Day 2 爛鞋 @ 天母 ~ 仆街 @ 台北車站 ... 台灣不喜歡我：(

今日 ... 依然下雨 ~ 唉 ... 仲要好很大雨 ~
但我花了一個長時間的打扮 ~ 原來化一個好o既妝真係需要時間~
呢幾日我基本上都用左9個字時間黎化 ~
如果係平日返工 ~ 我根本就唔會咁做 ~ 寧願訓多d比較好 ~

然後 ... 行程依舊繼續 ~ 只係落住雨咁行 ~ 其實咩心情都無晒 ...

第一站 ~ 米朗琪咖啡店 ~

西門 --- 台北車站(轉淡水線) --- 中山  (NT$16 悠遊卡)

根據旅遊書所講o既出口出 ~ 就係新光三越後面 ... 好快就搵到 ~

去到唔使排隊 ~ 不過原來呢條行都已經有兩間 ~

我去a 鋪時~ 佢叫我行過兩間去b鋪有位 ~ 落地底 ...

a b 兩間鋪個外觀都差唔多 ~ 好園林 ...



好似咖啡弄個餐牌 ~

可能今日係星期日都多人 ~

朝早無理由食甜品 ~ 所以叫左個咸o既鬆餅 同咖啡 (NT$ 319 連加一) ...

個咖啡有舊姐李係入面 ~ 充滿咖啡味 ... 唔錯 ~

個鬆餅真係何其大份 ... 佢個吞拿魚醬有小小黑椒味 ~ 唔錯 ~

再加埋小小酸味味o既醬 ~ 都幾特別 ... 咸的也好吃 ~

但係真係好大舊 ... 我 ... 竟然 ... 食 ! 唔 ! 晒 !

食到好飽好飽 ~ 自己一個唔會食得晒 ~

然後我就離開了 ~ 行左陣新光三越 ~ 買左小小野

箱型電梯 ... 很特別 XD

 12點半左右就去天母了 ~

搭捷運其實都有博愛座 ~ 台灣人真係好好 ...

就算有位都唔會有人坐 ... 真係留返俾有需要o既人 ~

香港人很需要學習 !!!

中山 --- 芝山  (NT$ 20 / 悠遊卡)

呢度d建築物好古舊 ~ 有d似澳門 ... 有閘o既露台 ~

出入閘口 ...

切仔麵 ... 好殘忍 !!!

係芝士落車之後 ~ 有一架去高島屋o既shuttle bus 可以去到阿吉師 ~

無錯 ... 其實我黎天母都係為左食 =.= 但依然好飽 ~



係高島屋附近有一個棒球場 ~ 好似好舊 ... 外表好似已經荒廢 ~
但我相信佢應該仲運作緊 ...

由於太飽 ~ 所以行左高島屋一陣 ~ 其實我想搵個市集 ~ 但係又大風又大雨 ~

我根本唔想再搵路 ~ 好差 ... 唉 ~ 令成個行程都很不完美 ~

係高島屋 ... 有個北海道美食展 ~ 好想食 ...

但係諗到一陣都要食 ... 就放棄了 ~

行左我估1個鐘左右 ... 都無咩野好行了 ~ 都係百貨公司 ...
看似好多層 ~ 但中間有幾層都係停車場 ~ 其實個感覺有d恐怖 =.=

之後就搵阿吉師 ~ 佢係一個好似街市咁o既地方入面 ~ 士東市場 ...

其實呢度樓上都有好多野食 ~ 同香港街市樓上d 熟食檔一樣 ~

地下街市的也很似 ~ 但係乾淨好多 ...

友人話呢間要排隊 ~ 但我諗到一個人都無 =.=

可能天氣唔好 ~ 而且都已經2點幾啦 ... 要食o既人都食晒了吧 ?

我柯打左NT$1,000 ~ 任佢落主意 ... 佢就開始整俾我食 ~

佢唔知點樣 ... 整幾下就遞左呢個 ... 應該係毛蟹腳俾我 ~
作為前菜 ? 因為佢個底有D沙律係度 ~ 青蘋果...菜 ... 等等 ~ 有D酸味 ~ 好味 !
佢個蟹腳又好新鮮 ~ 鮮甜的 ... 唔錯唔錯 ~

之後就有3件手握壽司 ... 一隻大蝦 同 一舊蛋 ~
壽司的魚都係一般 ~ 唔太突出 ~
蛋幾特別 ... 佢唔同平時食開果D甜蛋 ~ 都係鬆化 ~ 但不算太甜 ~
然後那個蝦 ... 都是一般 ~ 新鮮的 ...

