銀山溫泉 (很失望) ~

今日check out 時間係11點 ... 

check out 果時我將個喼寄埋過去青森 ~ 

咁我呢兩日去銀山同埋藏王都咩背郎就可以了 ~ 

唔使拎住個喼真係舒服好多 ...

今日第一餐食松屋 ~

呢度咁多野 加埋都係 JPY 500 咋 !!!!

你話係咪人都癲 ??? 

痴線架 !!!

而我不知道原來松屋是這麼抵食的 ~

山形呢度其實都幾靜 ~ 唔係一般大站咁繁忙 ~

有d似九州o既熊本車站 ~

hi ~ 嵐 人 ~

 

因為BOOK左銀山溫泉旅館車 1340 係大石田站等 ~

於是見仲有好多時間 ~ 就行下車站周邊 ~

1246 山形 --- つばさ133号(新庄行) --- 1316 大石田 (PASS / 自由席實際 JPY 670)

買了上車食 ~ 其實食完松屋已經飽到呀媽都唔認得了 ~

到了車站 ~ 有好多人都係等緊車接吧 ?

車站外亦有好多司機等緊住客 ~

站內的擺設 ~

車站頂有好多壯男係度剷雪 ~ 佢地勁布步驟咁剷 ... 好勁 ~

沿途o既雪都好厚 ~ 而且好污糟咁 ~ 哈 !

同行有兩個日本妹一齊去旅館的 ~

佢同司機叔叔好好傾 ~ 

反而我一句說話都無 ...

突然司機叔叔話帶佢地去睇鴨仔 ... 於是我又一齊去睇了 ~

車程其實都幾遠 ... 差唔多半個鐘 ... 終於到了 ~

周圍都係雪呀 ~

呢度河邊全部都係旅館咁滯 ~ 食店都有 ... 不過小 ...

司機話呢間饅頭好出名 ~ 一陣會試 ...

足湯 ... 係條河旁邊 ~

我住的昭和館 ... 銀山只有佢先接待一人客 ~

一泊二食 JPY 16,350

 

大堂很漂亮 ~ 全部都充滿日本色彩 ~

小擺設好多 ... 有D 可以買的 ~

我住的房間 ...

 

哈佬 ! PAMA ~

放低D野係房 ~ 周圍望下旅館 ... 就出去兜個圈啦 ~

其實入到黎 CHECK 埋IN都3點未夠 ... 今日好悠閒呢 ~

於是行到出去就試司機話好吃的饅頭店 ... 

炸饅頭 ... 是凍的 ~ 一點也不好吃 =.=

然後我再試佢講呢間豆腐店 ...

 

要買野請搖鈴 ~

係咁凍O既環境下 ~ 只有我一人硬膠膠的在浸住足湯吃豆腐 ~

豆腐很滑 ~ 但沒有什麼特別 ...

足湯前 ... 記緊帶毛巾 去 ~ 我咁聰明當然有拎啦 ~ 啦啦啦 ~~

浸完之後 ... 行多陣D 小鋪 ~ 行到最盡 ... 就返旅館 浸溫泉lu ~

呢兩罐野 都係充滿藥水味 ...

去浸溫泉LU ~~~~

門口 & 側邊 ...

 

望出去沒有特別的景觀 ~

好細 ...

浸完室內 ~ 就沒天空 ... 其實佢都係室內黎的 ~ 只係個景高小小 ...

 呢個景都係一般 ...

其實我成日都好好奇 ... 係咪真係無人望到 ?

定佢D玻璃本身係防偷窺 ~ ?

浸完兩個溫泉之後 ~ 其實都只係16XX 咁上下 ...

係房訓左陣 ... 睇下電視 ~ 寫下遊記 ~ 咁等到1800 就落去食飯了 ~

有一間房 ... 同個大叔 同房地食 ~

佢都係自己一個人 ... 都有傾下計 ... 想講多D ... 但唔知講咩 =.=

很一般的刺身 ~

不喜歡吃的魚 ~

醃菜 ~

前菜 ...

混合黎食 ... 猶如吃鼻涕一般 ... 

係soba 黎 ... 清清淡淡 ~ d soba 的確幾好味 ~

山形牛 ~

足料蒸蛋 ...

今天這個不是魚了 ~

是肉 + 菇 ~

甜品只有水果 ... 多麼令人失望 ~

不過佢切到個蘋果咁都幾特別 ~

花雖美 ... 但不好吃 ~

 

吃飽飽便回房看VS 嵐 ~

成日睇相 ... D人都影到銀山溫泉o既夜景好靚 ~ 

咁我睇完電視 ... 當然要凍住咁出去睇下啦 ~

著住浴衣 ... 然後旅館門口都有提供大褸同水鞋俾住客用 ~

咁我行到出去 ... 係漆黑一遍架囉 =.=

超級失望 ... 

