Wing's Kitchen

難得我明天不用返PARTIME ...
要拎點好野食 ~ 然後 看個戲 ... 好好享受HAPPY FRIDAY ...
但可惜 ... 野一點也不好吃 ~ 多麼令人傷感 ~

早於一星期前已係OR 訂位 ~ 科技真的很先進 ...
然後呢間餐廳打左黎兩次問我叫咩名 ... 多麼奇怪 ...

我先去到鋪頭坐 ...

等到友人來到便點茶 ...

餐廳的侍應不是態度差 ... 而是太蠢 ~
點一樣野講左幾次 ... 佢好似聽唔明咁 ~
然後叫我地UP NO. ~
而另一位就叫我地講食物名 ... 好古怪 =.=

這個沙律 ... 菜係完全地苦的 ~ 一點也不新鮮 ... 好似約58 蚊 ...
星巴克/MARKET PLACE 一個新鮮的三文魚沙律 都只係42蚊 ~

炸蝦餅 ... 98 蚊 ~
到底你憑咩收得咁貴 ... 又乾又HI 又腥~
雪藏野 ~ 我諗我自己去超市買返屋企炸 都好食過你 ~

帶子意大利飯 ...
喂 ... 其實你138 蚊一個飯 ~ 唔係平架WOR ...
可唔可以唔好咁 ~ 俾小小誠意出黎 ?
乜依家D野真係貴得咁緊要咩 ...
朋友話個飯似 金像牌 ... 仲話其實759 意大利米一包好平 ~
其實我寧願你俾兩粒帶子我 ~ 我唔要3粒 ... 我要新鮮的 ~
就算我去SOGO 買200 幾蚊 十幾粒果D 大大粒都好食過你囉 ...
真係太過份 !!!

原本我地仲叫左個闊面 ... 為免一錯再錯 ~
食完個飯我地立即CANCEL  ...

最後呢餐飯都差唔多320 蚊 ... 我真係 想 Xxy ...

錢 ... 不是一個問題 ... 野食才是最重要 ~
又難食又貴 ... 真係一個unhappy friday ...

Linguini Fini

難得的假期 ... 在家整完 包餅就 出中環癲拿 ~

熱到呀媽都唔認得 ~ 企係度都出汗 ...

朋友話...既然放假 ~ 就出中環食癲拿 ... 可以慢慢嘆 ...

先來前菜 ... Mozzarella with tomato ~ nice ...
其實我對於Mozzarella 呢個名 ... 係因為我返左依家份partime 先識 ~
partime 無食過 ... 但係呢度食 ... 都幾特別~
我唔識分 ... 雖然佢係芝士 ... 但係味道很清淡 ~ 唔會好膩 ...
親埋酸味味o既蕃茄 ~ 很開胃o既感覺 ~

沙律 ... 有點辣 ~ 不太特別 ... 味道不錯 ~

Pubblico 12" ~ pizza ..

 

Dessert Board ...
包含左幾款甜品 ~ 幾款都不錯 ...
印象最深係莓味的奶凍 ... 很滑 ~
佢個BLUEBERRY 芝士 ... 真係一點也不芝士 ~
然後香蕉朱古力蛋糕 ... 我最不喜歡 ~

打呢篇野係7月16號 ~
依家越來越無心機寫呢D ... 隔太耐 ~ 同埋已經無咩印象~
加上發現OR 寫住呢間餐廳已結業 ...
所以 ... 都不太詳寫了 ~ 記得自己吃過便算 ...

鐵板燒雪舟

為慶祝友人的生日 ~ 特登揀左一間貴餐廳 ...

因為我生日的時候去了澳門 ~ 今次係要還債的 ...

但我知道 ... 我係還唔清的 ~

BOOK 左1點鐘 ... 但我遲左半個鐘 ... 對唔住呀 !!!!

呢座野都係第一次黎 ... 看似全都是高級食店呢 ~

SET LUNCH 分左好幾款 ~ 有一款大約 $500 左右的係商務SET ...
可以加錢轉唔同種類o既牛 ~ 但我地無叫到 ~
揀左兩個都係雪舟午饍 ~
一個加$50 蚊要牛肋排 ~  一個加$200 要黑毛和牛 ~

呢度o既環境 ... 有如我去日本食神戶牛的感覺 ... 很懷念 ~

先桃前菜 ...
沙律一般 ~
蒸蛋很滑 ... 味道同其他日本餐廳好唔同 ~
用黎蒸蛋個湯味道比較重 ~ 所以都比較濃味的 ~
豆腐沒有什麼特別 ...

呢個餐有蝦同帶子 ... 先來一個蝦頭 ~ 在面前燒 ...

師傅的手勢也是一種表演 ... 呢d 都係包埋係價錢度的 ~
到咁上下 就加埋帶子一齊燒 ~

完成了 ... 個人認為蝦燒得熟得滯 ~ 有點un ..

帶子味道不錯 ...
其實應該唔加汁 ... 咁就可以試下原汁原味了 ~

準備食牛 ... 其實呢d 汁都唔應該點 ...
我個人比較鐘意食原汁原味的野 ~
因為好吃的 ... 是不用點任何醬的 ... 個人認為 ~

呢個係加左 $200 的黑毛和牛 ~ 好似係黎自九州 ...
要求左5成熟 ...

加埋D雜菜炒 ...

呢個係加 $50 的牛 ~

完成了 ~ 小小的份量 .. 但其實加埋其他野已經好飽了 ~
我覺得兩款牛都好有牛味 ...
但係我覺得加$50 的比$200 的更好吃 ~
因為可能脂肪比較重 ~ 所以咬落比較淋身 ~
而$200 的我覺得唔似有5成熟咁小 ~

蒜容炒飯 ...
好得意 ... 佢會特登整一片飯蕉放面 ...

呢個炒飯都好好味呢 ~

麵豉湯跟酸菜 ...

甜品係牛奶布丁 ~
佢上面加左層微微的乳酪 ~ 食落酸酸地 ~好特別 ~
*** 估計是乳酪