高山 > 中尾平旅館

夜行巴士是一個痛苦的經歷 ..
又迫 ... 好窄 ... 訓得一D都唔舒服 ~ 仲衰過凌晨機搭PEACH ..

然後架車又不停停站 ~ 每次停站雖然都好靜 ... 但每次都會醒一醒 ~
然後好快 ... 4點幾已經開始有人落車 ~ 所以就開晒燈 ...
其實根本就訓唔到覺的 ~ 好痛苦 ...
如果可以 ... 我諗我以後都唔會搭夜行巴士 !

準時到達名古屋 ... 車站已有好多人 ~ 我問職員可不可以提早一班車 ~ DAME !!

好啦 ... 我唯有等 ~ 今次真係要開喼執行李了 ~

執完 ... 未夠鐘 ~ 食個飯團 ... 未夠鐘 ~ 去個廁所 ... 都未夠 !!!

等待是令人多麼痛苦的 ~

0830 ~ 1100 名古屋 > 高山 (JPY 2,980)

好彩 ... 我呢程車都可以訓到死左咁 ~ 不過就曬左D囉 ...
同埋每次搭親 巴士由名古屋過黎 ~ 都不會準時的 ... 哈 !

落車後 ... 可能有陽光 ~ 所以都不算太凍 ~
不過因為地下有好多冰 ... 唔係雪 ~ 所以推住個喼真係好難行 ~

黎呢度目的係搵朋友 ~ 朋友係旅館打工 ... 先去搵佢先 ~

佢係度清潔緊浴室 ... 好感動 ~ 佢洗完我就可以用了 ~ 哈哈哈 !!

好啦 ... 佢未洗完 ~ 所以我去食個LUNCH 先 ~
佢介紹左間咖哩飯我食 ~ 就去試下啦 ~
好攰 ... 我都不想行太遠 ~

JACKSON 弱尊

叫左個咖哩 ~ 飛騨豚カレー 再加多杯啡 ...

個咖哩果然好味道 ... 本人其實不太喜歡太日式的 ~ 因為好甜 ~
呢個就不日式 ... 辣度剛剛好 ~ 然後佢D 配菜 ... 個蘿蔔超甜 ~ 超好食 ..

個豚都炸得不錯 ... 好開心 ~ 食到好味野 ...

呢度o既裝飾都很特別的哦 ~~~

食飽飽 ... 就返旅館搵朋友了 ~
朋友仲未洗完浴室 ... 我繼續等 ~ 好感動 ... 佢洗完 ... 我用了 ~
沖完個涼 ... 真係舒服晒 ~ 換埋3 ...
等到2點朋友收工就出發了 ~ 放左行李係旅館先 ~ 因為我聽晚都係住呢度 ~

出發去新穗高了 ... 

我地去到高山巴士站對面o既JTB 買兩日卷 ... 平過係濃飛站入面買 ~

JPY 高山 > 新穂高ロープウェイ 任坐 2日卷

1440 ~ 1612 高山  > 新穂高温泉

呢程車感覺搭左好耐 ... 朋友話今日天氣好好 ~ 我好好彩 ...
因為話之前日日都好天陰的 ~
好啦 ... 到左溫泉口 ~ 旅館車亦都剛到了 ~
車我地上去 旅館啦 ~

中尾平 2人1泊2食 - JPY 21,000 / 1人

首先有點心食 ... 呢個蘋果芋羊羹 ... 好好味呀 ~ 好清甜 ~

之後旅館姐姐就介紹各個溫泉 ~ 食飯時間 ~ 等等啦 ...
之後同友人上房先 ~ 然後我地再各自溫泉 ~

首先望下呢間旅館先 ~~

門口 ~

接待大堂 ...

大堂偏廳 ?

飯堂 ...

隨便飲 ~

望出去都只有雪 ~

二樓 ~

 

公共空間 ...

小遊戲 ~ 隨便玩 ...

我們的房間 ~

已經很亂了 ~

好啦 ~~~ 溫泉方面 ...

