黑門市場 ~ 然後回港了 ~

今日一早就去到黑門市場 ... 果然係咩都未開 ~

我地周圍行 ... 得一間餐廳開左門 ~

不過其實仲未準備好 ~ 有另一台都係香港人 ...

然後叫野食 ... 媽不停話佢個拉麵好食 ...

不過我個飯都比我想像中好呢 ~

食飽飽就慢慢行返酒店執埋行李 出發去機場LU ~

呢個KINTETSU PASS 真係好抵 ~ 又再一次可以用黎搭車了 ....

1040 南海難波  --- 南海本線空港急行(関西空港行 --- 1127 関西空港 (PASS 利用 ￥890)

去到機場 ... 已經有好多人CHECK IN ...

好可惜 ... 我地太遲 ~ 所以已經勁多人 ... 無得一齊坐 ~

CHECK 完IN 寄晒行李 ... 就自由活動 ~

我去左LAWSON 買便當食 ... 意粉真係好好味呢 ~~

到咁上下就入閘 ... 再見啦日本 ~ 我唔知幾時再黎呢 ~

應該會好快 ... YEHA !

新春初雪 @ 湯の山 ~ 回到城市 @ 大阪

今朝早餐係旅館o既buffet ... 好多野食架都 ~

味道也不錯 ... 大家吃個飽飽就要立即收拾行李 ~

然後行過隔離o既纜車站啦 ~

一早起身就望到有雪啦 ... 好感恩 !

因為纜車開0900 ... 其實我地090x 都已經到 ~

當時係人都無一個 ... 大家當然覺得好古怪 ~

到底呢個係咩地方 ...

御在所ロープウエイ ￥1,800 往復 ~ (*** 旅館買有折)

搭纜車o既時候仲落雪添 ~ 其實真係好感恩 ~

因為前幾日無落雪 ~ 係無樹冰睇 ...

我黎o既目的都係睇樹冰 ~

一出到去 ... 其實都係無人 ~ 不過見到有雪鞋換大家都覺得好貼心 ~

** 藍色的就是雪鞋 ~

之後沿途都係無咩人 ~ 得一兩個 ...

因為爸爸病 ~ 腳又不好 ... 所以就無繼續行出去 ~

留左係入面等我地 ... 我地就慢慢行落去 ~

雖然有雪鞋 ... 但係隻腳其實勁凍 ~ 個腳板底好凍 ~

睇完樹冰 之後我地就返轉頭走 ~ 人就開始多啦 ...

仲要係一個外國人都無 ~ 好開心 ：)

落到山之後 我地就返旅館拎行李 ~ 搭旅館車落返車站 ~

因為落雪 ~ d 車都遲左小小呢 ~

1200 湯の山温泉 --- 近鉄湯の山線(近鉄四日市行) --- 1225 近鉄四日市

轉

1259 近鉄四日市 --- 近鉄特急(大阪難波行) --- 1449 大阪難波

(PASS 利用 : ￥2,100/ 由於特急卷之前已經用晒 ~ 所以今次要俾特急 ￥1,560)

買定野食上車食 ~ 最愛吃炸雞 與意粉 便當 ~ おいしかった！

之後訓下咁 ... 差唔多3個鐘o既車程就返到黎大多o既難波了 ~

搵酒店都搵左一陣 ~ 兜來兜去 ...

到左之後 ... 食完岩岩買的蛋糕 ~ 就出發食拉面 ~

蛋糕好好味呀 !!!!!!!!!!!

四天王 ... 好想去返上次果間拉面 ~ 不過要搭車去另一個站 ~

食飽飽 ... 其實本身話去睇燈 ~ 但又要俾車錢同入場 ~

最後 ... 我好衰咁 ~ 掉低父母 ... 同家姐兩個行街 + 睇燈 ~

父母 同 E 就係心齋橋遊走 ....

我首先自己跑去JOHNNY'S SHOP ... 每次必去的地方 ~

然後就會合家姐 ... 落左梅田 ~ 去熊店 ~ 紀伊國 ...

跟住再買左個samantha 銀包 ~

由於shopping 時間 太耐 ~ 最後都係無去到睇燈 ~

算啦 ... 今個旅程都已經睇左一次 ~

往復梅田 --- 難波 ￥460

返難波會合返父母之後 本身帶佢地行 ドンキ ~

但去到門口佢地已經不感興趣 ... 好差 ~

所以就去食お好み焼き ~ 要等位 ...

係等位期間 ... 我立即去藥房 掃貨 ~

掃完貨 ... 等多陣就有得食啦 ~

不過兩老好似唔多鐘意食咁 ... HA ~

食完 ...返左上酒店放低一堆戰利品 ~ 我又去唱K 了 ~

唱完K 回酒店 ... 努力執行李 ~

因為今次帶左個細喼 ... 但買左勁多野 ~

又驚超重 ... 得15KGS ... 於是努力執執執 ...

