Ocio ~~~

朋友本身想食豚王 ~ 但行完山已經好攰 ...

估唔到星期日 + 上開左一蘭都要排咁長 ~

所以我地就行過隔離間鋪食 ... 之前係舊BLOG 好似有寫過呢間的waffle ...

今次試下佢地o既主食 ... 但係原來選擇不多 ~

而且沒有set ... 感覺唔太抵 ~

同友人叫左一人一份 野食 ~ SHARE 食 ...

Carbonara ... 我不喜歡有這麼多青椒 ~ 因為不愛吃 ...
味道不錯 ~ 很creamery 的 ~ 洋蔥也很多 ...

這個all day breakfast
炸魚 ... 差到呢 ... 炸完之後佢個皮完全離晒 ... 雪味很重 ~
我不知道正常的all day breakfast 的waffle 是否應該甜 ?
但係...我唔鐘意佢係甜 ~ 或者因為佢呢度主打係甜品 ~
所以整o既漿都已經係甜 ~ 就沒有改變佢為咸的意慾了吧 ?
附上的菜 很不新鮮 ...
完了 ! 

蒲台島

好似好耐無郊遊啦 ... 對上一次 ~ 可能就係日本旅行 ~

今次係去島啦 ~ 0840 約左友人係cwb kfc 食個豐富早餐再出發 ~

唔開心囉 ... 佢個雞扒好似修左身咁 ~ 好細塊 !! 唔開心呀 !!

係cwb 搭40 號小巴入赤柱 ~ 係赤柱廣場 落 ... 去taste 買左小小野 ...

之後就去碼頭等船上 ...

星期日 朝早會有2班船去 蒲台島 ... 一班係10 點 ~ 另一班係11點半 ...

翠華船運 ... 我地搭10點果班 ... 已經好多人等緊 ~ 來回40 蚊 ~

上到船後有叔叔會埋黎收錢 ~ 仲會俾返張回程飛 ~ keep 住回程用 ~

網上睇大約要1個鐘船程 ~ 不過應該3x 分鐘左右就到lu ~

在碼頭落船時突然堆住左好多人 ~ 應該有d 係另外跟團人士 咁岩時間落船 ~

係碼頭亦有一檔小販賣野 ~ 有種叫相思茶 ~ 唔知係咩黎呢 ...

看一看地圖大約的位置 就出發了 ~ 經過有2~3間小鋪 ~ 都係賣公仔麵 ~ 飲品 ...

原來呢度係出名紫菜的 ~ d鋪頭 公仔麵會加d 紫菜 ~ 走前一定要試下 ...

全個島應該得一個公眾廁所 ~ 係酒樓後面 ~ 其他的都係流動 ...

點解叫旱廁 ? 友人話係因為無水沖廁 ... 好叻 ~ 應該係 ...

 

村民曬o既魷魚 同 咸魚 ... 有好大隻唔知咩係好大隻魷魚上面 ...

呢張拍攝手法同技術唔太好 ... 指ma 又無望鏡頭 ...

呢舊係唔知咩石 ... 好似係出名 ~ 行到去天后廟的盡頭 會見到 ~

其實行到天后廟已經係盡頭 ~ 於是我地就行回頭路 ...

「 第 三 段 」 山 路要 1 3/4 小時先行完 ~ 仲寫住 崎嶇路 ~ 所以我們放棄了

我地行返去碼頭的另一邊 ~ 再行過 ... 友人話想上燈塔 ~

每個島都有特別的小屋 ... 角度拍得不好 ~

友人說很特別 ~ 這個島都有好多 地上仙人掌 ...

唯一的海鮮酒家 ...

原本我地係沿「 第 一 段 」 路 上山 ~ 但見到有對情侶落黎 ~ 佢地話行到一半就回頭 ...

所以我地行左幾級就放棄 ~ 落去問 小店 老闆娘 點去燈塔 ~
佢話上山就會耐d ~ 講左幾次會經過鬼屋 ... hahahah ...

佢教我地行另一邊 ~ 唔好上山行 ~ 就會到 ... 於是我地就沿佢教的路行去燈塔 ~

行過小小就會見到呢間坤記士多 ~ 依佢指o既方向行 ... 就會行到去燈塔了 ~

呢邊應該係特登起左一條路出黎俾人行過去 ~ 見到個牌 寫住1999 年完工 ~
咁耐之前 ... 但都仲keep得好似幾新下條路 ...

