知味館

係圓方睇完戲 ~ 又懶懶唔想行出去 ~
於是就搭26號落左紅磡 ~ 去紅場食稻香 ... 但好可惜落到去都已經10點3 ...
果個人話佢地收11點 ... 仲要未有位 ~ 所以放棄 ~
其實夜媽媽唔應該打邊 ~ 但係可能個癮起 ~ 所以就係附近 搵到呢間知味館了 ~

兩丁友 ... 黎呢d小館打邊 ~ 好似會勁俾人歧視咁 ...
(結果最後埋單 ~ 朋友聽到隔離台班大陸佬話 ... 為什麼他們兩個人也會來這裡) =.=

我地叫左"煙央"湯底 ~ 我覺得清湯有咁多菜好感動 ~
同埋呢隻菜吸晒清湯d味 ... 好好味：)

蠔係廣島蠔 ~ 唔肥美 ... 不過都ok ...
桶蠔好似要再貴d .. 應該會肥美d ...

我地叫左最checp 的新鮮滑牛肉 ~ 真係一分錢一分貨 ~
一d都唔滑 ~ 好hi ~ 煮左唔係好耐都好un ~ 一d都唔好食 ...：(

呢個百花釀鮮菇好好味 ~ 佢個菇好有菇味 ~ 好鮮甜 ~
同埋佢面果d應該係手打蝦丸o既朋友 ~ 都幾彈牙 ... 唔錯唔錯 !

我係落左兩舊落煲先影相 ~ 所以唔好誤會得咁小 ... 佢有7舊o既 ~
中山脆鯇片 ~ UM ... 友人覺得好唔新鮮 ~ 我覺得唔夠脆  ..
有D 搵笨囉 ~ 呢度都成60 蚊 ... 我呢D擺明食米唔知價 ~

丸都幾出色 ~ 由於 牛丸同鯪魚丸 本人麻麻 ~ 所以感覺一般 ...
但係墨丸同蝦丸就GOOD ... 好彈牙 ~ 好有蝦 / 墨魚味 ...  

埋單可能我地入坐已經好夜 ~ 所以有意想不到的85 折 ~ 大約340 蚊 ...
不過呢間野 好多蚊之 飛黎黎去 ... 係一個壞處 ~

ラーメン台風

今天 ... 去左一田睇小丸子個喼 ~
其實真係好想買 ... 但係感覺唔太實淨 ~
唉 ... 算啦 ~ 最後都係放棄了 ~ 但買左個大大背包 ~
之後友人帶我去了這間拉麵 ~ 係橋底位置 ... 其實都唔多覺眼的 ~

有3款湯底 ~ 仲有撈麵添 ... 豬骨湯 ~ 辣 ~ 同埋蕃茄芝士 ...

然後又係點麵紙 ~ 選擇上大致都同一般拉麵店差唔多 ~

這張車票好得意 ~ 原來是一本簿 ~
唔知有無我以前返學的那個站 ~ 高田馬場呢 ?

店內的裝修 ~ 後面其實係一幅畫 ... 但我唔記得影 ~
老闆話係佢朋友幫佢畫 ~
每個員工都掛上一個職員證係漫畫樣的 ~ 老闆話係佢朋友畫 ~

有教你食麵的方法 ... 先飲一淡湯 ~ 我有跟架 ...
第一淡 ... 感覺唔太濃 ~ 而且唔算太杰的湯底 ~

這個就是麵了 ... 有些魚粉 ~ 其實我覺得個湯底偏淡 ~ 所以食食下都有灑胡椒 ~
有D 菜係度幾好 ... 好似健康 D ... 不過好碎 XD
肉薄薄的 ~ 唔算好入味 ~ 一般
麵質同粗幼都係我喜愛的 ~ 是小小粗的麵條 ~ 唔係好淋 GOOD !