到2點先執完 ....

松阪士多啤梨園 + 瘋狂購物 @ AEON + 溫泉 @ 湯の山

今日離開住了3天的酒店 ~ 出發去溫泉 ...

最後一天的早餐 ~ 也不錯哦 ~

去溫泉之前就會去附近的士多啤梨園 摘士多啤梨 ...

個士多啤梨園其實都幾遠 ... 要搭差唔多半個鐘巴士先到 ~

架巴士仲要一日得4班 ...

0845 松阪駅前 ---- 三重バス ---- 0915ぐらい 浜口農園前 (PASS 利用　￥420)

黎到落車呢個位 ... 又係時候依靠偉大o既GPS ...

唔係真係完全搵唔到囉 ~ 佢係中間有一條小路行入去 ....

四周都無野 ... 連人都無 ~

之後見到有個研修 中心o既物體 ... 問左人 ~ 終於搵到啦 ...

初先以為係好大 ... 原來只係細細個 園 ~ 不過都已經夠我地食啦 !

￥1,600 いちご狩り食べ放題 ~

    

然後就開始不停又摘又食 ~ 又摘又食啦 ~

大家都好勁 ... 食左勁多 ~ 又甜又好味 ...

不過反而好似越細粒越好味咁 ...

食到飽飽的 ... 本身話去對面個松阪農業公園 ~

但大家都好似無咩興趣咁 ... 所以就改變行程 ~

去岩先搭巴士經過的POWER CENTRE SHOPPING ~ 有好大間AEON ...

叫左士多啤梨園o既 職員幫我地call 的士 ~

大約 ￥1,600 ... 5人 坐一轉 ~ 咁都幾抵呀 !

跟住就開始4小時瘋狂大購物 ...

呢度有超市 ~ 衫 ~ 化妝品 ~ 電器買 ...

我估其實係俾居民黎多 ...

d 衫 勁平 ... 好抵 ~ 無新 ... 但真係好抵 ~ 所以無所謂 ...

其實成4個鐘係度行 ... 真係好多時間 ~

我地行到12點幾已經係超市買晒魚生咁坐係門口食 ~

跟住等巴士返去松阪車站 ...

1415 パワーセンター松阪 --- 三重バス --- 1425 松阪駅前

返到去 ... 就返酒店拎返行李 ~ 然後就出發去溫泉了 ~

1458 松阪 --- 近鉄山田線急行(近鉄名古屋行) --- 1552 近鉄四日市

轉

1608 近鉄四日市 --- 近鉄湯の山線(湯の山温泉行) --- 1634 湯の山温泉

(PASS 利用 ￥1,100)

因為約左旅館o既車 1700 ... 所以到左之後就要捱陣冷等車黎 ~

原來路程都起碼要十分鐘 ... 好彩有叫旅館送咋 ...

到左之後 ... 就安排入房 ~

因為今次都係一齊堆係一間房 ~ 所以間房都係無敵大間 ~

由於旅館o既露天溫泉 同 室內係唔同位置 ~

我趁天光就拿拿聲去 露天凍一凍先 ~

嘩 .... 呢個位可以望到名古屋o既夜景 ~ 好舒服 ...

18xx 左右 旅館就準備好晚餐俾我地 ~ 我地就係隔離房食啦 ~

我望住個mean 覺得 好怪 ... 我明明訂龍蝦餐 ... 點解無寫有龍蝦 ~

之後食到咁上下 ... 我就問d 職員 ...

佢就咁答我 ... 因為買唔到所以轉左蟹 ...

下 ...... 我勁問 ~ 又唔係太聽得明 ~

之後叫左拎一個高級日本妹黎解釋 ... 我問左佢勁多次終於叫做明小小~

話因為上年好多外國龍蝦入口 ~ 真正係日本產o既唔多 ~

令到市面d 龍蝦價格上升 ... 所以唔再賣俾店鋪 ~

淨係賣俾街客 ... 於是佢地就入唔到龍蝦 ~

不過最奇怪係佢話有send email 俾我 ~ 但我無收過囉 ...

唉 ... 令人好傷心 ~ 無龍蝦食 ~ 仲要黎隻蟹係唔好食 ~

上次去宇奈月好食好多囉 ...

食飽飽 ... 又沖多次涼 ~

呢度有卡拉ok 唱 ... 但好可惜 ~ 係好似舞廳果d ... 要輪住唱 ~ 好差 ...

之後我放棄了 ... 就上房 ~

夜晚 突然間好大雪 ~  好驚聽日走唔到 ...