票 都book 好了 ~ 行程其實都大約確定 ...

酒店 每人約 : ￥30,555 + 機票 HKD 3,647 =  HKD 約 6,100 ~

台北 之旅 機票+酒店確認 ：)

2013年 10月18 日 ... 早上 ~
當我知道我抽唔到飛去東京睇ARASHI ...
我立即決定自己要飛一次台北 ~
然後很快地 上網買機票 ...
其實我有諗過無得睇都去東京 ...
但一年去太多次日本 ~ 心有點不好意思呢 !!
加上下年2月又去 ... 所以還是選擇了平平的台北了 ~
一早已經打算如果唔中飛就去台北~
所以一直mark實港航價錢 ~
朋友建議我搭華航 ... 但如果華航 ~ 我一定唔會揀朝早8點果班~
既然揀11點幾果班 ... 即係同港航差不多 時間 ...
咁梗係揀港航平400 啦 ... 雖然成日都話會delay ...
但我覺得 ... 所以交通工具其實都係delay ... 睇你好唔好彩 !

12月14 日 出發
HKG 1205 ---- HX264 ---- 1345 TPE

12月18日 回程
TPE 2025 ---- HX283 ---- 2220 HKG

第一次係港航網站買機票 ... 唔知佢點計數 ... 好奇怪 ~
禁果時係HKD 510 優惠價 ~ 然後 佢彈左出黎變左 HKD 670 ...
跟住+ HKD 658 稅 ~ 之後入左果個紫荊會又平左HKD 50 ..
最後埋單係 ... 機票 HKD 620 + 稅 HKD 658 = HKD 1,278 ~~
勁抵 ... 我覺得真係好平 ~ 點解可以 咁平 ... ? 點解飛日本咁貴 ??

好啦 ... BOOK 完機票 ~ 就到住 啦 ...
一個人住比較貴 ~ 酒店 果D 至少HKD 500 一晚 ... 接受唔到 ~!!
所以我揀左青年旅館 ...上AGODA 搵 ~ 見到有一間近西門町 ...
 台北西門橙舍 ... 有share room 同單人房 ... ~ 相差大約HKD 100 一晚 ~
我覺得自己一個人始終都係一間房比較好 ~ 差HKD 100 晚 ~ 唔算太多 ...
所以就BOOK 左 呢間o既單人房 ~ 4晚 合共 HKD 1,063.30 .
後來我上橙舍個網睇 ~ 發現比起AGODA 平均每晚平 HKD 40 ... 好差：(

酒店 + 機票 = HKD 2,341.30

呢個價錢 只可以買到一張EXPRESS 機票去東京 ... 仲要係淡季去 !!!

5日台北之旅 ~ 很期待 ... 第一次自己去旅行 ~ 竟然係去台北 !!! 好興奮 ...

然後就係行程 ... 好多朋友都去過好多次 ~ 推介左唔同地方 ....
夜市是必去的 ~ 我又想親親大自然 ... 依家仲研究緊行程呢 !!!

富士山55

今日 ... 行完個山 ~ 想食D好 ... 就黎左食拉麵 ...

其實好攰 ... 由尖東站行過黎好遠 ...

有TSUKE MEN 同拉麵 ... 我揀左TESU KE MEN ...

唔使排隊 ... 很好啦 !!!

每幾個位側邊都有一個電爐 ... 話係驚食TEUKE MEN ...
D湯會凍 ... 可以加熱 ~ 其實呢個服務都幾貼心 ~

不過我諗無咩人 會加熱 ... HAHAH ...

差唔多等左15分鐘 先到 ... 唔明點解要咁耐 !

麵來了的時候 ... 我第一下覺得 ... 咁細個o既 !!!

麵質我揀左標準 ... 符合自己口味 ~ 唔錯 ...

係特濃豬骨湯底 ... 杰身果隻 ... 味道唔算太濃 ~ 可接受 ...

但係豬骨湯o既味道 真係唔係太出 ...

蛋唔係味玉 ... 只是普通的糖心蛋 ~ 但糖心程度不足 ~

如果係香港黎講 ... 呢個麵都算合格 ~ 可以再吃 ~

不過 ... 成碗野最差我覺得係d 筍 ... 佢d筍個味好怪 ! 唔好食 ...

