Day 4 ~ 又去北投 ... 夜市 @ 師大 ~

今日 ... 唉 ~ 依然下很大很大的雨 ~ 而且M到 ...

落街買M巾 ~ 同埋買飯團食 ~ 之後化完妝就出去啦 ~

還是日本的飯團好吃 ~

再見PAMA ...

成個人肥腫難分咁 ... 唉 ~ 又落雨 ...

我今日其實無咩好去 ~ 本身係去九份十分 ... 但落雨 ~

所以去返北投 ... 參觀圖書館同溫泉博物館 ...

西門 --- 台北車站 (轉) --- 北投 (轉) --- 新北投 (NT$ 28 / 悠遊卡)

真係好很大雨 ... >.<

去圖書館 ... 唔知點解好似一定要黎咁 ~ 係景點 ~

入面好似唔俾影相 ~ 但係我都有影 ：P

佢成間野都好似好大自然FEEL 咁 ~ 又有露台 ...

D燈光又好暗咁 ~ 好似淨係利用天然光 ...

但係度睇書 好似唔多夠光WOR ... XD

行完一個圈就走了 ~ 之後過隔離個溫泉博物館 ...
兜左去後門 ... 好多石仔路 ...

入場唔使錢 ~ 但要先換拖鞋 ~ 有介紹以前D人浸溫泉 ~ 來源等等 ...

其實都係因為係日本統治o既時候 流落黎o既 ...

遇到香港人 ~ 所以有得影相 ... yeah !!!!
台灣的郵箱 ...

溫泉博物館的門口 ...

換了拖鞋再入去行 ...



有很大的TATAMI & 園林美景 ~



好似一個影院咁 ~ 介紹博物館 ...



然後就上左2樓 ... 呢D 好歐風o既建築 ...

好大個溫泉池 ...

行完 ... 其實有諗過係度食下野 ~ 不過 ... 唔知有咩好食 ~

所以都係走了 ~ 又去左中山站 ... 今次食肥前屋 ~

新北投 --- 北投 (轉) --- 中山  (NT$ 28 / 悠遊卡)

又再一次多謝GPS 導航 ~ 我愛上左佢 ...

但係去日本o既時候 ... 我從來都無利用過佢 ~ 點解架呢 ?

好啦 ~ 黎到其實都 1400 ... 佢1430 就落場 ~

所以我都無咩等位就入到 ~ 呢度好大 ... 等一陣 ~ 點埋野食就入得 ~

我想叫個鰻魚蛋卷 ... 不過無晒 ~ 唯有試下淨蛋卷 ~ 叫左一個鰻魚飯添 ~

水是要自己斟的 ...

嗯嗯 ~ 鰻魚ok 肥美 ~ 但個醬汁太小 ...

個蛋卷真係一層一層咁樣好軟熟 ~ 但無咩蛋味 ...

食飽飽 ... 又凍又大雨 ~ 但因為要買手信鳳梨酥 ~ 唯有繼續行 ...

離開中山站前...到呢間生活百貨睇 ~ 不過無咩野睇 ~
似大型的100 yen 店 ... 但不是100yen 一件的 ~

係中山地下街行去台北車站 ~ 好很長o既路 ... 充滿AKB ... =.=

每一道逃生門都有一張AKB 的照片 ~ 有介紹佢地係2013年選舉係第幾位 ...

台北車站 --- 忠孝新生 (轉) --- 松江南京 (NT$ 16 / 悠遊卡)

悠遊卡增值法 ..

(1) 先放好你的悠遊卡 在指定位置
(2) 螢幕會出現餘額同最多可增值金額
(3) 然後入紙幣 ~
(4) 螢幕就會出現你入左幾錢 ~ 就可以禁確認
(5) 確認完成後 ~ 就可以拎返你張卡
(6) 最後可以列印返增值o既資料 ~
咁就完成啦：)

我目標係搵一間叫犁記o既鋪頭 ... 好快就搵到 ~

但因為好凍 ~ 同埋仲有好多時間 ~ 又要寫明信片 ...

於是入左一間cafe 度 ~ 飲杯熱野 ... 寫埋d信片 ...

咁又過左個幾鐘啦 ~ 跟住就行去對面買鳳梨酥同芋頭酥 ~

之後 ... 我就拎住好很重的 回青旅了 .... 真係好很重 =.=

松江南涼 --- 忠孝新生 (轉) --- 西門 (NT$ 16 / 悠遊卡)

先返去放低野 ~ 然後 再轉戰 師大夜市 ~

西門 --- 台電大樓 (NT$ 16 / 悠遊卡)

其實都唔知個夜市係邊 ... d 地圖其實好似無寫 ~ 只係問人同一直行 ~

後來行行下見到D橫行入面有人流 ~ 所以行入去 ...

