The Coffee Bean & Tea Leaf

由於我地買左金雞SSS ~ 十點半先睇 ... 仲有好很多時間 ~
去完誠品 都只係9點 ... 所以就去左呢間友人話新開的CAFE 試試 ~

裝修很靚 ~ 好寬敞 ... 好舒服的 ~ 不過好像沒有咖啡的香味 ~

友人叫了芝士蛋糕 ... 偷試了一口 ~

嘩 ... !!! 好難食 !! 沒有芝士味 ~ 但有很濃烈的杏仁味 ~
估計係餅底用左杏仁整 ? 唔知 ... 唔好食 ~

藍莓撻 ~ 見到佢充滿藍莓 ~
但佢個底做得勁差 ... 薄得好緊要 ~ 有D位仲要係無皮架囉 ~
藍莓都係用果醬做的 ~ 

ICE MOCHA ~
普通過普通的 ...

 

呢間鋪有得草印仔 換野飲的 ~
好可惜 ~ 應該不會再來了 ~

School Food

年三十放4點 ... 原本想去排咖啡弄 ~ 但無開 ...

咁就試下呢間韓國野啦 ~ 

我地大約5點50 分左右去到1~ 佢話要7點05分交台 ... 很特別 =.=

叫左一個鳳梨唔知咩菲 ... 嘩 ~ 佢藍色色素 + 七喜麻 ? 88 蚊 囉 ... 唔抵 !!

烏卒卒 ~ 我見到話係每日限量 ... 不過我地仲有得食 ~
應該係墨魚汁煮成飯 ~ 中間就加左D魷魚係度 ... 幾特別 ~ 唔錯 ~

我唔記得左叫咩名 ~ 芝士泡菜炒飯 ?

泡菜炒飯 ~ 好味 ... 芝士上碟時已經變左一PAT 硬野 ~
撈返埋都OK ... 不過唔知點好似有洋蔥 ~!! 

只係因為我唔鐘意食洋蔥 !

大蔥沙律炸雞 ~
佢個沙律完全是蔥 ~ 我唔係太接受到果陣味 ~
太濃烈 ~ 而且食完個口立即變臭 ~

炸雞好好味 ~ 夠新鮮炸起 ...

當食完的時候其實未夠7點05分 ~
不過侍應見到我地食完又無加單 ~ 於是自動放上單 ~
其實呢個處理手法係繁忙時間 係好事 ~ 因為可以做多幾張單 ~ 又唔使D人等緊耐 ~
不過 ... 咁你講明7點05分 就係架啦 ~
無理由迫人走 ~ 都未夠鐘 ...
好啦 ~~ 年30晚大概是會這樣的 ~

最差的電訊服務商 - 3 香港

事緣我係1月24日早上收到 3 最新一期賬單 ... 發覺多收 2x 蚊 ~
上網查閱賬單發現多出一項行政費用 ~
於是我就利用 網上 3 ichat 問客服呢筆錢係咩黎 ~
佢答我 ... 係政府要收o既唔知咩費 同 隧道費 ~
但我好記得出機o既時候係講左唔收 ~
咁我就堅持話 無話要收過 ...
客服話呢筆錢係每個客戶一定要收 ...
我問 ... 咁點解我張新約5月 生效你依家先收我 ~
佢答我 ... 因為公司系統出錯 ~ 所以遲左收

乜咁大間公司都可以咁架咩 ?

我繼續堅持話簽約果時無講要收
好啦 ... 咁佢話搵專人聯絡返我 ~ 要查返 ...
會48 小時內回覆 我 ....

到1月26號 朝早11點幾 ... 太得閒 ~ 見佢又無人覆我 ~
我就直接打上hotline ... 其實我真係好憎打呢d ...
禁來禁去 ... 禁到死都未聯絡到客戶服務 ...

到我聯絡到 ~ 佢話 ... 由於呢單CASE 已經交左俾專責同事跟~
我地會叫佢直接聯絡返你 ...
我心諗 ... 咁你返工做咩 ? 就係聽我電話然後答幫我唔到 ?

佢話當日有同事會聯絡返我 ... 我一直等到 今日 1月28日 都無 =.=

我再上3 ichat 問 ...

3iChat 大使 10:29:33

多謝閣下耐心等候，查返記錄，關於閣下戶口收取行政費問題已經交由專責同事為你跟進，

我哋會通知返專責同事儘量安排今日內回覆你，請你耐心等候

xxxxxxxx 10:29:54

喂 你26號果日同事都話當日會覆我啦~

結果呢 ???今日28號啦~!

