台場 & SKY TREE ~

0900 起身 ~ 然後沖涼室有人 ... 等 ! ~

我懷疑只係佢個使用中 無轉到個牌 去空室... =.=

出發 台場 ~ 而我不知道為什麼我每次黎東京都要到台場 =.=

大山 > 東武東上線 > 池袋 (JPY 144) >
> 池袋 > JR山手線 > 新橋 (JPY 194 ) >
> 新橋 > ゆりかもめ >  お台場海浜公園 (JPY 319)

我第一站係食afternoon ... 無錯 !!

一早起身 ... (其實都12點) 就去食下午茶 ~~ 嘩哈哈 !!!

一入到去就見到有人拍野 !!
嘩 !! 係日本第一次見到有電視台拍電視劇 ~
大家都好安靜 ...
well ... 見到鈴木保奈美 ~ 影左張相 ... 然後被人叫停 ~ 好尷尬 !

呢度係日航酒店 地下o既餐廳 ... 

其實根本唔使book ... 因為都無人 ... 有大把位 ~

大部份日本人都會揀坐出去 ...

雖然今日唔熱 ... 但好曬 ... 坐出去景色係靚好多 ~

不過 ... 我唔想曬 ... 同埋有小鳥飛過 ~ 驚驚 !

我o既下午茶係芒果做主題 ... 因為呢排芒果當造 ~

然後呢set 野只需要 JPY 3,326 ~ (連稅連加一 ... 係日本第一次要加一)

先來一杯咖啡 ... 無咩特別 ~

份量看似好少 ... 但係已經好飽了 ~
全部都係芒果芒果 !!!!!!!!!!

個scone 唔好食 ... 好硬 !

呢個撻我唔鐘意佢有蕉係入面 !

呢層係最好食 ... 佢連macaron 入面個餡都係芒果 ~
而且真係完熟的芒果 ~ 好甜 !

食飽飽 ... 大約坐到一點左右 ~ 就走了 ...

呢d 環境 ~ 呢d 時間 ~ 好車次 ...

之後慢慢行左去隔離商場 ... Aqua City ~ 係地獄o既開始 ...

點解 ? 因為原來已經開始做緊summer sales 了 !!!

好啦 ! 因為最近玩boxing ... 行到入Adidas 又做緊sales wor ~

加上又見到買夠 JPY 10,000 可以退稅 ~
就係咁 ... 我買左一套運動服 ~ 而我不知道為什麼要係度買 ...

或者香港都會平D ? 算吧 ... 唔買都買左 ...

然後再行其他香港都有o既鋪頭 ...

有d衫 ... Lowry farm 香港平左都唔夠呢度平囉 ~ 嬲呀 !!

要快d 離開呢度先得 !! 其實都行左2個鐘lu ...

之後慢慢行返過隔離富士電視台 ... 目標 --- 小丸子cafe ...

其實未餓 ... 於是就上去球體室度行陣先 ~

其實我以前都上過 ~ 我初時以為要上左去先睇到ARASHI D野 ~

但點知係咩都無架 !!

入場料金 : JPY 550 ~

這個係商店入面D鋪頭影的 ~

上到去 ... 其實都唔記得係咪一上去就係 ~

見到めざましテレビ個SETTING ...
 

仲有得同佢玩添 ~~



圍繞一周 ~

還是舊海報 ~

上面就是這樣兜了一個圈 ~ 望下台場景 ~ 就完結了 ...

好啦 ... 我有生之年都應該不會再希望黎第3次了 ~

然後落左 ... 應該係5樓果層 ~ 先比較多野睇 ~

而呢層 ... 其實應該係唔使比錢都入到 ~
好啦 ... 又硬膠左了 ~

喜愛節見之一 ... 逃走中 ~ 但好耐無睇了 ~

 

 

好啦 ... 睇完晒所有野 ~ 去食野啦 ...

食咩呢 ? 小丸子CAFE ...

無人排隊 ~ 其實有D 失落 ... HAHAHA 痴線 !

 

 

 

其實諗左好耐到底叫咩食 ~ 因為其實都無咩特別想食 ...

不過呢個豬太郎 好似幾得意 ~ 咪試下囉 ~

味道就一般啦 ~ 

但係我覺得日本人真係好勁 ... 圖片同實物係相符架 ~

即使味道一般 ~ 但見到如此賣相都會食得開心啦 ~

食完之後 ... 就過左隔離 Diver Tokyo City ..

有高達果度 ... 都係想影下個高達 ~ 個商場都無咩特別吸引我行 ~

由於面前大多人 ~ 同要行好遠先影到 ... 我放棄了 ~ 影佢背面算 ~

之後 我就去左sky tree ...

由台場去sky tree ~ 車錢都幾甘 ... 其實因為蠢左咁搭 ~

實際係點搭 ... 我已經唔太記得 ...