同埋好彩我唔係好餓 ... 如果我勁餓 ... 食完呢碗野應該唔夠飽 =.=

$78 ... 算係正常價錢吧 ~ 不過如果想吃飽 ... 應該要叫多個芝士飯吧

有機會 ... 就再試吧 ~

再一次殘念 ~

Arashi Live Tour 2013 ~ LOVE

唉 ... 本身結果尋日公佈 ~ 等到收工都無 ~ 以為今日先有 ...
早知夜晚唔上twitter 啦 ... 頂 ~
10點幾果時發現原來已經有人放飛 ~
之後我勁心急 ... 打佢個音聲電話 ... 點知唔受海外啦 ~
去死啦 !!! 賤格 !!!
之後麻煩左日本o既朋友幫我打電話去 ~
我以為佢個音聲會講埋結果 ...
點知朋友話...淨係講左已經send 左email 通知 !!
去死吧 !! 我其實失眠了很多晚啦 ... 好差 !!

結果 ... 我今朝8點半就返到公司開email 睇 ...

「ARASHI Live Tour 2013 “LOVE”」にお申込みいただき、ありがとうございました。

～落選のお知らせ～

抽選の結果、誠に残念ながら、お申込みいただいた、いずれの公演のチケットもお取りすることができませんでした。
好差 !!! 點解會係咁 !!!
點解16場我可以一場都唔中 !! 點解 !!
也許2009 年睇過一次就唔俾再中 ???
但果時都唔係用我自己個名 !!!!!!!!!!!!!

唉 ... 最後 ~ 我係傷心o既情況下拿拿聲買左機票 ~
轉飛台灣了 ~ 一張台灣機票 + 4晚青年旅館 = 一張東京廉航機票 ~

第一次自己旅行 ... 估唔到係去台灣 ~ 很好：)

とん勝

2013 年 10 月 5日 ~ LUNCH @ 尖沙咀

因為12點就踏進呢間餐廳 ... 又無咩人 ~
於是就係度玩下電話 ...
突然聽到廚師出黎話唔夠菜 ~
然後佢打左個電話 ... 應該打去訂菜供應商 ~

"喂 ... 你地D貨到左啦~但係多左D我地無訂o既菜喎 !
你地送左13斤芥蘭黎 ~ 我地從來都唔用芥蘭架喎 !"

聽到呢度 ~ 忍唔住笑了 XDDDD
完 !

友人話佢朋友食過呢間 ~ 所以就約一起試下 ~

然後揀了 88蚊的 ロースかつ ~ 椰菜 無限追加 ...

本身我見到飯都係 ... 但我又偷聽到隔離台加飯要俾錢 ~

友人話呢個椰菜好白 ~ 咁又係喎 ! 好似平時係街市買返黎果D 綠D ~

然後可以無限追加 ... 很好 ~ 有芝麻醬點也很好：)

到主角出場啦 ~ 呢個炸豬扒炸得好好 ...

外面果層好鬆化 ~ 佢又唔會好厚 ...

炸得好好 ... 不過豬扒就一般 ~ 唔算係特別出色 ~
但係炸得好都好關鍵呢我覺得 ...

麵豉湯 係 有D 肉 ~ 有D蘿蔔 ~ 都幾豐富 ...

總括呢間野唔係貴 ~ 而且味道都OK ... 可以再食 ：)

Arashi Live Tour 2013 "LOVE"

2013 年 10 月 3 日 ... 原本係一個勁緊張o既日子 !
上次アラフェス等到差唔多香港時間5點先有email 知結果 ...
以為今次LIVE 都係咁 ... 點知 ~ 一路等 ... 等 ... 等 ...
到收工都未有 ... 好差成件事 !!!
夜晚都有KEEP 住留意TWITTER ~ 睇下有無人話收到通知 !~

最後 ... 發左幾個夢 ... 就到了10 月 4日了

這一天 ... 又在等 ~ 等到有時無咩感覺 ... 有時又好緊張 ... 已經痴線了麻 ?