室內的全部都有沖涼 ~ 但室外就無 ...
入面全部都已經有沖涼洗頭用品 ~
不過如果你想揀你喜歡o既牌子 ~ 係呢度都可以揀 ... 勁正 !!
連洗面都有得揀 ... 不過用完要記得拎返出黎 ~

當你要用o既時候就要反轉呢個牌啦 ~

室內3個基本上都可以望到出面雪景浸溫泉 ~

 一人獨佔一整個溫泉 ... 真的很爽 ~
浸完室內 ~ 剛好室外沒有人了 ~ 於是即刻拿拿聲去浸多次 ...

旅館有雪鞋俾你換 ~ 著住行去浸溫泉就唔怕扇親啦 ~

 

呢個係行上盡頭的溫泉 ~ 因為有人用緊 ... 所以無入到去 ~

 

呢個係前頭o既溫泉 ... 無人用 ~ 我用 ... yeah ..

 

的確 ... 每個溫泉都有d浮遊物係度 ... 感覺其實真係真溫泉 ~ 好舒服 ~

對住雪景真係一流呢 ~~

不過因為可能係室外 ~ 同埋其實只係用D 木圍住周圍 ...
所以都驚有D小動物會走入黎 ~
所以個溫泉KEY 同 溫泉入面都有得搖鈴嚇走佢地 ~

好啦 ... 都天黑了 ~ 返房等食飯 ...

上菜速度不算太快 ~ 但每樣野都好好食 ..
唔知點解呢邊D 菜係特別甜 ~ 唔怪之得友人咁鐘意呢個地方 ~
初先覺得好似咁小野食 ~ 會食唔飽咁 ... 但係最後個肚就漲晒lu ~

前菜 ... 係凍o既蕃茄同蘿蔔 ~ 好甜 ...

左邊係好似牛肉乾咁o既野 ~ 中間係青瓜 ~ 右邊已經唔記得係咩 ... 好似大蔥 ~

呢兜野 ... 全部蔬菜都係甜架 !!!!!!!!!!!!!! 好好味 !!!!!!!!!

菜卷 ...

 

呢個係呢餐o既重點 ...
其實好失望 .. 因為佢咁生 ... 我以為係steak 咁架麻 !
同埋佢係凍架啦 !!
天寒地凍我想食熱牛扒 !!!

其實我一直都唔明點解要用呢d送飯 ~?

呢舊豆腐 ... 一般 ~

呢條係一條魚 ...

但我最憎食呢d魚 !

甜品好味道 ~~~

食飽左 周圍欣賞下呢間o既旅館擺設 ~
然後入房 ~ full 下mask ~ 睇下電視 ... 睇埋news zero 就訓了 ~

JAL MILES 之旅 & 初次夜行巴士

今次獨自日本遊 ~ 機票係2014年4月已經換左 ... 

用17,000 jal miles 換 來回 東京 ~ 當時日元仲係7.x 所以俾稅都俾左 HKD 821.25

朝早7點就落街等巴士 ~ 不幸地 等一世那架8號巴士 離開了我 ~
咁我見其實仲有好多時間 ~ 佢話20分鐘一班 ~
我就俾個機會佢等20分鐘 ... 最後真係有 ... 感謝主 ~ 

然後落到佐敦 ~ 又等不到A 車 ~ 唯有搭E 車 啦 ~
去到機場 ~ 大約 8點45 分左右 ... 寄行李 很快 ~ 無咩人 ..

然後就入閘食個翠華先 ...

食飽飽 ... 等上機LU ~~~ 機很大很多人 ~
好耐無搭過非廉航了 ~

1030 ~ 1525 HKG > NRT (JL736)

有飛機餐食 ... 但其實好飽了 ...

D戲又唔係太好睇 ~ 我都好睇返我帶黎o既嵐 ~
有飛機餐真的不是太好 ... 好阻定 ~ 還是廉航適合我 ~

等左好耐空姐都不收野 ... 而且空姐只會對日本乘客有禮 ~
係我來回兩程飛機都感受到的 ...

準時起飛 ~ 準時落機 ...