一係你就叫佢依家即刻打黎~~~我無咁多耐心等囉~!!!

你地果D HOTLINE 又成日都要禁來禁去~~禁完等一世先有人聽~! 我等左4日....

3iChat 大使 10:31:47

我都明白閣下的情況，也好抱歉造成你的不便，我哋現時都會通知專責同事儘快回覆你嘅

xxxxxxxx 10:32:35

錢你地就識收~服務又唔做得好~無啦啦加收人錢~~~我無啦啦CUT你地個PLAN得唔得呀???

你地又話要收錢收錢~~~乜Q都係你地話晒事~!!
 

3iChat 大使 10:34:49

關於閣下戶口收取行政費問題已經交由專責同事為你跟進，我哋現時祗能為你通知專責同事儘快回覆你。或者閣下致電熱線31663333，接通之後通知我哋同事嘗試為你轉駁至專責部門跟進

xxxxxxxx

咪玩啦~又要我打去~有無攪錯

禁一世~聽一世音樂先有人聽

3iChat 大使 10:36:09

閣下可以按以下流程致電熱線：31663333>1(廣東話)>1(流動通訊服務)>輸入手提電話號碼及按#號>確定查詢號碼按1字>1 賬單及通話分鐘用量查詢>輸入私人密碼+#>3查詢賬單上的收費項目>8接駁到客戶服務主任

xxxxxxxx 10:37:38

你可唔可以叫果個人即刻打俾我~~

3iChat 大使 10:38:19

唔好意思，暫時未能安排。我哋專責同事都需要時間跟進你的個案

xxxxxxxx 10:39:45

時間??? 原來我呢個CASE 要4日時間你地跟進???

我淨係想知道...點解你地24號話48小時有人會打電話俾我~

到今日28號一個電話都無人打過黎 ??

3iChat 大使 10:40:29

我哋會通知返專責同事儘量安排今日內回覆你，請你再耐心等等。

xxxxxxxx 10:40:36

你有無第句 ??

3iChat 大使 10:41:35

唔好意思，你的個案需交由專責同事為你跟進，我哋現時祗能為你通知專責同事儘快回覆你。

xxxxxxxx 10:42:22

我淨係想知道...點解你地24號話48小時有人會打電話俾我~到今日28號一個電話都無人打過黎 ?? 你答唔答到我 ??

 3iChat 大使 10:45:11
唔好意思，你的個案已經交由專責同事為你跟進，因為我哋同事都需要時間調查返資料，所以先會遲D回覆你，我會通知返專責同事儘快回覆你跟進

唉 ... 其實佢份工都幾好呀 ~ 淨係copy & paste 就得 ...

後來我再打上hotline .. 佢地俾左3個字音樂我聽 ~然後話 ... 同事依家有個案跟 ~ 會晏小小覆你 ~

咁好啦 ... 我等 到佢打黎 ~ 我立即問佢 ... 今日幾多號 ? 我幾多號上網問你地呢個收費 ?佢就不停重覆咁 ... 唔好意思 ~ 我知我地係遲左 ~ 會反映返 =.=

講完一大輪 ~ 麻煩小姐提供 全名同身分證 號碼 .

................................................................... 我真係bear 一聲 ~點解我鬧完一輪仲要我提供 ~ 乜佢覺得唔係本人都可以咁好火無啦啦鬧你麻 ?

然後佢話 ...

根據合約的確係無呢筆費用 ~ 但係其實我地公司一定會收 ...唔知點解當時同事無收 ~ 咁小姐你又係我地長期客戶 ~ 我地就可以免左你合約期間呢筆行政費 ~ 但到你合約完左就會再收返

我話 ... 乜你地呢d服務認為我仲會續約咩 ?

我問佢 ... 既然都話左免我行政費 ~ 咁點解你d hotline 同事唔可以直接答我 ~
咁我咪唔使打來打去囉 ~
佢話 ... 因為呢個case 已經有專人跟 ~ 所以其他同事唔可以答你 ...
我再次bear 一聲咁問 .... 咁如果你地d 專人 請annaul ... 咁咪一世無人答我 ~!?
唉 ... hotline 都是廢的 ~!