東京テレポート > りんかい線 >  大井町 > JR > >>> とうきょうスカイツリー

我記得起碼搭左 JPY 1,000 ~ 唔知點轉來轉去架 ~

最後都成個鐘先去到SKY TREE ~

但我見唔到櫻井翔影錯果個主題公仔係邊囉 ! 嬲 !

天黑前 vs 天黑後

諗左一陣到底上唔上去好 ~ 又係啦 ... 黎到 ~ 無理由唔去 ...
無上到最盡 ... 上到最盡好似要加多成 JPY 1,000 有多 ~
我依家入場 : JPY 2,060 ~

入到去架"車立" ~ 係咁樣的 ... 要嘩的 ~

依家同little twin star 合作緊 ~ 所以有佢地出現 ~

因為一場黎到 ~ 都5點幾 了 ~
咁無理由望完就走 ... 於是等天黑 ~

但估唔到天黑都要等兩個鐘 =.=

差唔多1930 先天黑晒 ~ well ... 我係上面兜左無數個圈 ~ 好無聊 ...

但好似影出黎都無咩分別咁 =.=

 

呢d 玻璃 ... 我從來都唔敢企上去 ~

 

望完夜景 ~ 就落商場行下 ~ 好多野行 ~

見到間雪糕店 ... 試下囉 ~ 

牛奶味 ,,, 但好重冰感 ~ 竹炭筒 ~ 可以不試 ~

目的地是熊館 ... 好細間 ... 

期間限定餐廳 ~ 當然要試下啦 ... (到底今日第幾餐 =.=)

只是兩塊蝦片夾埋 ~ 個蛋係流心的 ~
但我真心想知道到底個樣點樣整出黎 ~ 好打意 ...
再一次讚美日本做呢d 卡通野食真係好圖片與實物相符的 ~

 

好啦 ... 黎到呢個時候 ~ 電話都無晒電 .. 個人又勁攰 ...

都差不多8點幾了 ~ 回旅館 ...

但是回旅館前 ... 我又去懷緬過去 ... 又食 !!!!!!!!!!

元氣壽司 ~ 係咪癲架 !! 香港都有啦 ...=.=

因為呢間元氣係我住旅館 ~ 即係我以前住果度附近 ~

又平又抵食呢 ~ 最平JPY 108 就有一碟啦 ~ 

款式又多 ... 多過香港幾倍呀 ~ 

蝦沙律壽司 ... 至愛 ~~

以前未有新幹線 送到黎架 ~ 依家有 ,.. 好型 ~

今天行程完結 ~

回到大城市 ~ 東京

今朝本想0700 起身 ... 但太眼訓 ~ 繼續訓 ...
最後用左半小時去溫泉 ~ 跟住0830 去早餐 ~

食飽飽 ... 返房執埋野 就離開了 ~
尋晚同司機叔叔約好左0940 係lobby 等 ~
佢車我去車站 ... 其實呢個叔叔都好nice ..
第一次係離開果時司機同我握手 ~ 同埋佢都幾好傾 ...
佢叫我下次冬天黎 ... 冬天會望到白雪雪富士山 ~



1006 河口湖駅 > 富士急行巴士 > 1213 渋谷マークシティ (JPY 1,800)

直落渋谷 ~ 因為要去食壽司 ...
係車上都係訓唔著 ... 無咩人 ~ 好似得5~6個人搭呢架車 ...
落車後 ... 直去呢個 美登利 壽司 ...

就係落車mark city 果度 ... 好方便 ~
去到果時已經有好多人排隊 ... 不過有位坐住等 ... 無咁慘 ~
等左我估大約半個鐘就入得 ~

呢間野係同事介紹 ~ 佢話一定要食個蟹膏沙律 ...
而佢果d lunch set 全部都有 ~ 我就揀左個超特選lunch (JPY 2,160 連稅)

 

蟹膏沙律 .... 真係好好好好好味呀 !!
佢D膏超甜 !!!! 仲好多 ... 一D都唔孤寒 !!
不過個蒸蛋就一般啦 ~

你唔好睇呢SET 野好似好少咁 ... 但食完係超級飽 ...

佢個拖羅係超正 ... 入口即溶 !!! 痴線架 !!!

佢個蟹腳都好鮮味 ...

計返都係HKD 130 左右 ... 痴線架 !! 抵到喊呀 !!!

食飽飽 ... 就落新宿了 ~ 去新宿做咩 ? ABC ... 整蛋糕 !!

涉谷 > JR 山手線  > 新宿 (JPY 154)

落到新宿 ... 仲有成個幾鐘 ... 就搵LOCKER 放低個喼先 ~

我係西口出 ... 見到附近都無晒位 ~

慢慢行去丸之內線果邊 ... 見到有個係COIN LOCKER 位置 ~

有位 !!! 但有 JPY 800 !!! 好貴囉 ... 但無辦法 ~ 唯有照放 ..

但後來我見到另一邊果D只需 JPY 600 !!!! 嬲 !!

好啦 ... 搵呢幢野村大廈 ~ 都行左好遠好遠 ...