之後突然來個熟的 ~ 其實都幾估佢唔到 ~ 但食完 ... 只知道佢係魚 =.= (廢話)

帶子 ~ 好開心 ... 係我醒起自己唔記得講明要帶子o既時候佢就俾我 ~
好肥美的帶子 ...

然後還有呢個冰鎮 貝 ~ 每一塊都好鮮甜 ... 好煙UN ~

最後就係呢個我指明一定要o既海膽 ~ 佢d海膽係甜的 ... 唔苦 ~

而且多到我食到最尾佢個手卷係個尾度 必 左膽汁出黎 ~

之後佢叫我可以自己畢湯 ... 但個湯好酸 ~ 我覺得麻麻 ...

大約HKD 270 吃到 ~ 其實算平還是貴真的見仁見智 ~

質素 可以 ... 中上 ~ 係可以接受的 ~

食飽飽 ... 好滿足 咁樣雜開 ~ 然後去附近的咖啡店坐了一陣 ~

看來我都係無咩書卷味 ... 定呢間店沒有吸引的地方 ~

這個也很日本 ... 食完自己擺返出去 ~

飲完 ~ HEA 下 ... 就走了 ~

行返去搭shuttle ... 回到芝山站 ~ 不幸的事再次發生 ~

我發現我個鞋底 ~ 就爛 ：(
天雨關係 ... 如果已經濕到爛左 ~ 台灣真的這樣不喜歡我麻 ?

唉 ... 人生就是這樣不如意麻 ?

行去 家樂福 ... 無鞋買 ~ 之後扇住咁去台北車站 ~

芝山 --- 淡水線 --- 台北車站 (NT$ 20 / 悠遊卡)

行左去京站 ~ 呢度只有貴鞋 ~ 但我兜來兜去都唔知買咩鞋好 ~

人又多 ~ 腳又攰 ~ 唔開心 ~

最後係一間日本店買左對鞋 ... =.= 仲要係高爭鞋 ~ 但很美 的 ...

之後就慢慢行下行下咁 ~ 又去新光三越睇熊 ... 但原來得好小野先有熊 ~

再一次發生不幸o既事 ~ 因為落雨 ... 門口d樓梯都鋪左膠 ~

而d膠都會比梯口闊 ~ 所以我差錯腳 ... 跌左一跌 ~ 好彩前面有個女人 ~

我又用佢黎借一借力 ... 如果唔係 ~ 睇怕我黎緊幾日邊度都唔使去 ~

不過最後都發現小腿撞到瘀左 ~

之後兜下兜下 ... 去左買mister dount 食 ... NT$ 25 ~ 好抵 ~ 因為做緊SALES ~



唔知點解呢個廣告話未完成 ~ 佢係掉轉左 ... 但係 ~ 點解要咁樣呢 ...

跟住 ... 我就慢慢咁行 ~ 搭返車去西門 ~ 回青旅了 ....
返去前買左杯珍珠奶茶 ~ NT$40 ~ 好很甜呢 ~

返到去又覺得好早 ~ 又未食野 ... (***雖然根本唔餓~)

換左對鞋 ... 再落去買野食了 ~

係西門車站附近有個廣場 ~ 好多藝術野咁 ... 都係一D手工小作檔仔 ~

係台灣 ... 好多shopping地方都寫住誠品 ~ 其實我成日以為呢d都會係有書店 ~

但其實唔係 ... 我到走果日都無行過一間誠品 ~

之後買左老天祿 雞亦 ~ 真的很入味 ..

仲買左豪大大雞粒 ... 好咸 ~ 還是繼光雞比較好吃 ~

由於我知道聽日會落雨 ~ 所以買左聽日飛睇戲呀 ~~~!!

唉 ... 就這樣過了一天 ~ 其實又唔係好唔開心 ~
只係覺得點解旅程好似咁唔順利姐 ~

Day 1 出發 ~ 台北我黎啦 !!!

這天是我人生第一次自己旅行的日子 ~ 亦是我2X歲的日子 ...

還有X 年就30 了 ~ 這個感覺一點都不好 ~ 老了老了 ...

還有多少年要生存在這個世上呢 ?

今日都算幸運 ~ 等巴士不是太久就有車 ... 去到機場大約真的早兩小時 ~

但係等寄行李的人很多 ~ 不過等的時間又不是太耐 ~

入閘後先去吃個麥噹噹早餐 ... 又係排隊 ... ~ 好多隊要排 ...