或者d相我影到好光 ~ 但係實際情況同相片係差好遠 ~

加上我部機又唔多好 ... 所以可能有d矇咁囉 ~

不過成個夜景都好令人失望 ~

新幹線之旅 ...

今日約左友人0730 係旅館等 ~ 一齊去食埋早餐 ~ 行朝市 ...

然後就要說聲再見了 ~

雪景的高山也很美 ~

呢度環境清幽 ~ 野食又好味 ~  人又友善 ~

難怪友人咁喜愛呢個地方 ~ 唔捨得離開 ~

去左陣屋朝市對邊其中一間食店 ~ 友人話佢經常幫襯的 ...

好飽 ... 好豐富 ~ 我真係好鐘意食呢度D菜 !!

點解我上次黎唔覺得D菜咁好食o既 ?!

上次係行另一邊朝市 ~ 感覺上比呢邊豐富 ~

因為果邊有鋪頭 ... 呢邊就只有 "小販" 檔 ~

行行下仲落雪添 ~

好佩服d公公婆婆咁早起身就出黎擺檔 ~ 仲要咁凍天氣 ~

到底佢地一個早上可以賺到幾多錢呢 ~?

行完之後就返旅館拎返行李去搭JR 啦 ~

去到車站 !!! 完全估唔到有咁多人囉 !!!!!!!!!!!!

我諗住排隊換指定席都趕唔切啦 ~~

因為我搭0938 特急出名古屋 ~ 0900 去排隊換飛 ~ 但條隊好慢 ...

0938 高山 --- （ワイドビュー）ひだ6号(名古屋行) --- 1202 名古屋 (JR全國PASS利用)

呢程都要JPY 3,350 了 (因為無坐指定席)

其實張PASS真係好抵 ~

準時到達名古屋 ~

然後我去左換飛 ... 因為今次想坐指定席 ~

同埋其實用PASS 係唔可以搭NOZOMI 呢架車 ~

所以時間就要等一等啦 ~

1227 名古屋 ---  ひかり518号 (東京行) --- 1410 東京 (PASS利用 / 實際價格 JPY 10,880)

好啦 ... 係車站買了小小東西吃 ~

落到東京車站 ... 梗係行陣街先去山形啦 !!

呢度有個期間限定o既funassyi land ~

跟住又有肥熊館 ... 又有好多好多好多無聊精品店呀 !!!!!!!!!!

行到根本唔想離開 =.=

 

食左呢間做午餐 ? 下午茶 ?

去到時lunch set 已無 ... 唯有單品 ~

雞好滑 ~ 但膽固醇很高 ... haha ~

行到大約1600 先捨得去換新幹線飛 ~ 因為又唔想太夜到山形~

1700 東京 --- つばさ149号 --- 1945 山形 (PASS 利用 / 實際價格 JPY 11,340)

張PASS 淨係今日都用左2萬5千幾YEN ... 真係抵到爛呀 !!

不過其實我就真係浪費左一日黎搭車囉 ~

買左甜品上車食 ~ 佢最底果個脆脆好好好好味 !!!

終於 ... 經過左總車程 6個幾鐘 ... 終於到我o既目的地啦 !!

  

我淨係想講句 ! 好撚凍呀 !!!!!!!!!!!!

因為之前買左櫻花杯 ~ 有張飲品卷送 ~ 拿拿聲換杯野飲先 ~

soy milk 佢會俾個牌你 ~ 以防混淆 ~

其實酒店直行就係 ... 但係落住雪定雨 ~ 唔記得 ...

越行越凍 ~ 越行越凍 ... 忍唔住問下途人仲有幾耐到 ~

ホテルキャッスル（山形)  --- 一泊 JPY 3,400 

原來呢間酒店係11點先CHECK OUT ... 好開心 ~ 咁我聽日就可以訓晏D 啦 ~

為左食D 好似好特別o既野 ... 我入左去一間好似居酒屋o既鋪頭 ~

而呢間野 ... 其實全國都有好多分店的 =.=　浜焼き太郎 山形駅前店

呢d 餐牌真係好地道囉 ... 

先叫左杯果汁酒飲 ~

呢個係餐廳送的 ... 吞拿魚沙律 ~~ 

呢個就係地道山形鄉土料理啦 ~

係煮芋頭 ~ 有d 肉 同茹係入面 ~~ 食完已經好飽 ... =.=

店內其中一邊環境 ~

最後叫多隻壽司船食 ~ 就無了 ...

但說真的 ... 這個味道一般 ~

食店入面大家都好奇 我一個女仔黎 ~ 都有同我傾下計 ... hahaha ~

基本上係得後生同女人我先聽得明佢地講咩 ~ 

d 大叔果d 腔調 ~ 真係勁難聽到 ~

食飽飽 ... 回酒店 ~ 

呢度係我今日o既收穫 ~

我都唔知點解我會買隻雞 ~
但我一見到佢 ... 佢好肥 ~ 好可愛 ~ 就抱左佢去俾錢 lu ~