然後隻蛋 ... 流心程序一般 ... 但味道不錯 ~
以上很廢 ... ：P
不過有緣再到荃灣也會再試下個撈麵 ：D

雞記潮州麵食

今日 ... 同友人參加新開的ABC Cooking Studio 體驗課程 !
其實我深深咁被佢地o既course 吸引 ~
但亦都好可惜深深咁被佢地o既價錢 嚇親 !
加上佢地拎到張證書只係得ABC 佢地認可 ~ 感覺不太有用 ~

學完整包 ... 去左食雞記 ~ 因為就係K11 附近 ...
都差不多10點幾 ... 人依然 多 ~ 雖然唔使等位 ...

餐牌上有 炸墨魚餅添架 ~  好想食 !!
但係我只係叫左一碗麵 ... 話晒都夜深 ~ 好似食太多不太好 !

紫菜墨丸 麵 ~ 個麵其實 麻麻 ...
但粒丸真係好好味 ... 又彈牙 又真係充滿墨丸味道 ~
但係呢個位其實唔多就腳 ... 下次經過都要再黎呢 ~

台北 ~ 計劃旅程 !

每次旅行我都會預先計劃好所有野 ...
其實咁樣係好定唔好呢 ~ !? 我都唔知 ...
不過我都好想試下 突如其來的旅程 ~ 同埋沒有準備下的旅行 ~
其實唔知會唔會好有驚喜呢 ~!?

12月14日	早	機場麥記	1205 ~ 1345
			HKD 1,278
			HX283 (HK AIRLINE)
	午	飛機餐	1700 到達旅館
			TWD 125 / 55 min
			國光客運 1819 往台北車站
	晚	饒河夜市
		TWD 40 (來回)
		搭乘捷運板南線至後山埤站，出4號出口往永吉路方向步行轉松山路，過車站天橋後即可抵達。

其實唔知出機場要幾耐 ~ 第一晚就係生日的晚上 ~ 其實不應該食夜市咁可憐 ~
或者到最後我會找一間高級餐廳去吃個飽 ~

12月15日	早	隨意	象山 郊遊
			TWD 20
			捷運板橋線 市政府站
	午	阿吉師 (天母)	天母市集
			TWD 35 + 公車
			捷運淡水線石牌站再轉搭公車，紅12或紅15。下車地點：天母廣場站或三玉宮站！
	晚	士林夜市
		公車 + 捷運 TWD 20 (+ TWD16)
		捷運 劍潭站

每次去旅行 ~ 都希望扮下健康去郊遊 ~ 上網睇到 ... 象山係親子郊遊o既路段 ~
我諗星期日去 ~ 應該會多d人 ... 安全d 掛 ?
朋友話天母每個星期日都會有市集 ~ 同埋睇旅遊書都似有好多野食呢 ~
就算唔食阿吉師 ~ 都應該有大把選擇吧 ~

12月16日	早	隨意	北投 圖書館 / 溫泉
			TWD 28
			台北 --- 新北投
	午		淡水  (淡水老街 / 漁人碼頭 / 踩單車)
			捷連 TWD 28 + 船 TWD 45 (來回)
			淡水 --- 八里 (船)
	晚		淡水 / 西門町
			TWD 40
			淡水 --- 台北

友人話北投個圖書館好靚 ~ 所以想去睇下 ... 另外出名係溫泉區 ~
如果有時間的話都想浸一浸 ~ 最好有埋 SET LUNCH 食 ~ 如果唔太貴都會試 ...
不過唔知之後落到淡水會唔會好趕 ~ 因為想係八里果邊踩一陣單車 ~ 應該有得租吧 !?
淡水都好似有夜市 ~ 應該會係果邊玩到晚 ...
 

12月17日	早	隨意	貓空纜車
			TWD 28 + 貓空 100 (來回)
			文山內湖線 動物園 --- 貓空
	午	隨意
	晚	師大夜市	師大夜市
			TWD 28
			台電大樓

呢日比較悠閒 ~ 所以可能晏D 起身 ~ 又或者去 食個豐富早餐先 去貓空 ~
又或者晏晝睇旅遊書搵景點 ... 唔知道 ~!