其實我是很無聊 ... 吃飽飽之後我就去搵一個莫斯科的閘口 ~

然後叫了一個俊俏鬼仔幫我同閘口黎個合照 ... 可能外國人唔興 ~

佢好奇怪問我 : 同邊個合照 ... ! (我諗起MY盛 同碟火腩飯合照 XD)

當然 ... 影呢張相o既目的就係放上面書欺騙觀眾啦 ~ 哈哈哈哈 !!!!

呢張先係最真實架 ~

成日都話香港航空會delay ~ 但係我好幸運 ... 都算準時就起飛啦 ~

(Hong Kong Airline) 1205 HKG ---- HX264 ---- 1345 TPE

早係BOOK 機票o既時候已經揀埋位 ~ 係機翼隔離 ...

一開始天氣有點不好 ~ 但上到天空又好靚 ~

我偷聽到空姐答其他乘客話因為今程機時間好短 ~ 所以得簡單o既包食 ...

就係呢個 ... 冬菰豬肉包同水 =.=

好古怪 ~ 猶如一舊肉餅塞入個包度 ~ 雖然熱辣辣 ~ 唔係唔好食 ~ 但好怪 ~

(其實佢無冬菰味)

其實我成日都唔鐘意放d野係地下 ~ 但係安全問題 ... 空姐成日迫人塞d野去"登"底 ~

你睇下 ... 側邊幾污糟 ~ 仲有 ... 都唔知邊個將個杯放係果度 ... 好賤 !

安全準時地抵達台北 ~ 我也希望我這次旅途愉快：) ... 可惜 .... ：(

其實黎台灣係第3次 ~ 3次都係台北 ... 印象不深刻 ~

因為第一次已經係2006年 ~ 之後2011 年 係做義工 ... 沒有去什麼特別地方 ~

黎到過關都係排隊 ~ 又係勁多人 ... 今日好似不停咁排隊 ~

之後搵下自己係邊度拎行李 ...

等待中 ...

之後出到去就搵下一d旅遊資訊 ~ 問下人邊度申請電話卡 ...

嘩 ... 勁多人排隊 ... 又係排 ~ 我諗呢度排左半個鐘都有 ...

其實呢度有3間揀 ... 有間係中華電訊 ~ 另一間忘了 ~

不過聽過好似大哥大接收得比較 好 ~ 所以多人排隊我都照排了 ...

特定左幾個套餐揀 ~ 買了5日 NT$ 300 那個 ... 基本上只上網 ~ 電話不打的 ~

(話說有一日電話突然響起 ~ 係叫我買機JOIN PLAN ... 同香港一樣也會這樣的凍CALL)

排完買完卡 ~ 姐姐幫你填晒野 ~ (但張卡要自己換) ~ 仲幫你SET好部機 ... 就用得啦 ~

跟住就去搵車搭去市區了 ~

國光客運 ~ 朋友說飛狗不要搭 ~搭好耐 ... 

桃園機場 ------>  台北車站   NT$ 125 ... 約 60min

排隊的時候 ~ 職員會問你去邊 ... 然後又俾個貼紙你 ~ 認返你o既行李 ...

但其實係拎行李o既時候 ~ 根本無人會幫你對個行李號碼岩唔岩 =.=

原以為呢架就可以上到 ~ 不過唔係 ... 要等下班 ：(

上到車啦 ~ 有電視 睇 ... 不過一眼也沒有看過 ~

好似播緊d類似真情果d劇 ...

終於到左台北車站啦 ~ 其實 ... 我完全無慨念應該要點行 ~

所以唯有行左入車站先 ~ 我住o既係橙舍 ~ 上網睇見到好似行去 ...

咁就一路睇住車站入面d地圖一路搵 ~

唉 ... 台北車站同大阪梅田一樣 ... 好易令人迷路的 ~ 好很大 =.=

行行下經過 ... 就買定張悠遊卡先 ~ 廢事再搵黎買啦 ...

NT$ 200 (內有NT$100 按金 & NT$100 可用)

買完後我又繼續搵路 ... 呢度真係好很大 ~ 地下街都有N條 ... 傻的麻 ?

之後終於搵到我要果個出口 ~ 上到去 ... 噢 !! 完全唔知行去邊 =.=

托行李的時候 ~ 沒有帥哥問我要不要幫忙 ~ 唔開心 ...

