天機棧

旺角彌敦道628號瓊華中心5樓

星期六 ... 估唔到7點上到黎都大把位 ~

以前係朗豪坊對面食過一次 ~ 都不錯 ... 再試 ~

叫左個精選晚餐... 前菜 ~ 野菌意大利雲吞 ... 不好吃 ：(

D 菜有點苦 ... 個野菌味道好怪 ~ 友人話似鵝肝 ~

加錢換的龍蝦湯 ~  算是最正常 ~

西冷牛扒 ~ 五成熟 ... well ... 都幾un ~ 

藍莓木槺布丁 ... 好難食 =.=

好失望的一餐 ~

依家出街食飯真係無好野啦 ~

安安燒

旺角染布房街6號地鋪

呢個星期好似食左太多野了 ~ 想瘦也很難 ...

雖然說是一個月一次的飯聚 ~ 其實對上一次都已經11月了 ~ ha ...

多謝你的生日飯 ~ 雖然是遲左 ... 不過有心唔怕遲 ~ 好感動 ~

其實個芝士麵好吸引 ~ 好想食 ... 但係食串燒已經好飽了 ~
好啦 ~ 下次再黎食芝士麵 ：)

菠蘿啤 ~ 不過係大陸 ... 我飲開家興果隻好似係台灣 ~
不過味道都是一樣的 ~

燒九菜 =.=
well ~ 除左包雲吞我會食 ~ 其實我不會一條條的吃 ~
所以呢碟野我無食過 ~

燒魚翅 ~ 朋友話本身以為係湯 ~
呢個仲寫明係推介 ~ 但係一D都唔好食 ~ 又乾又無味 =.=

秘製醬汁雞亦 ~ 小小辛 ~ 小小甜 ... 不錯 ~

墨魚丸同翠玉瓜都好好食呀 !!!

生蠔不算太肥美 ~ 一般 ...  其實好多蒜 ~ 食唔到味道 ... 

後面o既係鱔 ~ 超級肥美 ... $48 蚊得3 lak =.= 好貴 ~
前面係車厘茄煙肉卷 ~ 煙肉燒得剛剛好 ~ 然後又配合車厘茄的味道 ~~ 好味 !

燒菠蘿 ~ 太甜了 ...

燒牛柳 ~ 不過好un ~ 好un ... 有血都好un =.=

金菇菜 ~ 都係好難會難食o既一種 ~

燒螺肉 ~ 好un 好硬 ...

燒帶子 ~ 又係同生蠔一樣的蒜味很重 ~

其實食完以上o既野 ~ 我已經好飽 ...
不過友人話叫多round ... 咁佢揀啦 ~

呢個茄子 ... 其實我唔覺得好食 ... 惹味蒜蓉生燒茄子 ~
實在多蒜得過份了 ~
我每撩一淡茄子都有蒜 ~
well .. 可以我唔鐘意食蒜啦 ~

可能係我地錯誤點單 ~ 唔應該全部都叫蒜 =.=

聖子 ~ 不錯 ...

呢個係呢一餐最清o既燒蜆 ~ 好鮮甜 ...  無沙 ~ 好感動 ~

最後食埋呢個鮮蝦 ~ 就滿足晒了 ~~~

多謝 !!

I Cremeria

地點 銅鑼灣記利佐治街11-19號名店坊1樓

 

食飽雞 ~ 行一陣就食甜品 ~
抹茶痴的 ~ 一定要試 ...

係門口等果時 ~ 見到有2~3個人食$180 蜜瓜雪糕 !!!
真係有人食架囉 ~~~ 好富貴 ~ 

 不過買果時都聞到入面d蜜瓜味 ~ 真係好香 ...
但$180 真係唔會捨得食囉 ~ 可以食到一餐正餐啦 !!

等左我估都大約2~3個字先有 ...
不過拎出黎o既時候已經有小小溶 ~
我喜歡呢個味道 ... 好香濃o既抹茶味 ~ 沒有奶味 ..
不過佢個感覺唔夠滑 ~ 可能就係因為奶唔重 ~
同埋我覺得食落o既時候有小小粉o既感覺 ~
好啦 ... 你明唔明 ? 應該無人明 ~
不過我覺得呢間好食過其他 ~~~

安東元祖奶奶雞

地址 : 銅鑼灣駱克道491-499號京都廣場七樓

今天有一個傷心的消息 ~ 幸好本身約左友人癲拿 ~
唔係我一定返屋企喊到痴左線 ~
其實諗返 ... 無咩值得好喊 ~
不過我係巴士上喊到收唔到聲 ... 應該係癲撚左 =.=

好啦 ~ BOOK 左7點半 ... 準時去到 ~ 不過都等左5分鐘 ...
佢分開左兩邊的 ~ 另一邊係得一台 ~
但唔知點解仲要等位呢 ~ ?

叫左個韓國提子汁 ... 好甜 ~~

炒雜菜 ... 其實佢似炒雜菇多D ...
好多金菇芽菜 ~ 同菇 ... 

釜山鮮蠔奶奶雞 (小辛)

叫左有蠔果隻 ... 但我到差唔多食完先發覺自己一粒都無食過 ~
友人仲好奇的問 ... 唔怪之得 ~ 我以為一碟有咁多 ~ 食極都仲有 ~
然後小辛真的是小辛 ~
放低的有一堆薯粉 ~ 好入味 ~ 又不是太淋 ~ 不錯不錯 ~
雞味道 一般 ~ 不算太辛 ... 我其實覺得有小小小小甜添 ~
佢D配菜好入味 ~ 有個瓜好淋 幾好味 ~

生菜包燒肉 ~
個泡菜好夠辛 ~ 加埋個醬更辛 ~
然後佢塊肉就UN左小小啦 ~
不過整體都幾好味 ~

N1 Coffee & Co.