估計已經到左吧 ~ 呢度 沒有太多街邊檔 ~

周圍行有好多賣衫 ~ 飾物 ~ 手機殼 鋪頭 ~

然後 開始搵野食 ... 第一個試 生煎包 ~

我 : 一個 (加手勢1)

店主 : 來一包 ...

我 : 要一個 (加手勢)

店主 : 哦 ... 要一盒 ~

我 : 是一個 (手勢 加再大聲D )

店主 : 噢 ! 原來是一個 !

都幾好味 ~ 熱辣辣 又夠多汁 ~ 同埋有好豐富的菜 ...

之後再諗食咩 ... 佢呢度D魯味 同香港 果D煮法唔同 ~

於是就試下 ... 不過一堆已經好多 ~

個店主迫我拎走咁 ... 但一袋野咁都唔知點食 ~

最後我都係坐返係度食 ... 又落雨WOR

我仲撩隔離個人講野 ~ 佢好NICE ... 又講我知對面檔 pancake 好食 ~

於是我食飽都買黎食 ... 又真係唔錯 ~ 脆卜卜 ...

我食到十級無敵飽了 ~ 打算走 ...

係街口檔手飾檔同看檔妹妹吹左好耐水 ~ 好感動 ...

我黎到...其實好似無咩同人講野 ~ 我最喜歡周街吹水 ~

估唔到黎到尾二呢日先有人同我吹水 ~

然後去屈人寺買 mask ~ 哥哥又撩我吹水 ~ 好開心 ...

好彩係我走之前都感覺台灣有小小人情味 ~

台電大樓 --- 西門 (NT$ 16 / 悠遊卡)

係西門仲逛多左幾個圈先捨得返去 ~ 話晒都係最後一夜 ...

呢間翰林茶館係最好飲的 ~ 充滿茶香的珍珠奶茶 ...

但係返到去仲未訓得 ~ 因為有一大堆野要執 ~ 執到2點先訓 ...

(今晚隔離房黎左一個古怪家庭 ~ 有老有嫩有尼姑 =.=)

Day 3 ~ 淡水 ~ 溫泉 @ 北投 ... 士林

由於尋日一早買左飛 ~ 所以10點鐘就出發去戲院 ...

出去的時候沒有下雨 ~ 有陽光 ... 好開心呀 !!

睇Matsu Jun 套新戲 ~ 陽だまりの彼女 (台譯 : 向陽處的她 / 港譯 : 寵愛情人夢)

我係愛屋及烏架 ~ 因為我其實麻麻地鐘意Jun ~ 但佢係嵐 ... 我都會支持 ~

個院好細好細 ... 得5 個人睇 ~ 個MON 好寬 ~ d 預告好長 好多 ~ 有劉華套風暴 ...

然後 ... 套劇好 sweet ... 太甜了 ~ 看完會愛上Jun ... 一陣咁多啦 ~

睇完之後 ... 其實諗住食野 ~ 但係西門町又唔知食咩好 ~

咁就直接搭去淡水先啦 ~ 本身想去左北投先 ~ 但最後淡水先吧 ~

西門町 --- 台北車站 --- 淡水 (NT$ 40 / 悠遊卡)

出到淡水 ~ 唉 ... 開始有小小毛毛雨 ~ 好差囉 ...

個天真的咁不喜歡我麻 ?

之後我本身係搵老街 ~ 行左一陣去一條街 ~ 發現有D唔對路 ...

之後返轉頭 ~ 行第邊 ... 但由於著住高爭鞋同落雨 ~ 又成日無食過野 ...

於是我就係一間好簡陋o既鋪食野 ~ 其實我係入錯鋪 ...

我本身想食小籠包 ~ 但入左隔離果間 =.=

叫左一個切仔麵 ~ 同一個3寶小吃 ...

很特色 ... 亦都好好味 ~ 係我覺得好食又平的平民食物 NT$ 55

食完問人 ~ 原來岩先我行得係岩架 ~

買左杯天仁茗茶o既芋香奶綠 ~ 最愛：)

咁就行返去果邊 ... 有老街啦 ~ 都係食街一條 ~無咩特別 ...

見到有長長的淡水雪糕 ... 但我好凍 ~ 所以無食 ...