或者我個人真係太性急 ~ 

基本上拎完行李就好快咁去換張  7 DAYS JR RAIL PASS ~ 

7 DAYS PASS 係EGL 上網訂定 ... 一定要係香港買左先 ~ 去到無得買 ~

JPY 29,110 = HKD 1,912 (連HKD 25 DHL)

同買NARITA EXPRESS ~ JPY 1,500 --- 1622 成田空港 > 1744 新宿 

等車 ... 指定席 ~ 已經好凍 ... 凍到要買熱野飲 ~ 但係 ... 佢都好快變凍 =.=

有車 ... 上車坐下 ~ 好開心 ~ 好興奮 ... 4年無黎東京了 ~

然後諗諗下 ~ 其實我第一站係落原宿 ... 點解我要去到新宿先落車 ~
好啦 ... 最後我早左一個站係 涉谷落 ~ 而且轉車去到原宿落亦都不用補錢的 ~

但係 ... 我係由落車個月台行去山手線月台 ... 已經凍死左 ~
我唔知當時幾多度 ... 我淨係知 ... 凍到要企埋一二邊 拎返件羽絨 ~ 冷帽 ~ 手套 出黎 ...

落到原宿 ... 諗住放低行李係locker 先 ~
再一次證明日本o既locker 不喜歡我 ~
繼上次 拎住個喼係札幌玩左一大輪之後 ~ 今次又要行原宿了 ~
幸好原宿好多日本妹都會拖喼行 ... 如果唔係就太礙眼了 ~

先去左johnny's 買相 ~ well ... 事後發現好多重覆 =.=

然後發現好多新商場 ~ 名都不知道的了 ~
行左上去 ... 見到星巴克櫻花杯 ~ 買了 ...

跟住去左kiddy land ~ 見到有甩時 ... 有熊 ~ 係咁易買左小小 ...

跟住 ... 唔知做咩事大十字路口果個位勁大風 ~ 大風到我覺得似8號風球 ~
於是我迫於無奈咁走左入 天丼や 度食晚飯了 ~
well ... 我竟然落左機4個鐘先食我o既第一餐 ~ 太不可思議了 ~ 哈 !

我感覺到店入面個職員嚴重歧視我 ~
因為係拎住個大喼 ... 大背朗 ~ 一部即影即有 ~ 大相機 ~ 仲要有一兩袋戰利品 =.=

好啦 ~ 我仲食完野係度執野添 ~ 當然無開喼咁過份啦 ~ 

坐左一個鐘度 ~ 9點就走了 ... 然後就去食crepe ...

千萬不要去 竹下通口街尾 果間 ... 超級難食 !!! 唔開心 ...

跟住我就搭車 準備出新宿了 ~
因為距離我搭夜行巴士落名古屋仲有 2個幾鐘 ... 所以我落左高田馬場聽音樂 ~ 很懷念 ~

出到新宿 ... 好快就搵度夜行巴車個站了 ~
然後 ... 好多人 ~ 又無位坐 ... 仲有成粒鐘先有車 ~
於是 ... 我又去食野了 =.=

係周圍附近行 ... 但其實都係得d 居酒屋多 ~

三田製麵所 ... 係你啦 ~ 聽聞香港已經開左 ... 咁我黎到日本 ~ 當然食下先啦 ..

我最受o既つけ麺 ~ 要等位 ... 等一陣啦 ~

湯底很濃厚 ~ 麵質我麻麻 ... 味玉很好吃 ~ 流心的 ...

食完都係未夠11點 ... 夜行巴士令人很痛苦 ~

之後我慢慢行返去巴士站等 ... 等 ... 等 ~ 終於 ...

2340 ~ 0649 (2/16)  新宿 > 名古屋 (JPY 4,700)

一個月前已經訂定飛 ~ 估唔到真係會滿席的 ~

上到車 ... 隔離個日本妹係度 抹面清楚 ~ 準備十足咁 ...
而我 .. 只想有覺好訓 ... 可惜 ....

博多拉麵別天神

尖沙咀阿士厘道24號天星大廈地下A1地舖

收工去食拉麵 ~ 其實唔餓 ... hahahaha ~

蝦味噌豚骨湯麵 ... 

湯底很濃郁 ~ 不過加埋佢另外有兜任食o既芽菜就非常之好 ~
因為有d 辣味 ... 我比較喜歡 ~
不過我鐘意粗小小的麵 ~~ 佢呢個係幼的 ...