我利用左我小小o既課堂空餘時間 ~ 黎到呢度諗住食個意粉 ~

點解會黎呢度 ?

因為友人上星期黎過呢度食 ~ 而我係k11 返左咁耐工~

竟然完全唔知有間咁o既野 ~

所以就利用小小時間 ~ 過黎呢度 試下啦 ~

其實佢個門口好細 ... 真係唔會留意到 ~

入到去 ~ 滿席 ... 而門有吧台 ... 張台很窄 ~

不過得呢度先有位 ~~

跟住 自行下單 ... 沒有意粉 ~ 唯有試全日早餐 + 一杯卡畢千勞 !

呢個野 ... 好正 ~ 哈哈哈 !!!

一般 ~

條雞肉腸好好味 ... 片蕃茄都係 ~
多屎很脆 ~ 不過唔夠熱 ...
煙肉很咸 ~ 好乾 ...
茄汁豆比想像中好食 ~
炒蛋熟得滯 ... 唔滑 ~

完 !

燒肉牛蔵

高層同事一年一度的飯局 ~ 很開心能夠出席 ~ ha ...

一行8個人 ~ 卜左6點半台 ...

同事一坐低望一望餐牌就叫左個6人餐 ~~ 石藏 ~
跟住 我再望下餐牌加單 .. 

香芒軟殼蟹卷 ~
芝士大蝦卷 ~
肉盛合

帆立貝 ~

然後一路等 ... 等 ~ 等到後面果台遲過我地入座都仲繼續等緊 ~

之後兩個卷物都黎左 ~ 食完 ... 都等緊 ~
跟住我就問d 哥哥 ... 到底幾時上燒肉 ~
well ... 原來佢漏左單 ~ 無幫我地落到個石藏 ~

好啦 ~ 到佢話幫我地加返單 ~
張單又無啦啦多左5罐我地無叫過o既可樂 ~
然後 我問佢 ... 自此佢就無俾返張單我地 ~

跟住我地繼續等 ... 等左好耐 ~ d 肉都未黎 ~ 可能唔捨得劏隻牛啦 =.=

之後我爆左個哥哥 ~~
哥哥答我 ... 我地諗住上左刺身先 ~ 咁食左生野先上燒野 ~
d 牛其實切好放左係度架啦 ~
如果你想食燒野先 ~ 我地上左俾你先 ...

well .. 其實我都等左好很耐下 ~ 或者你連條魚都唔捨得劏吧 =.=

不過係佢講完之後唔夠10秒 ~ d 肉就上台了 ~
到底係咩原因 ... 真係不知道 ~
而d刺身係我地燒到一半先送上黎 ~
well ... 如果佢真係上左刺身先 ~ 應該餓死左lu `

帆立貝一般 ~ 很細隻 ~不鮮甜 ~ 而且 都很快地燒loan 晒lu ~
猶如吃瑤柱一樣 =.=

呢個係肉盛合 ~ 另外仲有一個係石藏的肉 ~ 但無拍照 ...
牛肉其實都幾好味 ... 不過有D 就咸左D ~
石藏 的 牛肉粒很好味 ~ 肉質很淋 ~ 牛有牛味 (廢話)

蟹汁 ... 好咸 ~

刺身都幾新鮮WOR ... 唔怪之得等咁耐 ~
個炸蝦頭好好味 ~ 好脆 ~~ 好似食緊蝦片咁 ~

當食晒呢D野o既時候 ~ 大家都未飽 ~ 於是再柯打野啦 ~

點知個哥哥走埋黎話 ~ 你地個餐仲有個鍋 ~
好啦 ... 咁我地淨係叫多左2 個蝦天婦羅 ~ 野菜天婦羅 ~ 同埋一個石頭飯 ~

跟住原來個鍋係有勁多菜啦 ~ 仲有粉絲 ~ 仲有烏冬 ... 勁大鍋 ~  (無真相)

之後仲有六粒蜆 ~ 原來呢個餐都幾抵食 ~
不過d蜆又係唔知佢幾時得啦 ~
不過幾鮮甜wor ... 但有沙 ~

石頭飯 ~ 遲左撈佢 ~ 有很多飯蕉 ~
汁很多 ... 不太辣 ~

野菜天婦羅 ~ 本身個哥哥話係有 冬菰 ~ 南瓜 ~ 茄子 ~ 蕃薯 ~
但佢無冬菰囉 !!! 我不幸地食中佢無講的 青椒 ~ 最憎食 ...
不過又甜甜地 ~ 不錯WOR ...

而佢個蝦天婦羅 ~ 應該係送錯左俾隔離台 ~
而隔離台D 女女又唔知 係送錯 ~ 照要 ...
由於我地太飽 ~ 所以最後CANCEL 左 ~

不過個哥哥好似唔識聽廣東話咁 ~
同事叫佢未落單就CANCEL ...
佢答 ... 其實都好快架姐~6分鐘幫你攪掂佢 ~
同事繼續講 ... 未落就唔要啦 ~
佢答 ... 其實真係好快 ~ 唔會太耐 ...=.=

個六人餐有6杯豆腐雪糕的 ~
我叫哥哥送多兩個俾我地 ~
但係就要全台一樣味 ... 我揀左抹茶 ...

不過奶味偏重 ... 沒有抹茶的味道 ~