找路 ... 我只可以搵偉大o既GPS 幫手 ~  係呢個旅程 ... GPS 是我偉大的明燈 ~

我一路行 ~ 其實都係岩 ... 但係越行越攰 ~ 加上雨一直下 ~ 我覺得有點悲涼 ...

我行到去有個北門o既地方 ~ 是多麼的恐怖 ~ 無啦啦中間有個城口咁o既門 ~

(*** 北門呢個名我係事後先知 ~)

落住雨 ~ 其實已經不想再行 ~ 又好似行錯路 ~ 行李又重 ... 於是我唯有截的士 ~

但係偏偏我就遇著一個衰司機 ~ 可能我d國語又不太好 ... 我俾晒地圖佢睇 ~

佢都好似唔知我要去邊 ... 最後俾個GPS 佢睇 ~ 佢先知 ...

惡司機 : "150 要不要"
(我猶疑左一陣 ~ 到底即係幾錢)
我 : "這裡離那處遠麻 ?"
惡司機 : "150 要不要" (勁惡 ~ 好似我殺左佢全家咁)

係呢個情況下我唯有上車

係車上o既時候其實我覺得自己好慘 ~ 生日都勁俾人鬧 ... ：(

之後到左漢口街 (青旅那條街) ~ 佢問我幾多號 ... 我答佢41號 ~

之後我見到有間一樣名的 ~ 諗住一條街唔會有咁多間掛 ~ 但果度只係5x 號~

我 : "我看見啦 ~ 可以在這裡停麻 ?"
惡司機 :  "你到底要去幾號 ~ 這裡還沒到 !"
我 : "我看見這裡好像就是我要住的 "
惡司機 : "你要去41號麻 ~ 這裡才5x ~ 你懂不懂 ~ 你懂不懂 ?" (殺佢九代了)

嗚嗚 ... 呢個司機 ... 令我對台灣的印象很差了 ~

開始已經咁不幸 ~ 打後真的有個愉快旅程麻 ?

落車佢幫我拎行李 ~ 我俾NT$200 佢找 ~ 佢上車拎錢找俾我 ~

佢仲要 ~ 喂 ~~~~ (勁惡 !!!!)

*** 事後我問青旅的人 ~ 北門黎呢度要幾多錢 ... 佢答我100 也不用 ~
呢個仆街司機 ~ 收貴我都唔係問題 ~ 你鬧我呀麻 ~
佢已經深深咁俾我咀咒了 ***

我住的旅館叫橙舍 ~ 是背包客的旅店 ~ 可惜我不是背包客 ...

所以要托行李 ~ 當晚的職員也比較COOL ~ 不太好聊 ~

之後遇到一個反而OK 的 ~ 但係一開始已經遇到不好 ~ 對此留下的印象也不是太好 ~

其實出面已經落住大雨 ~ 不過既然旅行 ~又有晒行程我就唔理得咁多 ~

出發去夜市吧 ~ 果時都差唔多6點 lu ~

問旅店職員 ... 原來呢度行去西門町勁近 ：(

點解呀媽生得我咁蠢 ... 好傷心 ：(

好熱鬧 ... 星期六 ~ 呢度好很多人 ~ 好似去左mk 咁 ... 好多香港人 =.=

仲竟然俾我見到呢度有三哥 !!! 好得人驚 ... 真係返左香港咁 =.=

之後見到呢間繼光香香雞 ... 唔係唔食下麻 ?

一包細的 NT$ 55 ... 唔錯唔錯 ~

多人多到呢 ... 何奇恐怖 =.=

我去o既係饒河夜市 ~ 上網睇係話捷運去到後山埤 ~ 之後行就會到 ...

但旅遊書話去松山車站近d ... 其實我唔識搭唔係捷運o既車 ~

於是我只好 就咁搭捷運 ~ 出左閘搵唔到個夜市先算 ~

西門 ----南港-板橋-土城線 -- 後山埤  (約16min / NT$ 24 悠遊卡)

出到呢個站 ~ 零方向 ... 唉 ~ 但其實我一D都無驚過 ~ 點解會咁 =.=

我周圍行 ~ 見到對情侶問 ... 個女 ~ 勁黑面 =.= 我不會搶你的男友哦 !!