好啦 ... 結果還是好像在香港時間5點發了 ~
可惜 ... 我一直都無 收到 ~!
然後有流傳 ... 唔知定真 ~ 話 東京同福岡要10月17日先公佈 !!

其實呢兩日我都已經講左好多句粗口 ~ 不停鬧 !

到底點解要咁耐 ??
不過人家咁大個事務局 ... 鐘意玩下你地班粉絲仔~吹咩...?

鬼叫佢地咁紅咩 ! 唉 ...

最後我回家看到會員PAGE 的確寫住 ....

成年事 ... 變到好差了 ~!
還要等多13 天 ... 13 天 好耐呀 !!!!!!!!!

網上亦都立即有傳聞指~今次遲左一日先公佈結果 ...
係因為要引D 炒飛o既人出黎 ...
呢件事 ... 真的很可怕哦 !!!

唉 ... 如果我真係中 ~ 希望到時仲有平機票去東京啦 !!!

千江雪 (日式放題)

2013 年 10 月 3 日 ... DINNER @ 尖沙咀

今天其實係家姐生日 ... 佢又請我地小家庭出去食一餐 ... 很好：)

媽媽看見雜誌呢間野長者有優惠 ~ 而且仲生日有野送添 ...
於是就打左去BOOK ...
不過到最後我地只係要左個長者優惠 ~ 都唔記得左有野送 ：P

然後我收工去緊果時 ... 父親打黎話到左樓下~
但樓下"松山" ~ 又係食放題的派紙姐姐話呢間唔好食~
我話 ... 搶生意咋 ? 佢梗係話佢唔好食啦 ... hahahaha !!!

最後我地都上左黎 ... 不過可能仲早 ~ 無咩人 ...

我地叫o既野都好快到 ..

媽媽話蟹子沙律好好味 .. 叫左兩次 ~ 但我好似一次都無食過 =.=

芝麻豆腐沙律 ... d 菜 好唔新鮮

刺身甜蝦其實幾好味 .. 但係要自己剥殼囉 ~ 太差 ~ 所以叫左一次就無再叫 .

其他三文魚 ~ 油甘魚 帶子 都ok ... 正常 ~ 唔太差 ...

另外溫泉蛋其實如果有多一淡飯用黎送就好啦：P

炸物 .. 蟹鉗同帶子 ~ 好似係用同一舊粉團做的~ HA ... 不過應該都係雪藏野黎 ~

然後 天婦羅蝦很不錯哦 ~ 雖然細隻 ... 不過都好似幾新鮮 ...

炸蠔都唔錯呀 ~ 至少唔係炸蠔屎 ~
另外我地book 位佢會送一個焗蠔 ~ 果個先係蠔屎 ~ 同埋唔多好食 ~ 好腥 !

燒物 的羊架 ... 家姐話好好味~因為夠"SO" ~ 不過我覺得好多肥膏 ~

燒菠蘿都唔錯呢 ~ 雞亦有D多酒 ... 一口牛都幾好 ~

煮硯就好流啦 ~ 因為 好似殼多過肉 ~ HA ...

另外仲有雪糕甜品 ~ 係阿波羅 ... 果然係無咁好食的：P

其實我覺得間間食放題 ~ 種類同質素都係差唔多 ~ 

當然都有D 係好難食架啦 ... 不過基本上都係一般 ~
所以食完一次都可以唔使返轉頭 ~ 可以試過第間 ~
同埋依家D放題都真係好貴 ... 起碼 200 蚊一位 ~
不過我地有長者 ~ 同埋 食個半鐘 ... 最後128 x 2 + 168 x 2 再加一 埋單 ~

呢度有個男仔待應幾好~幾有禮貌 ...

但係有個女人 ~ 4眼 ... 就唔係太好啦~
雖然埋單果時佢每講一句說話都好似好有禮貌咁~
但佢成個樣係勁不爽 ~
因為埋單佢本身收我地2個鐘價錢 要 208 ~ 但我地話食個半鐘 ...
佢就好不爽咁 講 ... 咁我幫你地改返啦 ~ 你地依家要走架啦 ..
ha ... 不過算吧 ~ 在香港一向都係咁 ~