澳門一天遊 *

今日同友人相約澳門一天遊 ~ 目的是為了慶祝我的生日 ~

我真的很感動 ~ 友人對我太好 ... 我覺得自己無以為報的 ~

約左0930係中港城等 ~ 諗住買1000船飛 ...

金光飛航生日月份有優惠 228 一個人 ~ 好抵 ...

但可惜1000已FULL ... 仲要全日得一班去外港碼頭 ~

於是我地唯有買1100 ... 去氹仔碼頭吧啦 ~

而返黎得尾班1730到中港城 =.= 無奈的我們就買2300 返上環吧 =.=

我地仲有成個半鐘 ... 於是就行左去金馬輪道間KFC 食個早餐吧 ...

然後就出發我地一日o既行程啦 ~

呢程船 ... 勁慢 ~ 我未試過要搭1.5個鐘先到 ... 好似係第一次 ~ 點解會咁 !!

係氹仔落船就係要行呢條又長又大風o既路 ~ 同埋走又唔方便呢 !!!

12點半先落船 ... 申請自助過關真係好重要 ~ 好多人排隊 過關 ...

我地本身想去熊貓館 ~ 但問姐姐要坐咩巴士去的時候 ~

姐姐話26號 ... 不過1300~1400 食lunch wor ... 我心諗 ... 巴士都會有食晏時間?

朋友話 ... 係熊貓食呀 =.= 哦 ~ 跟住朋友話食完晏熊貓淨係訓覺唔好睇 ~

於是我地就放棄了 ~ 我地就去威尼斯人睇冰展 ~

聖誕樹也很光 ...

我唔明點解一個豬扒包要咁貴 ...

其實個假天空真係好靚 ...

行去呢個金光咩咩F 館 ... 我覺得應該要有架果D高爾夫球車囉 ~

果條路 ... 幾咁很要長呢 ~ 我偷聽到放飯D職員都不停講條路好長~

之後買飛入場 ... MOP 100 ~ 其實黎到澳門多數用港紙 ... 不過有D蝕 ...

然後開始時仲覺得唔需要著佢果件大褸 ~ 因為都覺得唔多凍 ...

但係其實未入到場的 ~ 最後 ... 一入到去 ~~ 嘩 !! 凍到呢 !!! -.-

一入去就有聖誕老人迎接我地 ~ 超靚呀 ... 我無諗過佢係會有顏色 ~

因為之前睇過香港有個 ... 都只係一舊舊冰咁 ~ 無咩特別 ...

呢個係果朵蓮花同大三巴 ... 都係冰黎架 !!

跟住入到去 就分開左一個個卡通故事 ~ 其實好多都唔識 ...

功夫熊貓 ... 其實我都無睇過 ~

呢個象牙係用一舊冰頂住架 !! 好勁 呀 ...!!!

荒失失奇兵 ... 有長滑梯架 !! 但朋友玩完之後係咁話好驚好驚 ... 所以我無玩 =.=

史力加 ... 超靚 ~

呢個係d 小朋友畫完畫俾人雕返落舊冰度 ...

呢幅畫好得意 ... 好靚 ... 其實仲有好多好靚 的 !!!

越來越凍 ~ 其實行左唔係太耐 ... 不過已經夠 ~ 再唔走會凍死 !!!

之後又行返好長好長果條路出去 ~ 過左金沙城 ... 兜個圈 ~ 無咩特別 ...

係行去金沙城果度 ... 有姚明個掌印 ... 佢隻手好大好大好大隻 !!!

其實行去果條路都幾遠呢 ...

其實所有商場來來去去都係一D名牌店 ~ 根本我呢D凡人係唔會買的 ~

呢個噴水其實係會有字 ~ water screen ... 不過我呢個位望得唔清楚 ...

要搭夫手lift 先見到寫住咩 ...

之後我地又行去新濠 .. 玩左陣老虎機 ~ 就搭shuttle bus 落左官也街 ...

係官也街 ~ 食左大利來豬扒包 ... 佢明明之前話呢個位係僭建 犯法的 ~ 依家又開返 ~

其實真心覺得 ... 呢間野d豬扒包越來越差 ... 第一次黎食真係好好 ~

但係越食越差 ... 豬扒好un ~ 包不夠軟熟 ...