完全兜左一大個圈 ~ 有時谷歌MAP 都係估唔過 =.=

呢度個RECEPTION ... 無咩特別 ~
入去前要先換拖鞋 ~ 對鞋就放入locker ...

 

   

呢邊新課程有得學icing ...

我book左1500 學 ... 但其實我去到果時只係1430 ...
咁佢地就斟左杯水俾我 ~ 又俾我填左小小野 ~
 我自己又拎下佢地d catalog 黎睇下咁 ~

一開始佢會介紹左我先 ... 問左我對咩有興趣 ~
計左個價錢俾我知 ~ 因為佢以為我係留學生 ...
學生原來仲有得平d ...
計返平過香港 一半囉 !! 痴線架 !! yen 平真係好開心 ~

講完之後就開始整 ... 只需要JPY 500 咋 !! 痴線架 !!
好啦 ... 不停被讚手勢各方面都好好 ... (要暗笑) ~
因為過程都唔俾拍照 ... 所以只有製成品 ...
lemon mont blanc  ~
我自己食左一個 ~ 就請左一個教我果個先生食 ~
然後另外兩個拎走 ... (最後掉左一個 ~ 根本食唔晒 =.=)

學完之後佢就會繼續同你講報晒所有course要幾錢 ~

也許佢知我係運吉 ... 所以都無再sell 我了 ~

返車站拎返個喼就返旅館了 ~

而我o既旅館係一個叫大山o既地方 ...

因為以前係住呢邊 ... 所以想試下住呢間野 ~

係東京黎講佢只要 JPY 4,000 一晚 ~ 真係抵到喊啦 ...

不過 ... 應該唔係人人可以接受呢間旅館的 ~ 嘩哈哈 !!!

新宿 > JR山手線  > 池袋 (JPY 154) > 東武東上線 > 大山 (JPY 144)

佢距離車站大約5分鐘o既時間 ... 二見館 旅館 ~ 

我要係呢度住4晚 ... TOTAL JPY 16,000

介紹下呢間野先啦 ... *** 相係走果日影的 ~

個門口係咁的 ... 我第一日去到 ~ 係無山門 ~

其實我每一日返去都係無山門的 ...

然後我入到去 ~ 佢就同我講 ... 叫我自己入房 ~  好自由 ...

玄關位置 ...

 

要搬喼行上呢條樓梯 ... 好彩個喼暫時都唔重 ..




長長o既走廊 ... 行到最尾 ~ 屎坑隔離就係我間房了 ~



一開門時覺得間房好似有d 細 ~ 一個人剛剛好 ... 不過兩個人就會迫d ...
雪櫃電視冷氣 都有齊 ~
其實住住下 ... 會有陣係屋企o既感覺 ~

個屎坑係勁細 ... 肥少少都會好迫 ~

每日沖涼都要行呢條樓梯去浴室 ~ 得一個 ..
所以我每朝起身都要等人沖完先有得沖 @@

浴室門口其實有個牌掛住 空室 定 使用中 ...
不過我第一日去到唔知的 ~ 事後先知 ...
有一晚沖沖下涼仲發現原來個窗係一路開住左 =.=

 

其實住呢間野o既第一個人不是我 ~ 是我同事 ...

住完之後我同佢講 ... 其實你都好勁 ~ 可以接受到 ..

hahaha .. 其實無咩野 ~ 只係房無廁所 同沖涼的確係幾唔方便 ..

我接受到 ... 不過唔會介紹俾人住 ~

因為應該無咩香港人會好似我地咁接受到 ~

放低晒d野 ... 我就出左去唱兩個k ...

唱完之後我就過左上板橋食拉麵 ...

大山 > 東武東上線 > 上板橋 (JPY 144)

因為以前住呢邊 ... 想行返去 附近睇下 ~ 

但行行下又好似想落雨 .. 又開始迷路 ~

所以都係直接去食野算了 ~

蒙古タンメン中本 上板橋本店 --- 2014 年 5月 31 日 ~ 嵐にしやがれ 東京いい店くどい
相葉雅紀 & 櫻井翔 

好啦 ... 因為咁近 ... 所以一定要黎囉 !!

其實以前都住過呢邊 ~ 但從來都無食過呢間野 ... Y ???

我一入到去 ... 就問哥哥 ~ 嵐黎係食咩 ?

佢答完我 ... 我就買了 ~ 然後加多隻蛋 ... 以為係味玉 ! 點知係普通烚蛋 =.=

哥哥話佢地係食呢個 !! 但我之後睇返唔係囉 !! 嬲呀 !!

好啦 ... 不過我見佢俾櫻井翔坐過o既位我坐 ~ 我原諒佢啦 ...

嘩哈哈 !!!!!

很足料 ... 味道不錯 ~ 夠辣 ~ 食完好飽了 ...

上板橋 > 東武東上線 > 大山 (JPY 144)

食完果時落勁大雨 ... 唯有係family mart 買把遮 ...

返到去22xx 左右 ~ 沖涼 ...

又完了一天了 ~ 今日很充實呢 ~