買左個紅豆餅 ~ 但唔好食 ... 餡太多 ~

好型的歌基 ：)

唉 ... 天氣唔好 ~ 有咩可以去 =.=

之後就落左北投浸溫泉 ~ 因為只有浸溫泉 ... 先唔使諗可以去得邊 ~

淡水 --- 北投 --- 新北投 (NT$ 28 / 悠遊卡)

去北投的車卡很特別 ~

我覺得北投去新北投轉車好麻煩 ... 行上行落 ~ 好易錯 >.<

落車之後 ~ 都已經唔想行太遠 ~ 又凍wor ...

於是就揀左間最近車站o既酒店 ~ 入去睇下幾錢 ..

NT$ 499連茶點 ... 都好啦 ~ 咁就入去啦 ~

因為溫泉 ~ 係裸湯 ~ 所以一張相都無影 ...

(但都偷雞影左小小)

入到去呀姐先會俾一個locker key 你 ~ 拎大小毛巾各一條 ~

呢度係大堂與更衣室之間的接待處 ~ 呀姐會帶你去 ... 好似好神秘咁 ~



然後帶你入更衣室 ~ locker 入面已經有一對拖鞋 ~

換完 ~ 鎖好櫃 ... 行入去 d ...

有一個area 係 化妝 ~ 有風筒有椅 ... 有cream 有棉花棒 任用 ~

之後係另一邊就有廁所 ... 再行入d 就係浸溫泉o既地方啦 ~

入到去好似日本咁先要沖涼 ~ 佢中間係同日本一樣 ... 坐係度沖 ~ 但小左個盤 ~

側邊兩面就係企係度沖 ... 有玻璃門的 ~

兩個選擇都有洗頭水同埋沖涼液提供 ~

係沖涼後面小小位有桑拿 房 ... 濕同乾蒸都有 ...

而溫泉就有 幾個 ... 對正 沖涼 前面 就有三個 ...

好似得25度左右 ~ 之後隔離果兩個就係越來越熱的 ~

中間果個有按摩功能 ... 轉彎位 有一張台俾人休息 ~

我見d 呀婆係度 拎晒野食 同茶入黎 ~ 似係熟客 ...

跟住再過d就係最後一個泡湯 **其實唔應該叫溫泉 ~

呢個水溫比較正常 ... 同埋係最大o既一個 ~

前面就有一個水機 ~ 側邊仲有3張太陽椅 ~ 介紹完畢 !

我係呢度浸左大約一個鐘度 ~ 沖涼浸下蒸下 ~ 之後就換3 ...

上去食埋個茶回就走了 ~ 但不好吃的 ...

走的時間依然下雨 ... 仲好很凍添 ~  去左士林夜市 ~

這是我泡湯的酒店門口 ...



新北投 --- 劍潭 (NT$ 20 / 悠遊卡)

台灣好似每個車站都有呢個free wilfi 同 充電站 ... 好方便 !

落車都已經見到D人只往一個方向行 ~ 好彩無再落雨咋 ...



但係我的腳真係頂唔緊了 ~ 於是買左一對鞋 ~

咁就可以行得舒舒服服了 ~ yeah ...



佢差唔多行兩行就會有指示可以落到士林食街 ~

係未落士林食街前 ... 上面果層有好多攤位玩遊戲 ... 好懷舊 !

入食街之前 ... 行行下見到 有檔大腸包小腸 ~ 於是買黎試下 ...  

好差 ... 我好後悔 ~ 好油 ~ 好飽 ~ 好滯 ~ 唔好味 ...!! 我食左幾淡就掉左 ~

跟住 ... 我覺得自己好白痴 ~ 買左3包勁重o既黑糖薑茶 ~

點解 咁白痴 ~ 唔可以行完先買 >.<

落左地街 ~ 其實太多選擇 .. 根本唔知食咩好 ~

最好揀左檔有位 ... 食左個牛肉麵 ~ 都幾好味wor ... 唔錯唔錯 ~

其實仲想食蚵阿煎 ~ 但太大份 ... 又想食臭豆腐 ~ 太多件 ...

最後 ... 咩都無再食就走lu ~ 行返出去搭車 ~ 沿途買左袋鹽水雞 ...

勁貴囉 ... 係咁迫人加料 ~ 討厭 ~!! 成NT$ 130 ... 拎返青旅食 ...

返到去附近買多杯苦瓜汁飲 ~ 嘩 ... 個雞好難食 ~
全都是骨 ~ 令人很傷心 ~ 不是淡淡肉 ... 哼 !!!



苦瓜汁我係第一次飲 ~ 原來幾好味wor ... 不過好似話係西門町呢間先係好味 ~