HeSheEat

離開左荃灣之後 ~ 就去左MK 食甜品 ~
呢間鋪食字 好勁 ... HE SHE EAT ... 正 ~
我覺得諗到呢個名o既人好聰明 ...

差唔多晚上11點半先到 ~ 等左大約半個鐘先有位 ...
12點幾食甜品 ~ 幾耐無試過呢 ? 勁肥仔 ...

呢度出名是奶凍 ... 好似 ~ 但我叫左個芒果拿破崙 ...

其實依家食甜品o既價錢已經可以=食正餐 ~ 好貴 ... 有一半應該係俾鋪租 ~

係香港生活越來越艱難呢 ~

呢盞燈在我的頭頂上 ... 如果我高多一點點 ... 應該會撞死了 ~

有兩層 ... 唔知上面設計係點呢 ~? 不過全鋪都係用呢d 燈 ... 都幾靚 ...

我的拿破崙 ... 我有小小後悔 ~ 佢會唔會隻碟太大 ?
同埋係咪應該俾人食左一半 ? 52 蚊 就是如此份量 ?
我都話有一半係俾鋪租架啦 ...

我估芒果肉都有 一隻手掌數得晒咁多粒啦 ~
個酥皮是ok 的 ... 然後雪糕係有果肉 ~ 算佢啦 ~
但它真是太細了 ~ 同埋 佢應該寫係芒果粒拿破崙 囉 ~ 唉 !

友人叫的士多啤梨 "熱香餅 " ~ 等左好耐 ...
我諗 係咪趕住收工 ~ 所以焗到好似唔多熟咁 ~
佢入面好 似水份太重 ~ 一d 都唔好吃 ~ 好軟綿綿 ~ 唔係實的的 ... 不喜歡 !

  

這個是比較好吃的了 ~ 柚子香橙凍 ...  個"姐李" 比較清新 ~ 唔太甜 ~

我覺係係張單度呢個 野很貼心 ~ 也很有創意 ... 是我最喜歡的 ~
唯獨價錢不太喜歡：P

荃豐撈麵

入荃灣是要看我的豬 ... 聖誕節就到 ~ (其實仲有成個幾月~)
然後各大商場都會有燈飾展出 ~ 係city walk 就有 麥豬 ~
ha ... 今晚仲有吳唱k 同 胡囧囧 亮燈添 ~
很可惜 是 ... 食蕉叔叔話今天晚上 不作開放 ! 去死吧 =.=

要吃平東西 ... 由city walk 行去荃豐是多麼的遙遠 ~
撈麵 ... 是營多撈麵 ~ 其實我自己一次都無煮過營多 吃 ~
呢度有 d set 可以選擇 ~ 亦都可以好似車仔麵咁自己揀送 ~
任君選擇 ... 我就自己揀送 ~
由於唔見左SD 卡 ... 相片係由友人提供 ~ 多謝 ...

我揀左 3送 1份麵 ... 可以揀2份麵 ~ 不過我好飽 ... 一份夠了 ~
我叫左 西蘭花 ~ 奄列 同雞扒 ...

呢個係友人的 ~ 用作參考 ...
我覺得 ... 個麵勁味精 ~ 不過也屬正常吧 ~ 食完勁口乾 ~ 要不停飲水 ~

我叫雞扒 ... 佢從中夾雜左2塊豬扒俾我 ~ 我唔開心 ...
雞同豬都好乾 ... 好有UN 度  =.=

奄列 ... 好實淨  ~ 好大塊 ~
西蘭花 IS GOOD ~ 因為我覺得呢D 多數都係白烚 ~
但佢搵蒜炒過 ... 一點也不HEA ~

呢度唯一o既好處就係送很多 ~ 吃送都飽了 ~
加多包野飲都36 蚊lu ~

又一年要續會了 ~~~~

年頭第一次加入arashi 粉絲會 ... 以為點都有一絲希望抽中飛 ...
但好可惜 ... 失敗 了 ~ 我會再接再厲 ...
J FAN 排左一年隊都抽唔中入會 ~ 仲要成1,4xx ... 食水未勉太深 ~
然後同事介紹左一個叫阿葛 ... 收 7xx  ~ 平成半囉 ...
不過我覺得 ... ~ 我都只係 要佢個地址 ~ 其他都係自己攪 ... 一年最多收3~4份會報 ~
但又唔可以話人地收你咁貴 ... 因為你係求人做野~ 唔使錢咩 ~
所以呢個世上係無免費午餐的 ~ 但今次 ... 我決定要尋找免費午餐~
事緣係 會籍係14年1月到期 ~ 我問阿葛續會收幾多 ~
￥4,000 一年 ~ 依家對7x ... 我對10俾佢都係 400 姐 ..
但佢收我530 囉 ~ 即使我一年有10份會報 ~ 每份 都收我20 蚊郵費 ...
仲要係我自己去拎而唔係寄上門 ~ 唉 .. 我真係覺得好貴 ~
所以 ... 我只好求助日本的朋友 ~ 好感動 ... 佢肯幫我 ~
我真係覺得 ... 日本人好鐘意幫人 ~
我諗緊到底我要送返d咩俾佢感謝佢好 ~