Munch

這天 ... 同事請食飯 ~ 好感動 ~ 年年都有得痴衫尾食飯 ：)

餐廳燈好暗 ~ 很浪漫 ... 野食選擇不多 ~ 但每樣味道也很好 ~
餐前的包 ... 比較硬 ~ 無牙不宜吃 ~

同行4人 都叫南瓜湯 ~ 我我一個叫蠔湯 ~
我覺得 ... 好好飲 ~ 色香味都充滿濃烈o既蠔味 ~ 初先我以為係原隻蠔湯 ~
估唔到係creamy 的蠔湯 ~ 不過同事們都話覺得陣味太勁 ~ but i like ：)

頭盤叫左兩樣 ~ 先黎 "pama ham" ~ 落單時已經問左係咪share 食 ...
懷疑因為咁所以切左5舊 ? haha ... 只係猜測 !

密瓜很甜 ~ ham 很咸 ... 然後 都不錯 ~

見到OR 的推介有呢個蟹餅 ~ 當然要試啦 ...
嘩 !!!!!!!!!! 好好味呀 ~!!!
佢成個蟹餅都真係百分百蟹肉 ~ 個口食落真係淡淡蟹肉黎架 ~
一絲絲o既蟹肉 + 小小似南瓜汁伴底 ... 好好味呀 !~

不過佢放面果D蘋果條就好酸 ~ 可能因為襯底果個汁比較漏 ~

呢個係帶子唔知咩意大利飯 ~
茄汁底的東西我一向麻麻 ~ 不過隻帶子好大隻 好厚 ~ 味道則一般 ~ 算肥美 ~

配左D翠玉瓜 ~ 加埋個茄汁底也不錯 ...

呢個黑毛豬 ~ 落柯打果時個侍應問我地5成熟O唔OK ~ 大家都O咀了 ~
之後侍應話呢隻豬太熟會UN ~ 咁好啦 ... 5成 ~ 因為7成都話好UN =.=

一試 ~ 好淋呀 ~ 不過一D都唔似豬 ~
而伴碟有一PAT薯蓉 ~ 初先以為係芥辣~但原來係磨菇薯容 ~ 好好味 ~

呢個露筍蟹肉飯 ~ 佢每淡飯都有小小蟹肉 ~
其實呢間野真係真材實料 ~ 每樣野真係果個就一定有果個味 ~ 唔呃人 ~
而且感覺呢D餐廳份量都應該好細 ~ 但佢就大大碟 ~

呢個又係蟹 ... 今次係藍蟹肉 ~ 唔知有咩分別 ~
同事們都很喜歡吃 ~ 佢其實好乾身 ... 但唔知用左一樣咩醬 個粉又好有味 ~

最衰唔記得左個全名係咩 ~ 佢個名好似有寫係咩醬 =.=

雖然大家都食唔晒D野~但依然叫甜品食 ...
tiamisu ... 一點都不好吃 ~ 失望 ~ 佢個質感一d都唔似tiamisu ...有d 硬 ~ ..

然後呢個心太軟 ~ 我本身唔太鐘意食心太軟 ~ 同埋呢個有好濃o既酒味 ~
不過同事都話好食wor !!

呢間野 ... 真係好味 ~ 我仲回味緊佢個蟹餅 ~!

花月庭

人生無幾何之 ... 請父母食普飛 ~

自問 ... 無咩能力經常請父母食飯 ~ 亦無能力請全家13人食飯 ~ (但又成日去旅行 =.=)

就趁年尾 ~ 同事又有折 ~ 咁就買定餐卷同父母食個2013 年最後的普飛吧 ~

原價$388 ... 經同事買只需 $256.10 (已加一) ~ lunch 黎講 ... 抵 ? 不知道 ...

由於是各種節日 ... 台面有呢d 玩意 ... 父母一看見便說要給孫仔玩啦 ~

1200 ~ 1430 ... 2.5 小時 ~ 足夠有餘 ...
第一轉當然係刺身 ~ 生蠔 ~
刺身選擇很小 ~ 壽司也是即場握出來 ~ 但我沒吃 ~
刺身好似得3 樣 ... 我食左兩樣 ~ 三文魚同鮑片 ~ 正常 ... 三文魚中上 ... good ~!!