12月18日	早	上引水產	上引水產
			TWD 公車
			承德63 巴士 開往大都會客運內湖站，民權建國路口 下車
	午	隨意	中山站 周邊 / 西門町 / 台北車站
			TWD 125 / 55min
			台北車站 --- 機場
	晚	機場	回港
			2025 - 2220

其實最後一日去上引水產原因 ~ 係因為自己可能已經無咩錢 ... 咁去到都不能豪吃 ~
如果太早去 ... 就會覺得自己仲有好多錢 ~ 會吃個飽 ... 咁之後果幾日就死LU ~
其實我依家有D後悔買咁夜 返 ... 應該早一班會好D 囉 ~ 第日又要返工 ~

今次住青年旅館 ... 其實勁想有人撩我去食飯 ~ 最好一齊食 麻辣火鍋啦 ~ 好想食 ...
又或者有個靚仔撩我一齊去玩 都不錯哦 ~!

Ocio ~~~

朋友本身想食豚王 ~ 但行完山已經好攰 ...

估唔到星期日 + 上開左一蘭都要排咁長 ~

所以我地就行過隔離間鋪食 ... 之前係舊BLOG 好似有寫過呢間的waffle ...

今次試下佢地o既主食 ... 但係原來選擇不多 ~

而且沒有set ... 感覺唔太抵 ~

同友人叫左一人一份 野食 ~ SHARE 食 ...

Carbonara ... 我不喜歡有這麼多青椒 ~ 因為不愛吃 ...
味道不錯 ~ 很creamery 的 ~ 洋蔥也很多 ...

這個all day breakfast
炸魚 ... 差到呢 ... 炸完之後佢個皮完全離晒 ... 雪味很重 ~
我不知道正常的all day breakfast 的waffle 是否應該甜 ?
但係...我唔鐘意佢係甜 ~ 或者因為佢呢度主打係甜品 ~
所以整o既漿都已經係甜 ~ 就沒有改變佢為咸的意慾了吧 ?
附上的菜 很不新鮮 ...
完了 ! 

蒲台島

好似好耐無郊遊啦 ... 對上一次 ~ 可能就係日本旅行 ~

今次係去島啦 ~ 0840 約左友人係cwb kfc 食個豐富早餐再出發 ~

唔開心囉 ... 佢個雞扒好似修左身咁 ~ 好細塊 !! 唔開心呀 !!

係cwb 搭40 號小巴入赤柱 ~ 係赤柱廣場 落 ... 去taste 買左小小野 ...

之後就去碼頭等船上 ...

星期日 朝早會有2班船去 蒲台島 ... 一班係10 點 ~ 另一班係11點半 ...

翠華船運 ... 我地搭10點果班 ... 已經好多人等緊 ~ 來回40 蚊 ~

上到船後有叔叔會埋黎收錢 ~ 仲會俾返張回程飛 ~ keep 住回程用 ~

網上睇大約要1個鐘船程 ~ 不過應該3x 分鐘左右就到lu ~

在碼頭落船時突然堆住左好多人 ~ 應該有d 係另外跟團人士 咁岩時間落船 ~

係碼頭亦有一檔小販賣野 ~ 有種叫相思茶 ~ 唔知係咩黎呢 ...

看一看地圖大約的位置 就出發了 ~ 經過有2~3間小鋪 ~ 都係賣公仔麵 ~ 飲品 ...

原來呢度係出名紫菜的 ~ d鋪頭 公仔麵會加d 紫菜 ~ 走前一定要試下 ...

全個島應該得一個公眾廁所 ~ 係酒樓後面 ~ 其他的都係流動 ...

點解叫旱廁 ? 友人話係因為無水沖廁 ... 好叻 ~ 應該係 ...

 

村民曬o既魷魚 同 咸魚 ... 有好大隻唔知咩係好大隻魷魚上面 ...

呢張拍攝手法同技術唔太好 ... 指ma 又無望鏡頭 ...

呢舊係唔知咩石 ... 好似係出名 ~ 行到去天后廟的盡頭 會見到 ~

其實行到天后廟已經係盡頭 ~ 於是我地就行回頭路 ...