其實 ... 我唔知其他 屎墨通 ~ 123 果d ... 會唔會咁樣 ~不過我就知道 ... 3真係成日趁人唔覺唔覺咁無啦啦收貴你 ~都已經唔係第一次 ... 之前買機上台 ~ 已經無啦啦收多4000 幾蚊 ~佢地d客服仲好興第一句就 一定係個客唔岩咁 ~講明 ... 我地係無收錯 ~ 唔會錯 ... 係你錯 ~ 麻煩客戶自己睇清楚先 ~但其實每一次的的確確係佢地收多錢 ~

所以 ... 睇呢d單真係要睇得好清楚 ...

雖然只係2x 蚊 ~ 但每個月咁收下收下 ~ 條數都幾襟計 ...

總之 ... 約一完 ~ 我一定唔會再用3 ....

TAPAGRIA

兩丁友 ~ 要食團年飯 ~

本來打算唱K ... 260 蚊 2粒鐘連BUFFET ...

得2粒鐘 ... 夠我食飯定唱歌 ?

於是就把心一橫 ~ 去間貴餐廳食好過 ...

係OR 見到西班牙菜 ... 好想試 ~

咁就搵到THE ONE 呢間 ...

D人話係劉嘉玲開 ... 不過我無研究過 ~

BOOK 左台 ~ 7點15分 ... 搭LIFT 上黎都不易 ~ 好麻煩 ... 等N世 ~

我地揀左出去露天位置 ... 好彩今日唔係太凍 ~ 加上夜景都好靚 ~

其實呢間野有網頁 (TAPAGRIA) ~ 事前已經睇過餐牌 ~

勁想試個西班牙大鑊飯 ~ 我睇OR ... 好大好大的 ~

然後今日材料係西班牙海鮮飯 ~ $145 ... 咁都幾抵WO !!

(原以為好似OR D 相咁 咁大碟 ~ 點知原來 ...)

夜景下的戀人 =.= (很娘)

友人話呢個酒係西班牙菜一定會有 ... 要試 ~

有RED~WHITE~ ROSE 3隻 ... 分別有好多唔同味 ~ SANGRIAS ~

我地揀左HALF WHITE WINE SANGRIAS o既 VALENCIA ...

酒味很重而且偏甜 ~ 友人仲飲左小小就話有D WING ... (有咁誇麻?)

這就是西班牙大平鑊燴飯啦 ~!!!!

我地見到當然呆一呆 ~ 同埋收返岩先話 $145 好抵呢句說話 ~

不過佢細細碟 都好足料 ~ 而且都好好味 ~

佢d海鮮亦唔係雪野 ~ 蝦都好好味 ... 不過份量真係太小啦 ~

血腸及芝士焗薯 ~

個薯仔超好味 ... 芝士味很重 ~

本身以為係一個個焗薯咁 ~ 不過佢得幾片係度 ~ 但芝士味真係好濃郁 ~

個血腸就薄薄的一片 偏咸 ~

低溫煮脆皮乳豬伴焦糖蘋果及蜜糖芥末醬

個名長到呢 ... 每件都份量不足 ~ XD 太大食了吧 ...

個皮 小小 脆 ~ 肉質很淋 ~ 但係我就食唔到個醬係咩味 ...一般~

後來 ... 我地當然係唔飽啦 ~ 我地好小去呢D 高級地方 ~ 於是友人就話 ...

佢D 薯仔幾好味 ~ 我地叫D 薯仔野食啦 ~ 夠飽肚 XD

血腸及馬鈴薯炒蛋 ...

haha ... 友人好失望 ~ 因為只係薯條 ~ 同埋有d 普通 ... 唔太特色 ~

不過佢好勁 ... 即使d 蛋放左係薯條面 ~ 薯條也是脆的 ~

但薯條無咩味

香脆薯角伴西班牙特色bravas 辣醬 ...

其實後來叫的兩個也不太好 ~ 沒特別的 ~

這個是薯仔配一個辣醬而已 ~ 普普通通的 ...

最後我們當然是叫甜品 ~

朱古力慕絲伴香蕉熱情果二重奏 (雪葩及酒啫哩)

好古怪 ~ 佢真係就咁慕絲 ... 然後 唔知 ... 食唔到有蕉味 ~

我唔鐘意食 ...

埋單 $ 735 ~ 其實比我想像中平了 ...