看到生蠔的時候十分失望 ~ 勁細隻 ...
但食落又ok wor ~ 比起我上次 去自助山還好 ~ 至少是新鮮 ~
雖然海水味比較重 ~ 但無沙 ~ 而且沒有一種澀的味道 ~
父親說澳洲蠔比較細隻 ~ 但真的不錯 ... 好似食左14隻 =.=

前菜都很好 ... 其實沒有什麼特別 ~ ha !

日式蒸蛋很滑 ~ 但味道一般 ...
海南雞飯 ... 個飯我覺得好好味 ~ 好入味 ... 薑味很重 ~
不過媽媽說d飯有點硬 ... 但我和爸爸也覺得不錯 ~

然後侍應送上這個卷 ~ 可以一人換一客龍客的 ...~

換了這個 ... 旁邊的是椒鹽三文魚是從 熟食的盤拿回來的 ~

我媽一食就話個龍蝦好難食 ~ 我食落 ... 好UN ~ 好似煮得太熟 ~
然後媽話呢D係養龍蝦 ... 總之就不好吃 ~ D 肉好UN ..
舊魚一般 ... 好似太乾身 ~

然後有個叫有骨火腿 ? 好咸 =.=
葡撻細細個熱辣辣都唔錯 ~

呢個係磨菇湯 ~ 佢個味好怪 ... 唔creamry ... 仲飲左個蟹肉"巾" ~ 咸左d ... 但好味過呢個 ~

呢個都係熱盤 ~ 個印度薄餅 ... 脆得滯 ~ 好似食緊薯片咁 ~
咖哩牛好un ... 羊很羶 ~

終於 ... 到甜品啦 ~ 有窩夫 ... 都實淨 ~ 飽肚 ... (本身都飽飽地~)
然後自己再行去雪糕果邊 ~ 叫姐姐放個雪糕 ... 係movenpick的朱古力 ~ 好味道 !

最後呢D小甜品都只是一般 ~

再一次發現自己BUFFET 原來食好多 ... 很好：) 肥仔了 !!!

Knockbox Coffee Company

約了友人去MK ... 然後佢話去新開的咖啡店 ~
原先我以為佢外帶 ~ 點知坐低左 ...
我黎到之後發現呢間野係飲精品咖啡 ~ 即係依家貓屎媽媽飲果D ...

原來一杯呢D精品咖啡係咁貴架 ~ 如果唔係出左BONUS ... 我是不會飲的 ~
65蚊一杯 ... 好貴呀 !!!

本身我地係坐側邊D台 ... 之後見吧位有人走 ~ 於是立即換位 ...

佢每一部機都好似好PRO ...

好彩掉左上吧台咋 ... 我揀左哥倫比亞 o既手沖法 ~
所以哥哥可以係我面前沖俾我睇 ~
佢首先會將磨好o既咖啡粉俾我聞一聞 ~ 有d花果香味 ~
同平時係公司聞到果d 粉係唔同味 ~

之後佢就係我面前沖 ... 佢先沖一下張濾紙 ... 然後先放d粉落去 ...
再慢慢加熱水得d 咖啡 流落杯度 ...

登登 ~~~ 完成啦 ~

說實在的 ... 這杯咖啡同我平時飲o既真係完全唔同 ~
佢係帶酸味 ... 一d都唔苦 ~ 仲有"齒夾流香" 果種感覺 ...
飲完個口唔會好似平時飲完咖啡咁有陣澀o既味道 ~
同埋佢有d 似涼茶 ~ 個味道真係好特別 ...
人地話呢d咖啡先係原汁原味 ...
我諗學飲咖啡都係一種好高深o既學問 ...

如果下個月出雙糧可以再試下 ... 哈哈哈 ~!

同埋 ... 每種咖啡豆好似用唔同沖法味道都唔同呢 ~