之後本身打算淨係食埋木槺布丁 就算 ~ 不過我記得有間茶仔好多人食 ...

又未食過 ... 想試下 ~ 所以就問下友人好不好 ~ 於是就入左去 ... 興記 ~

好似牛尾湯底的通粉好吸引 ~ 所以叫左左牛腩牛尾通試下 ~

友人話見好多人食意粉 ~ 咁就試多個雞扒意 ~ (要記得同佢講要細定大 ~ 無講多數俾大)

牛尾通真的很好吃 ~ 個湯底很濃味 ... 唔錯唔錯 ~ 意粉則一般 !

 

食飽飽再食埋個布丁 ~ 其實已經好飽 ... 但3個幾鐘後又要食buffet ...

其實我地太晏黎啦 ... 所以可以行的地方不是太多 ~

跟住我地就搭33號巴士 出返新馬路果邊 ~

羅信記車仔~間間鉅記門口都有 ...

出到去 ... 去左十月初五街 ~ 友人先買手信 ~ 然後我地再行下大三巴 後面果d 街 ~

 係議事庭前地有好大範圍裝飾 ... 好多人影相 ~

郵局上的雪人很可愛：)

其實都係hea 住過時間 ~ 我地book左2030 食自助山 ~ 我一直以為係葡京 ~

入去問先知原來係新葡京 ~ 我地仲好無聊咁上去兜左個圈 ~ 睇佢有咩食 ...

感覺上也都幾多 ... 不錯不錯 ...

之後無無聊聊又唔想再賭錢 ~ 於是就去搵下有無巴士食完可以搭返去氹仔碼頭 ~ 係無的 ...

之後我地玩完一輪就上返去自助山 ~ 嘩 ... 已經有一堆人係度排隊啦 ~

等左大約3個字 ... 2032 先開始 入得 ~ 遲左囉 !! 阻住我食野 !!

等緊o既時候其實已經一早派定飛仔寫埋台號係幾多 ... 好方便 ~

可能因為友人早book位 ~ 我地好lucky 咁坐係生蠔同魚生附近 ...

之後我立即放低袋就衝左過去 ~ 如果我遲小小都已經勁長龍 ...

我好感動 ... 友人讓我出去先 ~ 因為佢唔食生野的 !

頭盤 ~ 生蠔很細 ~ 不算肥美 ~ 魚生也只是一般 ...

熟野 ~ 有鮑魚仔呀 ~ 都幾好味 ... 每人每次都可以分到兩隻 ~ 不過我拎得一轉 ...

我覺得個炸蝦天婦羅係最正 ~ 因為果個人即炸即放係度 ~ 超熱辣辣 ~ 同埋隻蝦都幾大隻 ~

乳豬果D燒味就麻麻 ~ 個皮都唔脆 ~

灼蝦 ~ 看似好大隻 ~ 但得個頭大 ~ 拆完殼好似好細隻無咩肉食 ~
不過佢係側邊游游下水就俾煮了來吃 ~ 好可憐 !

吃一碟沙律菜 ~ 還有一堆煙三文魚 ... 都是一般 ~
但最後發現拎得太多煙三文魚 ... 要浪費小小 ... 很差：(

呢個餃很可愛 ... 不過我無食 ~ 因為好似不會好吃：P

再來幾隻天婦羅蝦 ...

除左個天婦羅 ~ 全晚我覺得最好味就係呢個冬蔭公 ~ 佢勁辣 ~ 好夠味 ...
飲完個喉嚨有種灼熱o既感覺 ~ 勁正 ...

最後甜品生果 ~ 好白痴 ... 我拎左個熱o既碟去放 ~ 然後 ... d 糕都溶了一點點 ~
但係佢有D係杏汁糕 ~ 不喜歡吃 ... 椰汁比較好 ~

最後的雪糕 ...

我食到個肚就黎爆咁滯 ~ 其實有點痛苦 =.=
睇返D相先覺得自己吃了這樣多 ... 好可怕 ! 咩肚黎架 ?

之後我地搭的士過氹仔 ... 我以為起碼 100 ~ 但原來只係50幾蚊 ~ 好抵 ...

不過最差係 ... 個司機最後找返葡紙俾我 ~ 我都走啦 ... 頂佢個制 =.=

再見澳門 ...