新春 三重縣 行程 ~

因為有廉航 ~ 新年才會去旅行 ...
但係真的很怕會delay ... 又或者上不到機等等 ~
因為廉航 ~ 好似會有一定的風險 =.=
希望可以安全到達日本就好了 ~

			食事	交通	行程
TUE	2/4	早	機場麥記	機票 : $ 3,647	0930 - 1355 (HKG - KIX)
			關西機場	南海電鐡 ￥890 / 48 m (PASS)	機場 - 難波
				近鉄  ￥ 2,800 / 97 m (PASS特急卷)	難波 - 松阪
		晚	隨意	-	DINNER

酒店 : 松阪シティホテル (連早餐 2人房 : ￥3,000 / 3人房 : ￥4,500)

明顯第一日就係無行程 ~ 因為一落機就即刻去松阪 ~
只有飛機同鐡路 ~ 會先係香港買定近鐡pass ... 去到換就ok ~ 比較方便 ...
本身夜晚酒店想book一間 民宿 ~ 但係太夜唔知間民宿接唔接我地車 ~
佢又一直都唔覆我 ~ 只希望松阪酒店附近有野食 ~

			食事	交通	行程
WED	2/5	早	酒店	松阪 -- 中之郷 ￥590 / 47 min (pass)	鳥羽水族館
		午	水族館內	往海豚島	海豚島 ---> 鳥羽一番街
		晚	隨意	鳥羽 -- 松阪 ￥570 / 35min (pass)	自由活動

酒店 : 松阪シティホテル (連早餐 2人房 : ￥3,000 / 3人房 : ￥4,500)

第2日行程 ... 其實好似好簡單 ~ 不過因為冬天 ~ 可能行動都會比較慢 ~
唔知去唔去到海豚島 ~ 其實應該同水族館差唔多 ~
希望可以有時間去得晒兩個地方 ~ 唔係就會變左好單調的一天 ~

			食事	交通	行程
thu	2/6	早	酒店	松阪 -- 宇治山田 ￥390/ 17 m 轉 參宮bus	夫婦岩
		午	@ おはらい町	CAN BUS	伊勢神宮 (內宮)
		晚	なばなの里 內	伊勢市 往長島 轉巴士 ; 長島回松阪	なばなの里

酒店 : 松阪シティホテル (連早餐 2人房 : ￥3,000 / 3人房 : ￥4,500)

第3日 ... 其實比第2日更趕 ~ 因為伊勢神宮應該好很大 ~ 仲要去埋夫婦岩 ~
然後仲去なばなの里 ... 其實好遠 ~

住了3天的酒店 ... 明天轉啦 ~

			食事	交通	行程
FRI	2/7	早	酒店	三重巴士 去摘士多啤梨	松阪農業公園 摘士多啤梨
		午	松阪牛	松阪 -- 四日市 (特急卷) -- 湯の山温泉
		晚	酒店	-	湯の山温泉

溫泉旅館 : ホテル湯の本 (一泊二食  ￥15,225 + 入湯稅 ￥150 = ￥15,375)

其實如果呢日三重縣唔算大 ~ 但景點都比較遠 ...
始終一次過未必能夠去得晒咁多地方 ~ 係志摩果邊都有d野行 ~
但今次因為唔太就腳 ~ 所以無去 ... 下次啦 !!
而第4日行程就係去擇士多啤梨為主 ~ 夜晚就住溫泉旅館 & 食伊勢龍蝦 ~! yeah !

			食事	交通	行程
SAT	2/8	早	酒店	纜車來回	上山睇樹冰 (纜車係旅館隔離)
		午	隨意	於伊賀神戶轉伊賀鐡道往上野市	伊賀流忍者博物館
		晚	大阪燒	なんば ---> 天満橋	大阪城燈飾
				天満橋  ---> 梅田 ---> 難波	梅田 / 心齋橋shopping 食飯

酒店 : フローラルイン難波  (2人房 : ￥4,800 / 3人房 : ￥5,600)

第5日重點行程當然係睇樹冰啦 ~ 不過原來樹冰唔係日日都睇到 ~
希望好彩果日有啦 ... 我見依家山上都係-3度左右 ~ 好凍呀 !!!
落返大阪城睇燈飾 ~ 希望有時間係梅田shopping !! 我仲想夜晚去唱k 呢 !!!

			食事	交通	行程
SUN	2/9	早	黑門市場	-	黑門市場 / 心齋橋 / 難波
		午	機場	南海鐡路 (PASS)	1450 - 1815 (KIX - HKG)
		晚

最後一日 ... 基本上行程只有係朝早 ~ 晏晝都再見了 ...
可能行得一陣就要走 ~ 因為始終咁早都未必有鋪頭係開左 ~

************************************************************************

就係咁 ... 六日新春旅程完結了 ~ yeah !!!
當然希望每個行程都可以順利完成 ~ 最重要係唔好delay 就好了 !!