之後我漫無目的咁行 ~ 突然見到有個位 ... 有街邊檔又有衫買~

我諗呢度應該係夜市吧 ~ 咁就行啦 ... 但其實一點也不吸引 ~

可能落住雨 ~ d野食又不多吸引 ~ 於是我兜左一個圈咩都無食就走啦 ~

臨走的時候我見到松山車站 ~ 而且有一個小小的shopping mall ~ 打算入去行下 ...

入去之前買左杯野飲 ~ 招牌翡翠檸檬茶NT$55 ~ 都不錯 ... 甜甜酸酸的 ~

就係呢間清玉門口 ~ 有一個男的問我從那來 ... 寒暄了幾句 ~

發現我剛剛行的原來叫五分鋪 ~ 而不是饒河夜市 ... 哈哈哈 !!!!

之後我見到松山車站有指示夜市係邊 ... 於是就繼續行出去 ~ 見到有人群的地方就行 ...

離遠已經見到呢個金光閃閃的地方 ~ 好像是廟宇似的 ... 真係好光 ~

終於 ... 我都真係到左真正o既饒河夜市啦 ~ 好熱鬧 呀 !!!!

門口有一檔野勁多人排隊 ~ 原來係吃胡椒餅的 ~

雖然友人曾經叫我一定要試 ~ 但說真的 ... 興趣不大 ~ 沒有吃 ...

一路擔遮一路行夜市其實一點都不好 ~ 很沒趣 ...

之後 係一檔 度吃了一個魯肉飯 ~ 點解同香港果d 唔同o既 ... ??

我覺得香港 好食d =.= 細細碗 NT$ 20 ...

吃了個飯 ~ 其他小食 ... 介乎想食同唔想食之間 ...

因為食一個小食已經可以當一餐 ...

而我行到最盡 ~ 反轉頭的時候 .. 我居然揀左食牛扒 =.=

因為心入面不停同自己講 ~ 今日生日要食好d ...

呢個牛扒好自助 ~ 落完單之後 ... 湯可以自己畢 ... 但不好飲 ~

厚片沙朗牛扒NT$ 160 ~有很多伴碟 ~ 意粉 ... 其實好飽 ... 沒有吃 ~

牛扒 ... 一般 ~  這個價錢 ~ 可以接受的 ...

吃飽飽 ... 就沿路返松山車站了 ~

看到有一個人企係度遮住個松字麻 ? HA ... 加工了 ... 有點怪 ~ 很鬼異 !

松山車站 --- 台北車站 --- 西門町 (NT$ 18 + NT$ 16)

每次都要係台北車站轉車 ~ 呢次亦都係唯一一次搭非捷運的鐡路 ~
其實台灣個感覺俾我真係好日本 ~ 只係無咁乾淨 ... 同物價平好多 ~

在西門町遊走了一陣便回青旅了 ...

 我對鞋都行到咁污糟LU ~ 唔開心 !!!

買了一支茶 ~ 亦係我5日唯一買的茶 ...

PAMA 同雞雞感情很好：)

就這樣結束了我第一天的行程 ~ 也老了一歲啦 ...

只想說 ... 黎緊可以不下雨麻 ?

Via Tokyo

食飽飽晚餐 ~ 就去食甜品 ... 抹茶是賣飛彿 !!!

其實呢間餐廳o既位置 附近都有好多野食 ~

係我地等位o既時候 ~ 當然係裝下入面d人食咩野多啦 ...

就係呢個時候 ... 我地見到一隻小小強突然係某一張台出現 ~
有個女客 ... 完全唔驚 ~ 佢無諗過彈走或大叫 ... 好勁 ~

不過有兩個等食物中的女客 ~ 不敢再坐 ... 要求打包 !
之後就算已經有位可以入 ~我同友人都不敢再坐係入面食野啦 ~

meau 看似很多花款 其實是多麼的簡單 ~

我地就係吊燈下的台發現有小小強的 ~ 之後唔知去左邊 ... 一定會再出現 !!!

抹茶味道很足夠 ~ 沒有苦的味道 ~ 又不是太甜 ... 第一口的感覺不錯 ~
丸子沒有什麼味道 ~ 配上抹茶感覺良好 ~
但好可惜 ... 係食食下o既時候 ~ 食到有冰塊 ~ 小冰塊 ~
雖然係小冰塊 ~ 但已經可以影響左個印象 lu ~
而且仲唔止一淡有 ~ 幾淡都有 ... 不是太好 ~
呢個雪糕要41 蚊 ... 雖然佢比city mama 那間的味道濃 ~
但我可能會再次選city mama 那間吧 ...