好大遍呢D到底係咩黎 ?

上到山頂 ... 友人們就說不如係度野餐 ~ 於是我地就成為景點之一了 ~
我地坐左係山頂涼亭側邊野 ... 全部都係友人們的準備 ~ 很好：)
其實我個早餐仲未消化好 ... 好很飽 ~! 所以無咩點食 ... 食左個葡撻啦 ~ HA ..
我地坐係呢個位 ... 面對住個海 ~ 其實好舒服 ~ 但間唔中有D曬 ... 同大風 ~

咁岩有一團人經過 ~ 我偷聽到導遊講呢舊石 叫 懶豬石 ~ haha ...
我發現自己唔記得影果舊 靈龜 ... 好差 ：(

離遠見到燈塔 ~ 好多人坐左係度食野 ... 應該係跟團人士~

有人黎wild camp ... 但係我覺得呢個位好唔方便 ... 距離水源太遠 ~ 又無廁所 ...

呢位先生很有型 =.=

係島o既周圍都泊左好多遊艇 ~ 離遠都見到好多比堅尼 ：D

燈塔 了 ~

我地岩岩就係行呢條路黎到燈塔呢邊 ~ 望覺得好似好遠 ... 但其實OK 唔太遠 ~

呢度係再落去的 ~ 我係唔會落啦 ...

佛手崖 .. 真係好似一隻手 ~!

D 人真係好無公德心 ... 點解可以咁多垃圾 !!!

我地由涼亭 上到燈塔 ~ 再係另一邊落返山 ~ 然後 沿返岩先好新果條路 去碼頭 ~
其實都係同一條路 ~ 但我行到某個位 ... 唔知係咪開始攰同餓 ~
又突然覺得好眼訓 ... 之後去到有小小沙石路的小斜路 ...
就咁就跣左一野 ... 屎忽好痛 ~ 而且我落地時用手 落 ... 隻手好似扭傷左 ~
而另一隻手就拎住個電話 ... 我第一時間望下有無事 ~ 勁驚 ... 佢出左世一個禮拜咋 !!

呢張相係為左試機而拍 ... 好彩無事咋 !!!

之後我地就去食野 ...

呢個位風景好好 ... 好舒服咁 !

呢個算係 每個島都要必吃的東西麻 ? 餐蛋麵 ... YEAH !

但佢加左紫菜 ~ D 紫菜好新鮮 ...
然後我係隔離鋪買左包拎回家 ~ 仲未食 ... 唔知得唔得呢 !

最後我地搭3點船離開 ... 其實如果我地上埋山行鬼屋都仲夠時間 ~
不過懶懶的不想行太多呢 !~!
返到出赤柱第一時間就去星巴克 ~ YEAH !

我這一輩子也不會再買samsung 電話了 ~

2013年 5月 19日 ~ 我買了 samsung 的 S4 ...
我覺得自己唔算係一個追新款電話o既人 ~
只係咁岩 iphone 4 已用了兩年 ~ 新合約 可以 平d 轉電話 ...
咁就換啦 ~ 當時我無諗過 ... 我同S4 o既關係 只可以維持咁短時間 ~

其實轉之前 ... 有朋友都一直提醒 ~ 三叔真係好易壞 ~
可惜 ... 我依家有感 ~ 完全係不停老人言 ~ 吃虧在眼前的感覺 !!

10月5日 ... 一個月前我已經拎過上isquare center 整 ...
當時整o既原因係 ... 長期自動熄機 ~
我係禁幾下就熄 ~ 禁幾下就熄 ... 有時連個鎖個圖都未畫到就再熄 ...
忍無可忍之下 ~ 就拎左去整 ...
果日我係下午5點 左右到 ~ 等左差唔多一個鐘先到我 ~
然後當晚係唔可以即刻拎得返 ~ 因為佢地收8點 ...
於是我第朝 一早就去拎返 ~ 果時大約 11點半吧 ~
職員叫我check 下部機 o唔ok ... 佢話洗晒d野應該無問題
我開左唔夠1分鐘 ... 佢又自動熄機 ~
好彩我屎忽未離開個位 ~ 唔係幾驚要排過隊 ~
之後 我問職員 係咪舊電有事 ... 佢答我 ~ 唔清楚 ... 可以幫你check 埋 ~
其實我唔明點解整完之後都會咁 ~ 到底有無細心咁幫我check 過係咩問題 ~

