Arashi Live Tour 2013 "LOVE"

2013 年 10 月 3 日 ... 原本係一個勁緊張o既日子 !
上次アラフェス等到差唔多香港時間5點先有email 知結果 ...
以為今次LIVE 都係咁 ... 點知 ~ 一路等 ... 等 ... 等 ...
到收工都未有 ... 好差成件事 !!!
夜晚都有KEEP 住留意TWITTER ~ 睇下有無人話收到通知 !~

最後 ... 發左幾個夢 ... 就到了10 月 4日了

這一天 ... 又在等 ~ 等到有時無咩感覺 ... 有時又好緊張 ... 已經痴線了麻 ?

好啦 ... 結果還是好像在香港時間5點發了 ~
可惜 ... 我一直都無 收到 ~!
然後有流傳 ... 唔知定真 ~ 話 東京同福岡要10月17日先公佈 !!

其實呢兩日我都已經講左好多句粗口 ~ 不停鬧 !

到底點解要咁耐 ??
不過人家咁大個事務局 ... 鐘意玩下你地班粉絲仔~吹咩...?

鬼叫佢地咁紅咩 ! 唉 ...

最後我回家看到會員PAGE 的確寫住 ....

成年事 ... 變到好差了 ~!
還要等多13 天 ... 13 天 好耐呀 !!!!!!!!!

網上亦都立即有傳聞指~今次遲左一日先公佈結果 ...
係因為要引D 炒飛o既人出黎 ...
呢件事 ... 真的很可怕哦 !!!

唉 ... 如果我真係中 ~ 希望到時仲有平機票去東京啦 !!!

千江雪 (日式放題)

2013 年 10 月 3 日 ... DINNER @ 尖沙咀

今天其實係家姐生日 ... 佢又請我地小家庭出去食一餐 ... 很好：)

媽媽看見雜誌呢間野長者有優惠 ~ 而且仲生日有野送添 ...
於是就打左去BOOK ...
不過到最後我地只係要左個長者優惠 ~ 都唔記得左有野送 ：P

然後我收工去緊果時 ... 父親打黎話到左樓下~
但樓下"松山" ~ 又係食放題的派紙姐姐話呢間唔好食~
我話 ... 搶生意咋 ? 佢梗係話佢唔好食啦 ... hahahaha !!!

最後我地都上左黎 ... 不過可能仲早 ~ 無咩人 ...

我地叫o既野都好快到 ..

媽媽話蟹子沙律好好味 .. 叫左兩次 ~ 但我好似一次都無食過 =.=

芝麻豆腐沙律 ... d 菜 好唔新鮮

刺身甜蝦其實幾好味 .. 但係要自己剥殼囉 ~ 太差 ~ 所以叫左一次就無再叫 .

其他三文魚 ~ 油甘魚 帶子 都ok ... 正常 ~ 唔太差 ...

另外溫泉蛋其實如果有多一淡飯用黎送就好啦：P

炸物 .. 蟹鉗同帶子 ~ 好似係用同一舊粉團做的~ HA ... 不過應該都係雪藏野黎 ~

然後 天婦羅蝦很不錯哦 ~ 雖然細隻 ... 不過都好似幾新鮮 ...

炸蠔都唔錯呀 ~ 至少唔係炸蠔屎 ~
另外我地book 位佢會送一個焗蠔 ~ 果個先係蠔屎 ~ 同埋唔多好食 ~ 好腥 !

燒物 的羊架 ... 家姐話好好味~因為夠"SO" ~ 不過我覺得好多肥膏 ~

燒菠蘿都唔錯呢 ~ 雞亦有D多酒 ... 一口牛都幾好 ~

煮硯就好流啦 ~ 因為 好似殼多過肉 ~ HA ...

另外仲有雪糕甜品 ~ 係阿波羅 ... 果然係無咁好食的：P

其實我覺得間間食放題 ~ 種類同質素都係差唔多 ~ 

當然都有D 係好難食架啦 ... 不過基本上都係一般 ~
所以食完一次都可以唔使返轉頭 ~ 可以試過第間 ~
同埋依家D放題都真係好貴 ... 起碼 200 蚊一位 ~
不過我地有長者 ~ 同埋 食個半鐘 ... 最後128 x 2 + 168 x 2 再加一 埋單 ~

呢度有個男仔待應幾好~幾有禮貌 ...

但係有個女人 ~ 4眼 ... 就唔係太好啦~
雖然埋單果時佢每講一句說話都好似好有禮貌咁~
但佢成個樣係勁不爽 ~
因為埋單佢本身收我地2個鐘價錢 要 208 ~ 但我地話食個半鐘 ...
佢就好不爽咁 講 ... 咁我幫你地改返啦 ~ 你地依家要走架啦 ..
ha ... 不過算吧 ~ 在香港一向都係咁 ~

抹茶館

2013 年 9月30日 飯後甜品 @ 屯門市廣場

這一天要STOCK TAKE ... 夜晚就叫友人黎屯門~
諗住睇戲 ~ 點知無戲想睇 ... 好差：(

然後吃完一壽司 ~ 好想食甜品 ... 想起這間 ...
呀 ... 早知直接黎呢度食個飽飯啦~ ~

依家食甜品其實都好貴 ... 好似40~50 蚊先一個甜品~
但其實一個甜品足以飽肚 ~ 好似食左一個飯咁 ~

呢度主打抹茶 ... 我叫左呢個好似叫銅鑼燒 ...
感覺係類似PANCAKE 配上抹茶雪糕 ... 再加D CREAM ... 小丸子 等 !

佢果個抹茶雪糕 ~ 好濃o既抹茶味道 ~ 一d都唔呃人 ...
同埋佢濃得黎又唔會有d 苦 ~ 加上唔算甜 ~ 都幾好 ...
佢個pancake ... 唔太甜 ~ 不過較為硬身 ... 好實淨 ~
可能就係因為咁所以叫銅鑼燒 ?
佢粒小丸子 (白色果2粒) ~ 雖然無咩味 ... 正常吧 ~ 但好"煙un" ~

同埋佢仲有pat 抹茶cream 都好有抹茶味 ... 到底係點整架呢 ~ ?
打得好滑 ... 又唔會有d粉狀o既感覺 ~ 很好：)

呢個係友人叫的 ... 名字已忘了 ~
佢個雪糕同我果個唔同 ... 佢呢個係新地~
一樣都好有抹茶o既味道 ... 正 !!

另外佢仲有杯茶 ... 呢杯茶係無得加添 ~ 要好好珍惜 !

埋單差不多120 蚊 ... 其實 ....... 都真係幾貴 !
可以食個飯lu ~