「 第 三 段 」 山 路要 1 3/4 小時先行完 ~ 仲寫住 崎嶇路 ~ 所以我們放棄了

我地行返去碼頭的另一邊 ~ 再行過 ... 友人話想上燈塔 ~

每個島都有特別的小屋 ... 角度拍得不好 ~

友人說很特別 ~ 這個島都有好多 地上仙人掌 ...

唯一的海鮮酒家 ...

原本我地係沿「 第 一 段 」 路 上山 ~ 但見到有對情侶落黎 ~ 佢地話行到一半就回頭 ...

所以我地行左幾級就放棄 ~ 落去問 小店 老闆娘 點去燈塔 ~
佢話上山就會耐d ~ 講左幾次會經過鬼屋 ... hahahah ...

佢教我地行另一邊 ~ 唔好上山行 ~ 就會到 ... 於是我地就沿佢教的路行去燈塔 ~

行過小小就會見到呢間坤記士多 ~ 依佢指o既方向行 ... 就會行到去燈塔了 ~

呢邊應該係特登起左一條路出黎俾人行過去 ~ 見到個牌 寫住1999 年完工 ~
咁耐之前 ... 但都仲keep得好似幾新下條路 ...

好大遍呢D到底係咩黎 ?

上到山頂 ... 友人們就說不如係度野餐 ~ 於是我地就成為景點之一了 ~
我地坐左係山頂涼亭側邊野 ... 全部都係友人們的準備 ~ 很好：)
其實我個早餐仲未消化好 ... 好很飽 ~! 所以無咩點食 ... 食左個葡撻啦 ~ HA ..
我地坐係呢個位 ... 面對住個海 ~ 其實好舒服 ~ 但間唔中有D曬 ... 同大風 ~

咁岩有一團人經過 ~ 我偷聽到導遊講呢舊石 叫 懶豬石 ~ haha ...
我發現自己唔記得影果舊 靈龜 ... 好差 ：(

離遠見到燈塔 ~ 好多人坐左係度食野 ... 應該係跟團人士~

有人黎wild camp ... 但係我覺得呢個位好唔方便 ... 距離水源太遠 ~ 又無廁所 ...

呢位先生很有型 =.=

係島o既周圍都泊左好多遊艇 ~ 離遠都見到好多比堅尼 ：D

燈塔 了 ~

我地岩岩就係行呢條路黎到燈塔呢邊 ~ 望覺得好似好遠 ... 但其實OK 唔太遠 ~

呢度係再落去的 ~ 我係唔會落啦 ...

佛手崖 .. 真係好似一隻手 ~!

D 人真係好無公德心 ... 點解可以咁多垃圾 !!!

我地由涼亭 上到燈塔 ~ 再係另一邊落返山 ~ 然後 沿返岩先好新果條路 去碼頭 ~
其實都係同一條路 ~ 但我行到某個位 ... 唔知係咪開始攰同餓 ~
又突然覺得好眼訓 ... 之後去到有小小沙石路的小斜路 ...
就咁就跣左一野 ... 屎忽好痛 ~ 而且我落地時用手 落 ... 隻手好似扭傷左 ~
而另一隻手就拎住個電話 ... 我第一時間望下有無事 ~ 勁驚 ... 佢出左世一個禮拜咋 !!

呢張相係為左試機而拍 ... 好彩無事咋 !!!

之後我地就去食野 ...

呢個位風景好好 ... 好舒服咁 !

呢個算係 每個島都要必吃的東西麻 ? 餐蛋麵 ... YEAH !

但佢加左紫菜 ~ D 紫菜好新鮮 ...
然後我係隔離鋪買左包拎回家 ~ 仲未食 ... 唔知得唔得呢 !

最後我地搭3點船離開 ... 其實如果我地上埋山行鬼屋都仲夠時間 ~
不過懶懶的不想行太多呢 !~!
返到出赤柱第一時間就去星巴克 ~ YEAH !