之後我等到差唔多大約點零鐘再去 ~ 職員同我講已經換左個底板 ~
到底係咩問題出事 ~ 佢只係答我 ... 可能有d apps 撞左 ~
其實 ... d apps 撞左 ~咁即係叫我唔好單勞麻 ? 咁我不如用返nokia 3310 !!!
check 過ok 無問題 ... 只係依然開左1分鐘 部機就勁熱 ~ 職員話無問題正常 ~
咁我就帶佢返屋企 ~ 希望同佢好好過 黎緊o既日子 ~

點知 ... 好景不常 ~ 係11月某一個早上 ~ 我發現佢d 電 消耗得何其快 ~
我夜晚12點差完 100 % ~ 第朝 7點 得返39 % ... 即使我關晒所有 運行中o既程式都係咁 ~
電話 ... 係要黎叫我起身架 ~ 佢咁樣食電法 ... 會令我好大壓力好擔心 ~
我試過 ... 6點醒左一醒望下個電話 ~ 要差住尿袋再訓 ... 唔係一陣無電熄機就死 ~

於是係仲有保養下 決定拎去 整多次 ...

11月10日 ... 朝早11點20分左右就到 ... 早d黎真係 快d ... 無咩人 ~
其實我淨係想佢check 下舊電有無問題 ~ 叫佢換 俾我 ...
但佢又要我 再次洗機 .... 好差囉 ~ 條友 叫 PXXXX LO ~
係我等緊過D data 落張SD 卡果時 ... 一路係佢個櫃通度篤電話 ...
OK ... 你篤還篤 ~ 都唔好黑我面同 咁明顯啦下麻 ~
算 ... 其實好想寫落客戶意見表 投訴佢 ~ 不過無謂累人無左份工 ~
我話我之前黎佢有收我舊電 ... 佢話我果張維修紙無寫 ~
食屎啦 ~ 佢真係有收囉 ~ 因為第2次條仔收先無寫之麻 !!!
之後我問佢 ... 咁如果你地check 完覺得無問題但我一路用都係咁食電咁點 ~
佢答我 ... 唔清楚 ~ 我依家答唔到你d 咩~要師傅 check 完先 ...
其實呢度d人好鐘意答我唔清楚 ... 佢話要大約3~4個鐘 先拎得返 ~
咁唯有去食lunch 同周圍行下 ...

約1 點30分 就有電話 打俾朋友 (好感激兩次都有無聊朋友陪我等候) ~ 話拎得機了 ...
我上到去 ~ check 部機 ...開左1分鐘已經好熱 ~
我問佢整過咩... 佢答我 ~換左舊新電 ~ 同埋 重新砌過入面有d 野 ~
我問佢 ... 點解要重新砌 ~ 佢話 ... 有d鬆左 ~
我問 ... 無啦啦點會咁 ~ 我又無跌過 又無拆過佢 ~ 定係你地 上次整果次整得唔好 ~
個女仔啞左 ~ 佢都係果句 ... 唔清楚 ~
之後我話 ... 點解開左一陣就咁熱 ~  佢話 ~ 呢種熱正常 ...
然後佢提議 : 其實你可以試下唔用張sd 卡 ~ 因為用張sd 卡果時佢都會run 緊 ~
咁你拎左出黎之後 ~ 可能佢就會無run 得咁勁 ~ 唔會咁熱 ...
我問 ... 你叫我拎張卡出黎 ~ 咁我係咪每次聽歌影相都放返張卡入去先呀 ?
佢答 ... 其實我有同事都有咁做過~我建議你可以試下 ...

唉 ... 火已發完 ~ 最後也要離開 ~ 我只係唔想再黎呢個地方 ~

之後 陪朋友睇電話 ... 俾百老點的職員提議 trade in 部機 ~
其實我唔知S4 個價係賣幾多 ~ 但百老點依家收$3,600 ...
但佢淨係比換 新款 三叔note 3(完全不考慮) ... sony Z1 ... LG G2 ~
之後同朋友兜了成個商場一粒鐘 ~ 最後還是決定trade 左 z1 了 ~
我希望佢同我o既緣份可以長久d 啦 ... S4 同我 o既緣份 ... 原來半年都無 ~
老點職員 問我 ~ 換左部S4 無得返轉頭架啦 ~ 我話 ... 下 ~ 我一d唔捨得都無囉 ~ byebye ...